Эс(и)кирмас хабарлар
Талабалар ҳаётида ижара уйи билан боғлиқ муаммолар роса кўпайгани сабабли ҳар бир Олий таълим муассасасига ижарага янги қурилаётган кўп қаватли уйлардан бериш вазифаси юклатилди. Энди талабалар турар-жойига сиғмаган билимли ва иқтидорли, қолаверса, оилавий шароити оғир ўғил-қизлар ўқув йили охиригача тўлиғича турар-жой билан таъминланадиган бўлди.
* * *
Қуйидаги хабар эса “Тошшаҳарйўловчитранс”дан янгилик!
Талабаларнинг автобусга сиғмай қолиши муаммосига ҳам ечим топилди. Энди барча йўналишдаги автобуслар қўшимча яна 10-15 кишига мўлжалланган арава билан ҳаракатланади. Бу хайрли ишдан кўзланган мақсад йўловчиларга қулайлик яратишдан иборат.
* * *
Ўзбек тилининг обрўсини янада ошириш ва дунё ҳамжамиятидаги мавқеини мустаҳкамлаш мақсадида янги лойиҳа ишлаб чиқилди. Энди она тилимизда гапирмайдиган амалдорлар “вопшим” давлат ишида ишламас эмиш.
Алдар Кўса.