Qatralar
Nozik
Oyog'im nozik. Yangi poyabzal kiyishga qo'rqaman. Unga moslashib, o'rgangunimcha terimni “urib”, yara qilib tashlaydi.
Qalbim nozik. Har ikki kunda yangisini sevishga qo'rqaman. Unga moslashib, o'rgangunimcha, yuragimni “urib”, yara qilib tashlaydi.
Deh-qon!
— Karamdan oling, aka. Bir gektar yerim bor! Yarimi kartoshka, yarimi piyoz.
— Iya, qiziq bo'ldi-ku. Karam dehqonchilikmi?
— Tirikchilik…
Pora
Yig'ilish boshlandi. Korrupsiya taraqqiyot kushandasi, deya ikki soat javragan arbob poraxo'rlarning nomini oshkor etmagani uchun “haq”ini oldi-da, cho'ntakni qappaytirib, chiqib ketdi.
Abdulaziz Ahmad.