«O‘zim ham bir o‘tmoqchi edim...»

Shoir va tarjimon, kichkintoylarning katta do‘sti, bir necha avlod bolalar shoirlarining g‘amxo‘r ustozi Tursunboy Adashboev “adabiyotimiz jonkuyari” degan ulug‘ sharafga munosib edi. She’rlaridek sodda va samimiy inson salkam 60 yil adabiyotga halol xizmat qildi, zamonaviy o‘zbek  bolalar adabiyoti taraqqiyotiga ulkan hissa qo‘shdi.

Read more...

“Ziyo”dan umid katta

Mamlakatimizda ko‘p yillik orzular ushalib, musulmonchilik farzlarini to‘la-to‘kis ado etishga keng yo‘llar ochildi. Diniy va dunyoviy ta’lim beradigan ta’lim va targ‘ibot dargohlari faoliyatida katta o‘zgarishlar bo‘ldi. Bugun dunyoda ro‘y berayotgan voqea-hodisalar, ijtimoiy-siyosiy vaziyatning tahlili ushbu sohada ham jiddiy islohotlar zarurligini taqozo qilmoqda.

Read more...

Har lahzada mazmun bor

Suratda: Abdumutalib Abdullaev (o‘ngda) hamkasblari davrasida.

Bu gaplarga hash-pash deguncha 43 yil bo‘libdi.  Biz endi jurnalistika olamiga qadam qo‘ygan paytlarimiz “Qishloq haqiqati” (hozirgi “Qishloq hayoti”) gazetasi tahririyatida  haftalik letuchka bo‘lyapti. Kamina sharhlovchi sifatida gazetada bosilib chiqqan Andijon viloyati muxbiri Abdumutalib Abdullaevning ocherki haqida so‘z yurityapman: “Ushbu ocherk shu qadar puxta yozilganki, uni tayyorlash jarayonida bitta ham nuqta-verguliga qo‘l tekkizmadik”.

Read more...

Do‘mbiraning mangu sadosi

Jo‘shqin Jayhun suvidan daraxtlar sahro shamollariga ko‘ksini qalqon qilib ko‘karsa, daryodan tashnaligini qondirgan bolalar kuch-qudratli, or-nomusli bo‘lib ulg‘ayadi.

Read more...

Bola bozorga solinmaydi

...Qishloqqa — Samarqandga borsam,  uyga jomadonimni qo‘yaman-da darhol buvimnikiga qarab yo‘l olaman. Bu safar ham shunday bo‘ldi. Bolaligimning eng zavqli damlari o‘tgan buvimning jannatdek hovlisiga kirib bordim. Umri mehnatda o‘tgan buvimni doim biror yumush ustida uchratardim.  Bu safar...

 Sakson yoshga yaqinlashib bir hovuchgina bo‘lib qolgan buvim mung‘ayib o‘tiribdi. Kelganimni sezmadilar ham.  Salomlashgach, xomushliklarining sababini so‘radim.

— Jurnalistsan. Hamma yangilikni  eshitasan. “Ona o‘z farzandini falon pulga sotmoqchi bo‘ldi” degan gaplardan boxabar bo‘lsang, sen ham seskanib ketasanmi?

Gangib qoldim. 

Buvim  davom etdi: 

— To‘ng‘ichim — onang o‘shanda 5-sinf, xolang Zulfiya ikki oylik chaqaloq edi. Bobong kutilmaganda vafot etdi-yu, bir etak bola bilan hayhotdek hovlida yolg‘iz qoldim. Bobong yetimlikda katta bo‘lgan, bizni qo‘llaydiganimiz yo‘q. Otam o‘lgan, o‘gay ona esa o‘zidan oshinib, menga bir burda non tutadigan ahvolda emas. Qaqshab yig‘layman. Qani edi yig‘lash bilan dardim arisa... Qattiq ezilganimdan bo‘lsa kerak, ko‘kragimdan sut kelmay, chaqalog‘im risqsiz qoldi. Qo‘ni-qo‘shni chiqargan yarimta non va bir kosa ovqatni  bolalarimga bo‘lib beraman-u o‘zim och qolaman. Yeyman-ichaman deb turgan olti boshni qanday boqishni o‘ylayman. Hayolimda “Ertaga non topib berolmasam, sillam qurib yotib qolsam, bolalarimga kim qaraydi?” degan o‘ylar aylanaveradi. Qo‘rqinchli o‘ylar bundan-da battar vahimani   yuragimga soladi. Bir-ikki bor “Selsovet”da ishlaydigan vakillar kelib: “Bolalaringizni boqishga qurbingiz yetmasa, “detdom”ga topshiramiz” deyishdi. Yurakkinam yorilib ketay dedi: “Oxirgi nafasim chiqquncha ularni o‘zim boqaman!..” Vakillarni haydab soldim.  Fermaga sog‘uvchi bo‘lib ishga kirdim. Orada uyga kelib, bolalarimdan xabar olib, yana ishga qaytaman. Shu alfozda farzandlarimni  peshona terim bilan boqdim. Birovdan kam bo‘lmay voyaga yetdi. Olti qizimning birortasining “gapi” chiqmadi. Qizlarimning bo‘yi yetganda, ostonamizni  sovchilar bosib ketdi. Mana, qizlarim bilan qurgan uyda nevaralarimni boqdim, endi evaralarimni boqayapman, ammo  bugun televizordan bolasini sotmoqchi bo‘lgan ayol haqidagi gaplarni eshitib, ho‘ng-ho‘ng yig‘ladim...”

Buvimga tasalli berolmadim. 

Zero, buvim aytganidek o‘zbek ayollari qachondan bolasini sotishgacha bo‘lgan holatga yetib keldi? Qachondan boshlab o‘z bolasiga narx qo‘ya boshladi! Shu ayolning otasi, hech bo‘lmaganda, aka-uka, boshqa qarindosh urug‘i, ularning ori, insofi  yo‘qmikan?  Qaysi yurak va qaysi qo‘l bilan farzandini yetti yot odamga mol sotgandek pullab yubora oladi? 

O‘tmishga nazar solaylik. Urush yillarida, qahatchilik zamonlarida kunjara-yu, kepak bilan kun kechirgan odamlar ham bolasini ko‘chaga otmagan, bozorda sotmagan. Aksincha, urush davom etayotgan hududlardan ko‘chirib keltirilgan yetim-esirlarni bag‘riga olgan. Bir burda nonini baham ko‘rgan.  

“Ona”, “Ayol” so‘zlari bilan yonma-yon bu so‘zlarga mos chiroyli ta’riflar, maqtovlar qidiramiz. Ko‘klarga ko‘taramiz. To‘g‘ri-da, Alloh o‘zidan keyin yaratuvchanlikni faqat ayolgagina bergan. Ona bo‘lish, onalik baxtiga sazovor bo‘lish baxt emasmi? Lekin, onalikni ortiqcha chiqim va oyog‘iga “tushov” deb biladiganlar ham afsuski uchrab turibdi. 

Har kuni xayrli yangiliklarga ko‘zim tushadi. Davlatimiz rahbari yuritayotgan xalqparvar, insonparvar siyosat berayotgan yuksak samaralarni ko‘rib, ko‘pchilik singari ko‘nglim tog‘dek ko‘tariladi. Ayni paytda, ko‘ngilsiz xabarlar dilimni xufton qiladi. Sarlavhalari naqadar qo‘rqinchli. Gohida xabarni to‘liq o‘qishga-da bardoshingiz yetmay qoladi. “Toshkentda kvartira olish uchun 4 yoshli o‘g‘lini 14 ming dollarga sotmoqchi bo‘lgan ayol qo‘lga olindi”, “Toshkentda 1 yoshli o‘g‘lini 2000 dollarga sotmoqchi bo‘lgan ayolga jazo tayinlandi”, “Surxondaryoda 8 kunlik chaqalog‘ini sotmoqchi bo‘lgan farg‘onalik ayol qo‘lga olindi”, “Andijonlik ayol 2 yoshli qizini 18 million so‘mga sotmoqchi bo‘ldi”,  “Bola sotmoqchi bo‘lgan “oshiq-ma’shuq”lar ustidan hukm o‘qildi”, “Peterburgda o‘zbekistonlik ayol 4 yilga qamaldi”, “Chaqalog‘ini “Toyota”ga almashtirmoqchi bo‘lgan oila qo‘lga olindi”... 

Insonman deganning bu xabarlardan  ichiga olov tushishi aniq.  Gunohkordan sababini so‘rasangiz yo  tirikchilikni vaj qiladi  yoki sharmandagarchilikdan qo‘rqishini. Xo‘sh, “bahona”larni qalashtirayotgan ayollar shunchalik chorasizmi? Irodasizmi? Yo tanbalmi? Bu manfur ishlarni ayollar bajarayotgani insonni yanada o‘ylashga undaydi. 

...Yaqinda  uch yoshli bolasini sotmoqchi bo‘lgan ayolning sud ishini televidenieda ko‘rsatishdi. Onaning pushaymonligini inobatga olib, sud unga qamoq jazosini qo‘llamadi. Sudda ishtirok etgan go‘dagining ko‘zlarini bir ko‘rsangiz edi… Hademay shu go‘dak ulg‘ayadi. Onasining bu mudhish jinoyatidan u xabar topsa, nima deb o‘ylaydi? “O‘g‘lim, seni sotvorishga majbur bo‘ldim, ter to‘kib ishlagim kelmadi” degan vajini u to‘g‘ri tushunadimi? Bugungi to‘qchilik zamonda bunday vijdonsizlikka qanday chidash mumkin? Umuman, biror-bir bahona bu ma’naviy gumrohlikni oqlashi mumkin emas. Bola-chi, bola bir umr “Men “tashlandiq” hech kimga keraksiz yuk bo‘lganman” degan o‘y uni qiynamaydimi? Qarang-a, hayotda kimdir bir tirnoqqa zor, kimlardir naqadar noshukr. 

...Qaytar dunyo. Ezgulikning ham, gumrohlikning ham hisob-kitobi, javobi bor. To‘g‘ri yo‘lidan adashtirmasin!

Feruza BERDIYEVA,

jurnalist.

 

Tomoshabin kelgan va kelmagan kunlar

Kecha “O‘zbekiston yosh tomoshabinlar teatri”ga bordik. Kirganimiz hamono ommaviy axborot vositalarida bot-bot o‘qiganim “Odamlar teatrlarga kelmay qo‘ydi” deganga o‘xshagan iddaolar xayolimga kela boshladi.

Read more...

Amerikada atlas jilosi

 

Ko‘p mintaqalarda atlas deganda Marg‘ilonni, Marg‘ilon desa atlasni tushunadiganlar bisyor. Doniyorjon Asqarovning faoliyati o‘spirinlikdan ipakchilikka tutashdi. Farg‘ona politexnika oliygohining iqtisodiyot yo‘nalishini tugatsa ham kasb tanlashda hunarga bo‘lgan mehri ustun keldi. Abrbandchi usta bo‘lish ahdidan qaytmadi. Marg‘ilonlik usta Rasuljon Mirzaahmedovning etagidan tutdi.

Read more...

Oltin vasvasasi. Buxoro amirligining maxfiy xazinasi qayerda?

Asli kasbi qishloq xo‘jalik texnikasi bo‘yicha muhandis-mexanik va konstruktor bo‘lgan ushbu esse muallifi J.Murtazoev uzoq yillar O‘zbekiston Respublikasi Davlat xavfsizlik xizmati tizimida xizmat qilgan fidoyi hamyurtlarimizdan. Mamlakatimizning mustaqilligi va hududiy yaxlitligi, barqaror rivojlanishi va xalqimiz tinchligini mustahkamlash yo‘lida jasorat namunalarini ko‘rsatgan. Qator davlat mukofotlariga sazovor bo‘lgan. Esse to‘liq holda “Yoshlik” jurnalida chop etiladi.

Read more...

Gdlyanning millionlari: afsonami, haqiqat? Mafiyaning chapak chalishi va Gdlyan sog‘lig‘i uchun qadah ko‘tarishigina qolgandi

Gdlyan bilan Ivanov nima sababdan shunday qilishdi, desangiz, ular shunchaki jinoyatchi shaxslar bilan til biriktirib, ularni sudga tortmaslikni va’da qilishgan, evaziga boshqa shaxslarga nisbatan guvohlik berishlari kifoya edi. Ularning bergan guvohliklari nechog‘li to‘g‘riligi bilan hech kimning ishi bo‘lmagan. Gdlyan sermashaqqat ishdan, xo‘jalik faoliyatini, savdodagi ahvolni atroflicha o‘rganishdan shunchaki voz kechdi. U shug‘ullanganida edi, o‘zi uchun ko‘p narsalarni kashf etardi. O‘z vaqtida Davlat xavfsizlik qo‘mitasi tergovchilari Buxoro shahar sanoat mollari savdosi tashkilotida taftish o‘tkazishni belgilagan edilar. 1983 yil 12 dekabrda 1610 varaqdan iborat akt Gdlyanga yuboriladi. Taftish davomida bir necha yuz ming so‘mlik kamomad, 87 ming so‘mlik ortiqcha qimmatbaho narsalar borligi va 200 ming so‘mlikdan ziyod tovar hech bir asossiz  qayta baholangani aniqlanadi. Ammo, taftish aktini Gdlyan ishga tirkamaydi, aksincha uni gumdon qiladi.

Read more...

“Uning boyliklari umrlarga teng”. Shoirning hamrohi xayol, hayoti xayol, qismati xayol.

Bolaligimda akamga qo‘shilib chamasi olti oylar maktabga borganim esimda. Shunda o‘qituvchi endi harf o‘rganayotgan bolakaylarga ertagu dostonlar, she’ru matallar o‘qib berardi. “Oygul bilan Baxtiyor” ertak-dostoni barcha o‘quvchilarning diliga hayratu hayajon bag‘ishlagani yodimdan chiqmaydi.

Read more...

Ikki dunyo bir qadam. O‘g‘lim, bolangga yaxshilikni o‘rgataver, yomonlikni hayotning o‘zi o‘rgatadi

Bolakayga maktabdan o‘qituvchisi xat berib yubordi. Onasi maktubni ovoz chiqarib o‘qib berdi:

Read more...

Gdlyanning millionlari: afsonami, haqiqat? Ular mafiyaning panohida ish yuritgan

Ishni arz qilgan odamdan boshladik. U tergovchilar o‘zi bilan qanday “muomalada” bo‘lganliklarini oqizmay-tomizmay gapirib berdi. O‘g‘lini qamash bilan qo‘rqitishganlaridan keyin u o‘ziga tuhmat qilishga majbur bo‘ladi. Gdlyan doim undan pul talab qilardi. Salim Rahmonov shunday xotirlaydi: “...1987 yil qishda meni yana Moskvaga, Butirka turmasiga olib kelishdi. Bu yerda Gdlyan mendan 300 ming so‘m berishimni talab qila boshladi. Buning evaziga o‘g‘limni bo‘shatib yuborishni va’da qildi. O‘g‘lim 10 kundan beri qamoqda edi. Menga beriladigan jazoni esa bor-yo‘g‘i besh-olti yilga kamaytirishini aytdi.

Read more...


Warning: imagecreatefromjpeg() [function.imagecreatefromjpeg]: gd-jpeg, libjpeg: recoverable error: Premature end of JPEG file in /home/uzhurriy/public_html/plugins/system/sjcore/core/ytools/ytools_image.php on line 699

Warning: imagecreatefromjpeg() [function.imagecreatefromjpeg]: 'images/-92.jpg' is not a valid JPEG file in /home/uzhurriy/public_html/plugins/system/sjcore/core/ytools/ytools_image.php on line 699

Warning: Division by zero in /home/uzhurriy/public_html/plugins/system/sjcore/core/ytools/ytools_image.php on line 252

Gdlyanning millionlari:afsonami, haqiqat? Shamol bo‘lmasa, daraxtning uchi qimirlamaydi

Davomi. Boshi 42-46-sonlarda

Shunda birdan Ismoilov men tomonga tez-tez yurib keldi, u o‘zini yo‘qotib qo‘ygan, hayajonlanardi. Menga murojaat qilib, Karakozov Ibrohimovdan pullarni olgach, orqasini o‘girib diplomat oldiga kelganligini, tik turgan holda pullarni diplomatga joylaganini va payt poylab turib, hech kim kuzatmayotganiga ishonch hosil qilgach ikki dasta pulni kitelining ichki cho‘ntagiga solganligini, buni o‘z qo‘zi bilan ko‘rganligini aytdi. Keyin Islomov bu 50 va 100 talik pullar edi, deb tushuntirdi. Biz ehtiyotsizlik qilib, bemalol gaplashibmiz.

Read more...


Warning: imagecreatefromjpeg() [function.imagecreatefromjpeg]: gd-jpeg, libjpeg: recoverable error: Premature end of JPEG file in /home/uzhurriy/public_html/plugins/system/sjcore/core/ytools/ytools_image.php on line 699

Warning: imagecreatefromjpeg() [function.imagecreatefromjpeg]: 'images/-90.jpg' is not a valid JPEG file in /home/uzhurriy/public_html/plugins/system/sjcore/core/ytools/ytools_image.php on line 699

Warning: Division by zero in /home/uzhurriy/public_html/plugins/system/sjcore/core/ytools/ytools_image.php on line 252

Adolat g‘alaba qilishi zarur. Chingiz Aytmatov — jurnalist va publitsist

Taniqli yozuvchilar odatda taniqli publitsistlar ham bo‘lishadi. Mashhur yozuvchilarning ko‘pjildlik kitoblarini varaqlab ko‘rsangiz, keyingi jildlarini publitsistika — maqola, taqriz, intervyu, suhbat, esse, ocherk, feleton, nutq, xat, kundaliklari egallaganiga ishonch hosil qilasiz.

Read more...

Gdlyanning millionlari: afsonami, haqiqat? Tergovchining diplomati pulga liq to‘la edi

Davomi. Boshi 42-45-sonlarda

Tintuvga chaqirilgan xolislarni topib, ularni so‘roq qila boshladik. E.Invareva bergan guvohligi g‘oyatda qiziqarli. Oliy pedagogika ma’lumotiga ega, vijdoniga aslo dog‘ tushurmagan, mutlaqo manfaatdor bo‘lmagan bu ayol shunday hikoya qiladi: “Tintuv tugagach, protokol tuzgan tergovchi tilla taqinchoqlar solingan uchta qutichani o‘z diplomatiga joyladi.

Read more...

Absurddagi ma’no va maqsad

Absurd haqida qachon, qaerda, qanday davrada gap ketsa, birinchi galda, u hayotning ma’nisizligini, yashashning qizig‘i yo‘qligini targ‘ib qiluvchi adabiy oqim ekanligi ta’kidlanadi. Shunda beixtiyor xayolimizga “Agar absurd, chindan ham, hayotning ma’nisiz, turmushning tuturuqsiz ekanligini targ‘ib qilsa, adabiyotning ma’nisizlik, mantiqsizlikni tasvirlashidan, targ‘ib qilishidan nima foyda? Axir, har qanday adabiy asar insonni hayotdan zavqlanishga, o‘z orzu-niyatlariga yetishga,  ma’lum maqsad bilan yashashga va unga erishish uchun kurashishga undashi shart emasmi?  Bu vazifasini bajara olmasa, uning insoniyatga nima keragi bor?

Read more...

Gdlyanning millionlari: afsonami, haqiqat? Tintuv o`tkazilgan uy besh xonadan iborat bo`lgan. Besh tergovchi va uch xolis kelgan.

1983 yil 17 oktyabrda shaxsiy tintuv o`tkazilgan chog`ida ayblanuvchi Rahmonov yonidan 92 so`m 50 tiyin pul chiqqan, 400 so`mlik tilla uzuk va 245 so`mlik “Orient” soati olingan. Ushbu pul va qimmatli buyumlarning bundan keyingi taqdiri haqida hech qanaqa ma’lumot yo`q. Ishni sudga Gdlyan yo`llagan. Ammo, Rahmonovdan olingan pul va buyumlar haqida hech narsa demagan. Rahmonov esa o`ziga tegishli buyumlarni qaytarib berishlarini so`rab bir necha bor shikoyat yozgan.

Read more...

Gdlyanning millionlari: afsonami, haqiqat? “O‘zingni, xotining va bolalaringni qamaymiz!” “Diplomat pul bilan liq to‘la edi.”

“Garov”da ushlab turilganlarga taalluqli materiallarni sudga taqdim etishmaganligining yana bir sababi — ular tergov soxtalashtirilganligini oshkor qilib qo‘yishdan xavfsirashgan.

Read more...

Bolalar dunyosida yashayotgan adib. O‘zbekiston xalq yozuvchisi Xudoyberdi TO‘XTABOYEV bilan suhbat

O‘zbekiston xalq yozuvchisi, davlat mukofotlari laureati, bolalarning sevimli yozuvchisi  Xudoyberdi To‘xtaboyevning asarlari nemis, italyan, frantsuz, ecton, latish, fin, chex singari dunyoning o‘ttizdan ortiq tillariga tarjima qilingan. Teleromanlari asosida ekranlashtirilgan filmlar yosh tomoshabinlarning mehrini qozona oldi.

Read more...

Kulrang bo‘ri

O‘rin cho‘ponning qo‘y boqishga ishqi tushdi, o‘zimning chorvam bo‘lsin, yoniga qo‘shnilarning qo‘yini qo‘shib, toqqa haydayman dedi. Shu-shu har yili yerdan qishning hovuri ko‘tarilishini kutadi. Bahorning ilk chechaklari nishlay boshlagach kayfiyati ko‘tariladi, uzoq yurtlarga safarga chiqayotgandek tayyorlanadi, ko‘ch-ko‘ronini tartibga soladi. So‘ng qo‘shnilarni daraklaydi, qo‘ylarni jamlab toqqa haydaydi...

Read more...

  • So'ngi yangiliklar
  • Ko'p o'qilgan

RASMIY SAYTLAR

REKLAMA

REKLAMA

 

 

 

 

 

 

Kalendar

April 2019
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30

.