Qalbaki pul “ixtirochisi” qo'lga tushdi

Bosh prokuratura huzuridagi Departamentning Namangan shahar bo'limi tomonidan huquqni muhofaza qiluvchi organlari xodimlari bilan hamkorlikda o'tkazilgan tezkor tadbirda, fuqaro M.M. har biri 100 AQSh dollari kupyurasidagi 21 dona 2.100 AQSh dollari miqdoridagi qalbaki valyuta qimmatliklarini fuqaro U.T.ga 1.000 AQSh dollariga sotgan vaqtida ashyoviy dalillar bilan ushlangan.

Mazkur holat yuzasidan fuqaro M.M.ga nisbatan JKning 176-moddasi bilan jinoyat ishi qo'zg'atilib, tergov harakatlari o'tkazilmoqda.

Soliq to'lamaslik holatlari aniqlandi

Bosh prokuratura huzuridagi Departamentning Yunusobod tumani bo'limi tomonidan o'tkazilgan tergovga qadar tekshiruvda, “W.T.” MChJ mansabdor shaxslari 2019 yilning yanvar-iyun oylarida xorijdan import qilingan 61,1 mlrd. so'mlik yuqori likvidli mahsulotlardan 44,9 mlrd. so'mligini naqd pulga sotib, savdo tushumini bank muassasasiga kirim qilmasdan, 2019 yil 2-chorak yakuni bo'yicha hisobotlardan yashirib, byudjetga to'lanishi lozim bo'lgan qariyb 9 mlrd. so'm qo'shilgan qiymat solig'ini to'lashdan qasddan bo'yin tovlab kelganliklari aniqlangan.

Vaholanki, korxona mansabdor shaxslariga, bir oy muddat ichida soliq to'lovlarini byudjetga to'lashi lozimligi tushuntirilib, rasman ogohlantirilgan.

Ammo … shaxsiy nafs ustun kelgan.

Mazkur holat yuzasidan jamiyat mansabdor shaxslariga nisbatan JKning 184 va 189-moddalari bilan jinoyat ishi qo'zg'atilib, tergov harakatlari o'tkazilmoqda.

Bosh prokuratura

matbuot xizmati.

Javob qoldiring

Email manzilingiz chop etilmaydi. Majburiy bandlar * bilan belgilangan

three × one =