Yosh jurnalistlar «yurak sadosi»

O‘zbekiston Milliy matbuot markazida O‘zbekiston Jurnalistlari ijodiy uyushmasi tomonidan «Yosh yuraklar sadosi» kitobining taqdimoti o‘tkazildi. Unda uyushma qoshidagi Yosh jurnalistlar kengashi a’zolari, Yoshlar ittifoqi vakillari, ommaviy axborot vositalari xodimlari, talaba-jurnalistlar ishtirok etdi.

Anjumanda mamlakatimizda yosh avlodni barkamol etib tarbiyalash, ular qalbida Vatanga sadoqat, milliy an’ana va qadriyatlarga hurmat tuyg‘usini mus­tahkamlashga alohida e’tibor qaratilayotgani ta’kidlandi.

Read more...

O‘zligini izlayotgan o‘zbek matbuoti zamon bilan hamnafas rivojlanishga kuch topa oladimi?

Har qanday ilgarilanma harakat tez-tez ortiga boqib, o‘z-o‘zini taftish qilib turishi qonuniy holat. Busiz izchil taraqqiyot ta’minlanmaydi. Mamlakatimizda kechayotgan jarayonlarga shu miqyosdan qaraganimizda, jamiyatda ijtimoiy fikrni shakllantirishning asosiy minbari bo‘lgan matbuot ham rivojlanish  bosqichlarida o‘zini-o‘zi “taftish” qilib boradi.

Matbuot milliy mada­niyatimizga nisbatan “yosh” soha. O‘rta Osiyoda dastlabki tar­qatma bosma nashr­lar paydo bo‘lgandan beri bu madaniyat turi tugal shakl­lanishga ulgurmay, turli siyosiy vazifalarni bajarishga majbur bo‘ldi. Hali “suyagi qotib” ulgurmagan vujud turli o‘zgarishlarga duch bo‘lib, qorishiq bir qiyofa kasb etdi. Qisqasi, o‘zi ichdan pishibyetilgan, o‘zgarmas tamo­yillar va oltin qoidalarga ega bo‘lishi lozim bo‘lgan soha tinimsiz yangilanishlar jarayonini boshdan kechirib kelmoqda.

Read more...

Navbahor IMOMOVA – “Amerika ovozi” muxbiri: “Jurnalistning ishi – odamlarni xursand qilish yoki ularning ko‘nglini ko‘tarish emas”

“Hurriyat” muxbiri AQShda yashab, dunyodagi eng yirik axborot markazlaridan biri — “Amerika ovozi”da faoliyat yuritayotgan yurtdoshimiz, taniqli jurnalist Navbahor Imomovaga bir nechta savollar bilan murojaat qildi. Garchi okean orti – Amerika bizdan minglab chaqirim yiroqda bo‘lsa-da, bugungi tezkor axborot zamonida suhbat qurish va savollarga javob olish muammo emas. Buning uchun har ikki tomonda xohish va istak bo‘lsa, bas. Quyida muxbirimizning savollariga N.Imomova yo‘llagan javoblar bilan tanishing.


 

— O‘zbek qizi, o‘zbek farzandining “Amerika ovozi”da faoliyat yuritayotgani e’tiborli. Sir bo‘lmasa, ushbu teleradiokanalga ishga kirish jarayoningiz qanday kechgan?

— Amerikaga 2001 yili magistraturada o‘qish uchun kelgan edim. AQSh Davlat departamenti grantini yutib, Indiana shtatidagi Boll Davlat universitetiga o‘qishga kirdim. Jurnalistika va siyosatshunoslik sohasida endi tahsilni boshlaganimda, AQShda 11 sentyabr voqealari yuz berdi. Oradan sal o‘tmay, menga “Amerika ovozi”dan telefon qilishdi. “O‘zbek xizmati”ning fao­liyati kengaymoqda, siz kabi kadrlar kerak, sizni tavsiya qilishdi, ish bor” deyishdi. Ochig‘i bunday takliflar, har kimgayam, har kuniyam bo‘lavermaydi. Gap shundaki, tavsiyani “Amerika ovozi”ga amerikalik jurnalistlar bergan ekan. O‘zbekistondan yaqinda shunday jurnalist keldi, hozir Indianada, deb. Tanishlarning, do‘stlarning ko‘p bo‘lgani, muhimi senga ishonishgani shunday paytlarda qo‘l keladi.

Men o‘zi dastlab, jurnalistik fao­liyatimni o‘z Vatanimda — O‘zbekis­ton radiosining “Xalqaro hayot” tahririyatida boshlagan edim. 1990 yillarning o‘rtalari edi. Bu orada grant yutib, Hindistonda Maysur universitetidan bakalavrlik darajasini oldim. Uyerda ham jurnalistika va siyosatshunoslik bo‘yicha o‘qidim. Undan avval ikki yil O‘zbekiston Davlat jahon tillari universiteti talabasi edim. Shu universitetning Xalqaro jurnalistika fakultetida ham dars berganman. Ko‘p emas, bir yil, lekin bir umrga arzigulik tajriba bo‘lgan. Ajoyib davrlar edi...

Ham o‘qib, ham ishlash oson emas, albatta. Jurnalistikada o‘qish ishlashga undaydi, bu aniq. Qolaversa, bu inson tabiatiga ham bog‘liq. Men qishloqda, dalada, katta bo‘lganman. Tinim bilmasligim shundan, deb o‘ylayman. Katta oiladanman, to‘qqiz farzandning sakkizinchisi. Rahmatli ota-onam juda mehnatkash, zahmatkash insonlar edi. Hammamizni o‘qitishdi, yo‘limizga to‘siq qo‘yishmadi. Orzuing ketidan intil, deyishdi. Shunday qildim. Har qanday qiyinchilikka tabiiy hol deb qarayman.

“Amerika ovozi”ga Indianadan materiallar berib turdim, o‘qishni bitirgach, Vashington shahriga ko‘chib o‘tdim va to‘liq stavkaga ishga olindim. TV dasturlar boshlaylik, deb katta loyihaga qo‘l urib, AQShda qolib ketdim. Qaysidir ma’noda shu tashkilotda ildiz otdim. 2016 yilda Garvard universitetiga o‘qishga kirdim. Shundan buyon ishdaman.

Shu o‘rinda bir masalaga e’tiboringizni qaratsam: sizga kar’era emas, ish o‘rni taklif qilinadi. Kar’erani esa siz o‘zingiz yaratasiz. Har qanday ishni sevimli va muvaffaqiyatli faoliyatga aylantirish-aylantirmaslik bu — o‘z qo‘lingizda. Imkoniyatlarni ham o‘zingiz kashf etasiz, ochasiz. Faqat ko‘p ter to‘kish kerak. Biroryerda siz istagan hamma narsa muhayyo emas. Umuman, jurnalistlarni hech bir joyda “quchoq ochib” kutib olishmaydi. Lekin biz qaerda va qachon kerak ekanimizni bilishimiz kerak. Bu cheksiz mehnat degani. Ishimizda har kun — yangi sinov.

 — Ha, AQShda yashaysiz va yurtimizda sodir bo‘layotgan voqealarni yoritib borasiz. Turli davlat va jamoat arboblari, taniqli insonlar bilan intervyular uyushtirasiz. Ularni tashkil etishda nimalarga tayanasiz?

— Hammasi, vaqt va imkoniyatga bog‘liq. Birinchidan, kim nimaga mas’ul ekanini yaxshi bilishi kerak. Kim sizga qanday ma’lumot bera oladi? Aslida eng muhim va qiziq informatsiyani sizga “yuqorida o‘tirgan” odam emas, parda ortidagi shaxs­lar, sahnadan chetda turganlar beradi.

Kim bilan nima uchun gaplashmoqchi ekaningizni unga tushuntira olishingiz kerak. Aslo yalinmaslik kerak. Ammo bu intervyudan uning o‘zi ham manfaatdor ekaniga ishontirish lozim.

Suhbatlashish suhbatdosh bilan shaxmat o‘ynashdek gap. Uning intellektual knopkalarini bosishni bilish kerak. Qaysi birini va qachon? Buning yo‘lini topish lozim. Intervyuda odamlar jurnalistlardan suhbatdoshni “burchakka tiqish”ni kutishadi. Aslida suhbatdoshni “gapirtira” olish kerak, toki u ochilsin, sizni qiziqtirgan mavzularda mushohada yuritsin, ya’ni bu odamdan tahliliy ma’lumot, aniq fikr va mulohaza olaylik.

Undan eshitganlarimiz tasavvurimizni boyitsin, muammo va masalalarni tushunib, ulargayechim qidirishda yordam bersin. Tomoshabin ma’naviy va informatsion ozuqa olsin. Men har bir muloqotga shunday yondashaman.

Intervyu beradiganlar bu intervyuning ahamiyatini tushunishini xohlayman. Masalan, AQSh Kongressida yillar davomida menga ayrim qonunchilar, vakillar va senatorlar, O‘zbekiston haqida gapira olmayman yoki Markaziy Osiyo haqida aniq tasavvurim yo‘q, deb kelgan. Men ularga odatda: “Nega? Siz axir bu mintaqaga nisbatan siyosatni yuritishda ish olib borasiz. Uni belgilashda muhim o‘rin tutasiz”, deyman. Ayrimlari uyalib, O‘zbekiston va mintaqani o‘rganib, keyin intervyu bergan paytlar bo‘lgan. Ishimiz shunisi bilan yanada qiziq. Suhbatlashishga qaror qilgan odamlar sizga professional sifatida ishonishi kerak. Shundagina ular sizga munosib suhbatdoshga aylanadi.

Har bir suhbat o‘ziga xos loyiha. Maqsad, talab, amaliyot va mohiyat haqida o‘ylash joiz. Bilim va tushuncha bilan birga kuchli eshitish qobiliyati zarur, ya’ni e’tibor bilan ting­lash. Har bir intervyuni tashkil etishdan to uni efirga uzatishgacha, mana shu omillar ustun turadi.

— Ancha-muncha vatandoshlarimiz bugungi kunda turli mamlakatlarda, jumladan, Amerikada yashaydi. Yurtimizdan borgan aksariyat fuqarolar Vataniga qaytgisi kelmaydi. O‘shayerda o‘qib, oila qurib, ishlab qolib ketadi. Bunga ummon ortidagi farovon hayot sababmi yoki boshqa biz bilmagan jihatlar ham bormi? Bu borada o‘zingizning rejalaringiz qanday?

— Birinchidan, inson borki, imkoniyat istaydi. O‘z orzulari ushalishini xohlaydi. Kimningdir orzusi Vatan bilan bog‘liq, kimnikidir tash­qi dunyo bilan. Kimningdir orzu-havasida bularning har ikkisi mujassam. Chetda yurganlarning hammasi ham “farovon hayot” kechir­yapti deya olmaymiz. Hamma ham xorijda o‘rnini va baxtini topolmaydi. Baxt deganda hayotidan qoniqib yashashni nazarda tutayapman. Qolaversa, xorijga chiqib ketganlarning hammasi ham xohlagani uchun shunday qilmagan. Amerikada yashayotganlarning, boshqa joylardagi o‘zbekistonliklar singari, o‘z tarixi bor, har birining. Ularning nomidan gapirmagan bo‘lar edim. Dasturlarimizda yoritib kelayapmiz. Vatanga qaytishni xohlagan, bunga harakat qilayotgan vatandoshlarimiz juda ko‘p. Ishlari chigal, yo‘llarida to‘siqlar, shuningdek, vatandagi vaziyatga hali to‘la ishonmaslik hamda organlarga nisbatan qo‘rquv — bular juda muhim omillar.

Men esa, shukrki, Vatanimiz — O‘zbekistonga kelib, ketib yuribman. Ikki dunyo orasida yashashning o‘z zav­qi bor, qolaversa, sinovlari ham. Buyerga butunlay ko‘chib kelish haqida hozircha o‘ylayotganim yo‘q. Lekin bir oyog‘im shuyerda bo‘lishini istardim. Ikki mamlakat orasida, qit’alar osha faoliyat yuritayotan jurnalist sifatida Vatanimizga, xalqimizga ko‘proq foydam tegayapti, deb umid qilaman. Yuragimning bir qismi O‘zbekistonda, bir qismi AQShda. Men shaxsan bir joyga bog‘lanib qolsam, zerikaman. Ba’zida qaniydi, dunyoning har bir davlatida yashab chiqsam, ishlab ko‘rsam, deyman. Bu qiyin, albatta. Lekin orzularimiz ketidan intilishga haqlimiz.

Suhbatni

Feruza RAHIMOVA uyushtirdi.

(Suhbatning to'liq matni bilan gazeta orqali tanishing.)

Gulnoza HUSANOVA: “Men kasbimni to‘g‘ri tanlaganman...”

“Uzreport” axborot agentligi telekanalining katta muharriri, taniqli jurnalist  Gulnoza Husanova kuni kecha «Yilning eng faol jurnalisti» respublika tanlovi g‘oliblaridan biri bo‘ldi. Muxbirimiz hamkasbimiz bilan bugungi matbuot, jurnalistika, umuman ijodiy jarayonlar xususida suhbatlashdi.

Read more...

So‘z erkinligi, sog‘lom ijodiy raqobat va izlanish jurnalist faoliyatining mezonidir (O‘zbekiston elektron ommaviy axborot vositalari milliy assotsiatsiyasi Boshqaruvi raisi Firdavs ABDUXOLIQOV bilan suhbat)

— Firdavs Fridunovich, Prezidentimiz Matbuot va ommaviy axborot vositalari xodimlariga bayram tabrigida jurnalistlarning o‘z ishiga, avvalo, xolislik bilan yondashishi zarurligi alohida qayd etilgan. Darhaqiqat, OAVlarida haqqoniylik va xolislik tamoyili ustuvor ahamiyatga molik bo‘lmog‘i zarur. Shunday emasmi?

Read more...

OSHING HALOL BO`LSA, KO`CHADA ICH! AMMO... O`zbekiston Jurnalistlarining kasb etikasi kodeksi loyihasi (“Hurriyat”, 2019 yil 22 may) hamkasblarimiz muhokamasida

O`zbekiston Jurnalistlarining kasb etikasi kodeksi loyihasi bugun nafaqat mamlakatimizda faoliyat olib borayotgan OAV vakillari va media ekspertlar, balki keng jamoatchilikning qizg`in muhokamasida turibdi.

Read more...

O`riklisoyda bir kun

O`zbekiston Jurnalistlari ijodiy uyushmasi Sirdaryo viloyati bo`limi tomonidan turli mavzularda ilmiy-amaliy seminarlar, davra suhbatlari, uchrashuvlar tashkil etilmoqda. Navbatdagi ana shunday tadbirdan biri Jizzax viloyatining Zomin tumanidagi Zomin milliy qo`riqxonasi hududida joylashgan O`riklisoy qishlog`ida bo`lib o`tdi.

Read more...

Tekkizmasdan otilayotgan “toshlar”. “Ma’rifat” va “Учитель Узбекистана” gazetalari bosh muharriri Husan NISHONOV bilan suhbat.

— So‘zimni an’anaviy savol bilan boshlamoqchiman: jurnalistika sohasiga qanday kirib kelgansiz?

— Adashmasam, V – VI sinflarda o‘qiyotganimizda uyimizda devoriy gazeta chiqarardik. Maktabda-ku, sinf devoriy gazetasining bor uvol-savobi Hasan akam bilan — ya’ni ikkalamizning bo‘ynimizda edi. Odamlarga nimadir so‘z aytish, nimadandir xabardor qilishga qiziqish o‘shanda boshlangan shekilli.

Read more...

Balki o‘rnimizni yoshlarga bo‘shatib beradigan vaqt kelgandir...

Bekqul EGAMQULOV, 

“Biznes-Daily Media” 

noshirlik uyi bosh muharriri, 

O‘zbekistonda xizmat 

ko‘rsatgan jurnalist:

Read more...

Meni mutolaa ulg‘aytirgan Usmon AZIM, O‘zbekiston xalq shoiri: (3-qism)

(Oxiri. Boshlanishi 7-8-sonlarda.)

Read more...

Har qadamda hurmat-ehtirom

Tarixiy xotira bilan yashash, keksalarni qadrlash asl milliy qadriyatlarimizdan. Har yili mamlakatimizda 9 may — Xotira va Qadrlash kuni sifatida nishonlanishi zamirida ham ana shunday yuksak hurmat-ehtirom mujassam.

Read more...

Meni mutolaa ulg‘aytirgan Usmon AZIM, O‘zbekiston xalq shoiri: (2-qism)

(Boshlanishi o‘tgan sonda.)

Read more...

So‘z – tanlov g‘oliblariga 2019

Jurnalistika sohasida Bosh Milliy mukofot 

Xalqaro press-klub rahbari - Sherzod QUDRATXO‘JAYEV:

“Matbuot erkin bo‘lmasa, u jurnalistika emas”

Read more...

Usmon AZIM, O‘zbekiston xalq shoiri: Meni mutolaa ulg‘aytirgan

“Bolalar baxtli yoxud baxtsiz ekanini bilmaydi. Chunki ularda hayotiy tajriba yo‘q”, deb yozadi Anna Axmatova. 

Bu satrlarni yozgan shoira ham, albatta, o‘z tajribasidan kelib chiqqan. Chunki uning bolaligi nihoyatda “silliq” — fojealar ko‘lkasidan yiroqda o‘tgan.

Men esa baxtsizlikni esimni bilgandan buyon taniyman. Chunki, atrofimdagi hayot (endi anglasam) nihoyatda beshafqat edi. 

Axmatova hayotning beshafqatligini keyin — ulg‘ayganida — boshiga ming savdolar tushganida angladi.

Read more...

Kozimjon Komilov: “Endi matbuotsiz yashab bo‘lmaydi”

Ma’lumki aholining siyosiy  faolligi, huquqiy madaniyatini va savodxonligini  yuksaltirish, davlat organlari, xususan, sudlar faoliyati ustidan jamoatchilik nazoratini o‘rnatishda  ommaviy axborot vositalari muhim o‘rin tutadi. Mamlakatimizda so‘z va matbuot erkinligi, jurnalistlarning axborotni moneliksiz izlash, olish, tarqatish huquqi O‘zbekiston Respublikasi Konstitutsiyasi va tegishli qonunlar bilan kafolatlangan.

Read more...

Xato topgan mukofot olsa-ya!

Dunyoda olti mingga yaqin til bor, lekin ulardan faqat qirqtasigina amalda ekan. Biz uchun eng quvonchlisi, sharaflisi, o‘zbek tili ham mukammallik kasb etgan  shu qirq tildan biridir. Mutaxassislar fikricha,  ona tilimizning to‘liq lug‘atini tuzsak, naq uch yuz ming teran so‘zdan oshishi mumkin. Bu shuni ko‘rsatadiki, o‘zbek tili g‘oyat boy. Unda istagan fikr, tuyg‘uni, holatni ifoda etish mumkin. Bu esa dunyo madaniyati boyligi ham  hisoblanadi.

Read more...

Ezgu ishlar ko‘lami kengaymoqda

Davlatimiz rahbari Shavkat Mirziyoyev shu yil 19 mart kuni yoshlarga e’tiborni kuchaytirish, ularni madaniyat, san’at, jismoniy tarbiya va sportga keng jalb etish, ularda axborot texnologiyalaridan foydalanish ko‘nikmalarini shakllantirish, yoshlar o‘rtasida kitobxonlikni targ‘ib qilish, xotin-qizlar bandligini oshirish masalalariga bag‘ishlangan videoselektor yig‘ilishida ijtimoiy, ma’naviy-ma’rifiy sohalardagi ishlarni yangi tizim asosida yo‘lga qo‘yish bo‘yicha beshta muhim tashabbusni ilgari surgan edi.

Read more...

Jurnalistlar ezgu g‘oyalar atrofida birlashsa, dunyo birlashadi

Avval xabar berganimizdek, O‘zbekiston Jurnalistlari ijodiy uyushmasi raisi Sa’dulla HAKIMOV shu yilning 24-30 mart kunlari Koreya Respublikasi poytaxti Seul shahrida “Dunyoda tinchlik va bunda jurnalistning o‘rni” mavzuida o‘tkazilgan butunjahon jurnalistlari konferentsiyasida ishtirok etdi. Safar doirasida Janubiy Koreya Jurnalistlari assotsiatsiyasi bilan hamkorlik kelishuvi imzolandi. Uyushmamiz raisi bilan mazkur nufuzli anjuman va safar taassurotlari haqida suhbatlashdik.

Read more...

Bebaho meros

Davlatimiz rahbari tashabbusi bilan 2018 yilda Termiz shahrida “Baxshilar maktabi” tashkil etildi. Bundan ko‘zlangan asosiy maqsad iste’dodli yoshlarni kashf etish, o‘sib kelayotgan yosh avlodni xalq og‘zaki ijodining boy xazinasi bilan yaqindan tanishtirish, ularni har tomonlama qo‘llab-quvvatlashdan iborat.

Read more...

«Ishchanlik obro‘si» nima degani? yoki qonunlarimiz matnidagi ayrim g‘alizliklar xususida

O‘zbekiston Respublikasining «Davlat tili haqida»gi qonunining 8-moddasida «O‘zbekiston Respublikasining qonunlari, davlat hokimiyati va boshqaruv organlarining boshqa hujjatlari davlat tilida qabul qilinadi va e’lon etiladi. Bu hujjatlarning tarjimalari boshqa tillarda ham e’lon qilinadi», — deyilgan. 

Read more...

  • So'ngi yangiliklar
  • Ko'p o'qilgan

RASMIY SAYTLAR

REKLAMA

REKLAMA

 

 

 

 

 

 

Kalendar

August 2019
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

.