KITOB — ziyo

Insoniyat rivojida aql-idrok va ruhiy barkamollik vositasi bo‘lgan kitob buyuk mo‘’jiza. Darhaqiqat, kitob odamzodning  yaqin sirdoshi, yo‘ldoshi va uni asrlardan asrlarga olib o‘tgan ziyo mash’alidir. Kitoblar faqat bilim manbai bo‘libgina qolmay, madaniy hayotimizning betakror san’ati sifatida yashab kelayotir. Xalqimiz azal-azaldan ilmga, kitobga chanqoq. Shu bois yurtimizda kitobatchilik qadimdan rivojlanib kelgan. Fikrimizga dalil sifatida “Avesto” qo‘lyozmalari, sopol idishlar, charm o‘ramlari, metall buyumlardagi yozuvlarni aytsak bo‘ladi.

Read more...

Qalbi munavvar inson

O‘shanda erta bahor edi, davolanish uchun shifoxonaga yotdim. Xonada bir o‘zim edim. Ertasi kuni yuzlari dumaloqdan kelgan istarali, farishtali ayolni olib kelishdi. Yoshi ham o‘zim qatori ekani ko‘rinib turardi. O‘zini Muzaffara deb tanishtirdi, shukrki, tez til topishdik. Quvnoq, adabiyotni sevadiganlardan ekan. Bir zumda xuddi do‘stlardek qadrdon bo‘lib ketdik. Suhbatimiz ko‘proq adiblar, san’atkorlar, olimlar haqida bo‘ldi. Biz oila, farzandlar kamoli, uydagi muammolar haqida ham yurakdan o‘rtoqlashardik.

Read more...

MARHUMANING MAKTUBI

Assalomu alaykum, azizim Sulton aka!..

Iltimos, o‘zingizni qo‘lga oling. Qo‘rqmang!.. Ha, men Nigoraman. Bir yarim yil avval Siz alvido aytgan, ko‘ksingizga oqqan ko‘zyoshlaringiz  selob bo‘lib so‘nggi yo‘lga kuzatib qolgan rafiqangiz Nigora!

Read more...

Men nechun sevaman O‘zbekistonni?

– Baxtiyor aka, necha yillardan beri atoqli shoirimiz Abdulla Oripovning kitoblari qo‘limizdan tushmaydi. Kishi qancha o‘qimasin, to‘ymaydi, zerikmaydi. Qalbimizga singib ketgan shunday she’rlari borki, ular kelgusi avlod uchun oltin meros bo‘lib qoladi.  Keling, suhbatimizni o‘zbek adabiyotini ko‘klarga ko‘targan shoirning ijodiy salohiyati haqida boshlasak...

Read more...

ODAMLARGA MAKTUB

Bog‘dagi majnuntol kursidan qiziqsinib so‘radi: 

Read more...

TO‘YDAN MAQSAD NOM QOZONISHMI?

“Hurriyat” gazetasining har sonini kuzatib boraman. Mulohazali, tahliliy maqolalar doim diqqatimni tortadi. A.Azimovning to‘ylar haqidagi maqolasini o‘qib, men ham mulohazalarimni bildirishni lozim topdim.

Read more...

Biz ko‘ngilli bo‘la olamizmi?

Yaqinda bir do‘stimiz hasrat qilib qoldi:

Read more...

Bir kunlik to‘y o‘tadi g‘avg‘osi yillarga yetadi!

“HURRIYAT”ning 41-sonida chop etilgan “Aytilayotganu amal qilinmayotgan GAPLAR” maqolasini o‘qib, o‘z fikr-mulohazalarimni bildirgim keldi.

Read more...

HAYOTBAXSH SO‘Z

– Ibrohim aka, o‘zbek adabiyoti jahonning qadimiy va boy adabiyotlaridan biri hisoblanadi. Necha asrlardan buyon Parij, London, Oksford, Berlin singari o‘nlab shaharlarning nufuzli xalqaro kitob jamg‘armalari va muzeylarida saqlanayotgan bebaho ma’naviy boyliklarimizga bugun o‘zimiz egalik qilayapmiz. Endi o‘z adabiy merosimizni asrab-avaylash, ulardan kelgusi avlodni bahramand etish uchun barcha sharoitlar yaratilgan. Keling, suhbatimizni azaldan dunyo e’tiborini tortgan mumtoz adabiyotimiz, umuman, Sharq mamlakatlarining o‘ziga xos ruhiy iqlimi haqida boshlasak...

Read more...

SIRLI RO‘MOLCHA

Rahmatli buvimning yog‘och sandig‘i bo‘lardi. Aytishlaricha, uni to‘ylarida otasi sovg‘a qilgan ekan. Esimni tanibmanki, u qulflog‘liq turardi. Odatda, sandiq turgan xona ham berk bo‘lardi. Buvimning yiqqan-tergani, nafaqa pullari shunda bo‘lsa kerak, deb o‘ylardim. Har gal “oching” deb qistashimizga qaramay, bahona topib bizni chalg‘itardilar.

Read more...

Maktab kutubxonalari ular zamon talablariga javob berayaptimi?

Zamonaviy maktab kutubxonasi qanday bo‘lishi kerak? 

O‘zbekiston Respublikasi xalq ta’limi vazirligining 2011 yil 19 avgustdagi buyrug‘i bilan tasdiqlangan “Umumta’lim muassasasi kutubxonasi to‘g‘risida”gi nizomda shunday deyiladi: “Kutubxona quyidagi vazifalarni bajaradi: foydalanuvchilarning intellektual, ma’naviy-axloqiy, madaniy va ta’lim olish ehtiyojlarini qanoatlantirish uchun shart-sharoitlar yaratish... Kutubxona-axborot madaniyatini tarbiyalash, foydalanuvchilarni axborotlar qidirishning zamonaviy metodlariga o‘qitish; homiy tashkilotlar, turli tashkilotlar va muassasalar, ayrim fuqarolarning yordamlari hisobidan kutubxona fondini to‘ldirib borish”. Qolaversa, “Elektron kutubxona va elektron katalogni shakllantiradi”.

Read more...

Muxlislarim e’tirofidan kuch olaman

Teatr va kino san’ati yulduzlarining shunday ijrolari bo‘ladiki, ular o‘sha obraz siymosida qalblarga muhrlanadi. 

Gavhar Zokirova... Bu ism tilga olinganda, ko‘z o‘ngimizda darhol “To‘ylar muborak” filmidagi go‘zal kelinchak namoyon bo‘ladi. Oq libosli sarvqomat, dilbar chehrani esga olib, beixtiyor tabassum qilamiz. Film ilk bor namoyish qilingan yillari aksariyat bo‘y qizlar xuddi u singari kelin bo‘lishni orzu qilishardi. Ilk rollaridanoq tomoshabin mehrini qozonish har kimga ham nasib etavermaydi. Sevimli aktrisamizning mazkur film bilan bog‘liq qanday xotiralari bor?..

Read more...

Ma’naviy jasorat timsoli

Mustaqillikning ilk davrlaridayoq mamlakatimizning Birinchi Prezidenti Islom Karimov ma’naviyat, madaniyat va san’atning O‘zbekiston davlatining tarkib topishi, rivojlanishi va taraqqiy etishidagi muhim o‘rnini alohida ta’kidlab, kuyunchaklik bilan shunday degan edilar: “Bozor iqtisodiyotiga o‘tish davrida madaniyat, san’at, adabiyot og‘ir ahvolga tushdi. Ularni iqtisodiy zarbadan asrab qolishni Prezident o‘z bo‘yniga olishi kerak”, “Bozor iqtisodiyoti deb ma’naviyatni unutish gunoh bo‘ladi. Nuqul pul va foyda ketidan quvsak-da, ammo odamlarimiz ruhan qashshoq bo‘lib qolishsa, bunday jamiyatning hech kimga keragi yo‘q”, “Ma’naviyatimizni yaratayotganlarni, yozuvchilar, shoirlar, madaniyat va san’at ijodkorlarini, xalq talantlari va iqtidorli yoshlarni doimo qo‘llab-quvvatlamog‘imiz lozim. Buning uchun xarajatlarimizni ayamasligimiz darkor”, “Ezgu maqsadlarni amalga oshirish, eng avvalo barchamizga bog‘liq, hamma narsadan ustun turuvchi buyuk bir muammoni yechishimiz, ya’ni ma’naviy inqirozdan chiqishimiz lozim. Bu eng sharafli va eng og‘ir vazifalardan biri”. O‘tgan yigirma besh yil davomida ana shunday eng og‘ir, ammo sharafli va ulug‘ ishlarning boshida aynan Yurtboshimizning o‘zlari turib, ijod ahlini qo‘llab-quvvatlashga bosh-qosh bo‘ldi.

Read more...

Langar ota qishlog‘i yodgorliklari

Yurtimizda madaniy va tabiiy yodgorliklar bisyor. Turli davrlarda bunyod etilgan, ne-ne suronli davrlarning shohidi bo‘lgan, har biri moziyning bir parchasi sifatida saqlanib qolgan madrasa, maqbara, macjid, xonaqoh va ziyoratgohlar tariximizning tilsiz tilsimidir. Birgina Qashqadaryo viloyatida 927 ta madaniy meros ob’ektlari mavjud bo‘lib, ularning 163 tasini arxitektura inshootlari, 683 tasini arxeologik yodgorliklar, 61 tasini qadimiy san’at asarlari, 20 tasini esa ziyoratgohlar tashkil etadi. Shulardan biri viloyatning Chiroqchi tumani Langar ota qishlog‘ida joylashgan Hazrati Langar ota ziyoratgohidir.

Read more...

BIROR SO‘Z NISHONDA ADASHMASIN

Til — odamlarga Yaratgan ato etgan benazir in’om, insonlarning ming yillar davomida o‘zaro munosabatlarida sayqallanib kelgan javohir.

Read more...

E’TIBOR SIZGA‚ E’TIROF SIZGA‚ USTOZLAR

Ota-ona borki, farzandini yaxshi shart-sharoitlarga ega ta’lim-tarbiya maskanlarida o‘qishini istaydi. Buning uchun mamlakatimizda izchillik bilan islohotlar olib borilmoqda.  Bugungi suhbatdoshlarimiz ham Toshkent viloyatining ta’lim tizimida umrini sharafli kasbga bag‘ishlagan, bugungi dorilamon kunlar shavqida el-yurt farzandlariga saboq berayotgan o‘qituvchi va murabbiylardir.

– Mening baxtim shunday kasbni tanlaganim bo‘lsa kerak, – deydi Toshkent viloyati O‘rta Chirchiq tumanidagi 16-umumiy o‘rta ta’lim maktabi boshlang‘ich sinf o‘qituvchisi, “O‘zbekiston Respublikasi xalq o‘qituvchisi” unvoni sohibi Huri Solieva. – Chunki, bolalarni sevmagan odam bu kasbda ishlashi qiyin. Ertalabdan sevimli sinfimga, ko‘zlari beg‘ubor bolajonlarim qoshiga shoshaman. Bu majburiyatdangina emas, balki shu quralay ko‘zlarning menga bo‘lgan ishonchi, mehridandir. O‘ttiz yildan ziyod pedagogik faoliyatim davomida turli yillarda, sharoitlarda ishlashga to‘g‘ri keldi. Lekin taqqoslaganda, istiqlol yillaridagi o‘zgarishlar, qulayliklar tahsinga loyiq. Mamlakatimizda ta’lim sohasida yaratilgan ulkan imkoniyatlar sharofati bilan  o‘qituvchi va o‘quvchilar uchun yaxshi sharoitlar yaratildi. Ilgari faqat o‘quvchi tinglagan bo‘lsa, bugun u dars jarayonida birdek ishtirok etishi, ustozi bilan jonli muloqotga kirishishi, sinf­doshlari bilan mavzu yuzasidan munozara qilishi mumkin. Aytmoqchimanki, hozirga kelib maktablarda nafaqat tash­qi ko‘rinish, balki dars o‘tish uslub va metodlarida ham yangilanish bilan birga tub islohotlar bo‘l­moqda. Qolaversa, xizmatimiz, kamtarona mehnatimiz hukumatimiz tomonidan doim e’tiborda bo‘lib kelayotganligidan mamnunman. Shu yil “O‘zbekis­ton Respublikasi xalq o‘qituvchisi” unvoni bilan taqdirlanganligimni eshitib, beixtiyor ko‘zimga yosh keldi. Bu shaksiz quvonch yoshlari edi.

Ko‘p o‘quvchilarim bugun turli kasb-korlarda elimiz xizmatida. Ular ichida o‘qituvchilarning ko‘pligi, institutlarda, kollej va litseylarda dars berayotganligi kasbimga  mehrimni yanada oshiradi. Shunday paytlarda mehnatim zoe ketmaganligidan xursand bo‘laman.

Chirchiq shahridagi 34-sonli maktabgacha ta’lim muassasasiga tashrif buyursangiz, bu yerda bolajonlar uchun barpo etilgan rang-barang o‘yin maydonchalari, turli ertak qahramonlari maketi, cho‘milish uchun mo‘ljallangan hovuzcha, bularning bari sizni bir zum sohir bolalik damlariga qaytaradi.

  Bugungi bolalar juda zukko, talabchan, – deydi mazkur maktabgacha ta’lim muassasi mudirasi Zahro Saitova. – Ularning istaklari, qiziqishlarini inobatga olgan holda,  har bir tarbiyachi o‘z ustida ishlashi, izlanishi zarur. Gohida jajji o‘g‘il-qizlarning tarbiyachi opalariga berayotgan savollariga beixtiyor guvoh bo‘lib qolaman. Tarbiyachi bilimli, zamon bilan hamnafas bo‘lsa, hozir­­javoblik bilan bolakayning yoshi va istagiga mos tarz­da javob qaytaradi. Mamlakatimizning iqtidorli, mustaqil fikrli avlodi shunday tarbiya maskanlari quchog‘ida kamol topayotganligidan faxr­lanib ketaman.

Bu yil yangi o‘quv yili oldidan bizning MTM yangi o‘quv va yotoqxona jihozlari bilan ta’minlandi. Bolalarning xavfsizligi uchun videokameralar o‘rnatildi. Shu bilan birga, kichkintoylarimizning salomatliklarini asrash maqsadida avgust oyida chuqur tibbiy ko‘rik o‘tkazilib, bolalarimiz turli yuqumli kasalliklarga qarshi emlandi. Shu sa’y-harakatlar natijasi o‘laroq, bolajonlarimiz “Sog‘­lomjon-polvonjon” musobaqasining shahar miqyo­sidagi bosqichda 1-o‘rin, viloyat bosqichida esa 2-o‘rinni egallashdi. Tarbiyachimiz Madina Odilova “Yil tar­biya­chisi” ko‘rik-tanlovida shahar va viloyat bosqichlarida faxrli birinchi va ikkinchi o‘rinlarni oldi. Hozirda ingliz tili, raqs va gimnastika to‘garaklari tarbiyalanuvchilarimizning o‘z qobiliyatlarini namoyish etishi uchun faoliyat yuritmoqda. 

Hazrat Navoiy bobomiz juda nafislik bilan:

“Haq yo‘lida kim senga  bir harf o‘qitmish ranj ila,

Aylamak bo‘lmas ado oning haqin  yuz ganj ila” deya ustozlarning sharafiga hurmat bajo keltirgan edi.

Darhaqiqat, inson hayotda qanday darajaga erishmasin u ustozi va maktabidan qarzdordir. Yangi o‘quv yili Chirchiq shahridagi 14-sonli umumta’lim mak­tabi o‘quvchilari uchun yanada fayz­li va quvonchli bo‘ldi. Boi­si, bu yil maktab binosi qaytadan rekonstruktsiya qilinib, o‘quvchilar ixtiyoriga topshirildi.

– Davlat tomonidan maktab tizimiga qaratilayotgan e’tibor va g‘amxo‘rlik o‘zining ijobiy natijalarini bermoqda, – deydi maktabning boshlang‘ich sinf o‘qituvchisi Inna Veretins­kaya. – Buni yildan-yilga o‘quvchilarimizning bilim darajasi oshayotganligidan, turli fan olimpiadalarida, musobaqalaridagi yutuqlari misolida ko‘rishimiz mumkin. Bugun o‘qiyman, izlanaman degan o‘quvchiga barcha imkoniyatlar yetarli. 

Mamlakatimizda yoshlarning ham jismonan, ham ruhan  yetuk shaxs bo‘lib voyaga yetishlari uchun barcha imkoniyatlar yetarli. Ayniqsa, sportga qaratilayotgan e’tibor tufayli dunyo  sport arenalarida yurtimiz bayrog‘ini yuqori shohsupalarga olib chiqayotgan sportchilarimiz dunyo hamjamiyatida O‘zbekistonning o‘z o‘rni borligini isbotlamoqda.

– Yoshlar har bir yurtning istiqbolini belgilagan. Ayniqsa, sog‘lom, hurfikrli va vatanparvar yoshlar har qanday millat sharafini yuksaltiradi, – deydi Chirchiq shahridagi Bolalar va o‘smirlar sport maktabi direktori Abdurauf Yakubov. –  Maktabimiz o‘quvchilari shaxmat, boks, dzyudo bo‘yicha o‘tkaziladigan turli sport bellashuvlarida muvaffaqiyatli ishtirok etib keladi.  Ularning har bir zafarli odimi bizga kuch va g‘ayrat, yoshlarda esa havas uyg‘otadi. O‘ttiz yilga yaqin pedagogik faoliyatimda juda ko‘plab sportchilarni tarbiyaladik. Ozmi-ko‘pmi ularga yunon-rum kurashi bo‘yicha saboq berdim. Bugun ular mustaqil davlatimiz dovrug‘ini olamga yoyib, xalqimiz yuzini yorug‘ qilishmoqda. Shulardan biri Elmurod Tasmurodov joriy yilda Braziliyada o‘tkazilgan Olimpiada bahs­larida faxrli uchinchi o‘rinni oldi. Bu nafaqat maktabimiz uchun, balki butun xalqimiz uchun katta sharaf va g‘ururdir.  

Ha, shogirdlari haqida ko‘ksi faxrga to‘lib gapirayotgan ustozning ko‘nglidan o‘tayotgan hayajonni sezish qiyin emas. Abdurauf aka bu yil davlatimiz tomonidan “O‘zbekistonda xizmat ko‘rsatgan sport ustozi” unvoni bilan taqdirlandi. Bu ham bo‘lsa, Vatanimizda mehnat qilayotgan, shogirdlarga o‘rnak bo‘lib, xalq olqishini olayotgan o‘qituvchi va murabbiylarning xizmati besamar ketmasligini yana bir karra tasdiqlaydi.

“1-oktyabr o‘qituvchi va murabbiylar kuni” umumxalq bayrami munosabati bilan xal­qimiz farzandlariga ta’lim berib, ularning ongu shuurini ezgu tilaklar bilan bo­yitayotgan fidoyi ustozlarimizni chin dildan tabriklaymiz.

 Nargiza ASADOVA

 

“OTASIGA RAHMAT!”

— My lovely grandmother, how are you? I love you, — deya Marjonaxon buvisining bo‘ynidan mahkam quchoqladi va ko‘chaga yugurib ketdi.

— Voy, tillaringdan o‘rgilay, buncha shirin gapirmasa, voy, bo‘ylaringga jonim qoqindiq, — dedi Rohila aya nabirasini kuzatib qo‘yar ekan, qo‘shnisiga mamnuniyat bilan qarab.

— Qo‘shni, nabirangiz nima dedi o‘zi? Ancha tushunib qolibsizmi ingliz tilini? — dedi qo‘shnisi jilmayib.

— Tushunaman-da... Sevimli buvijonim, yaxshimisiz, men sizni yaxshi ko‘raman dedi-da, o‘rgilay. Nabiramning dars tayyorlashini har kuni kuzatib o‘tiraman. Qiziqib ketganimdan ko‘p so‘zlarni o‘rganib ham oldim. O‘qituvchisi biram yaxshi-ey, biram mehribon-ey. Otasiga rahmat, qizimga alohida e’tibor berib, ancha narsa o‘rgatdi.

Ko‘cha-ko‘yda ingliz tilida “chug‘urlashib” ketayotgan qaqajonlarni ko‘rib faxrlanib ketasan kishi. Bobo-buvilar, ota-onalarning quvonchini-ku tasvirlash qiyin. Darhaqiqat, bugun jonkuyar ustozlar sharofati bilan chet tillarini biladigan, bemalol gapira oladigan yoshlar soni ortib bormoqda. Mana shunday o‘z kasbining fidoyilaridan biri Manzura Begimovadir.

Ustozlarning murg‘ak qalblarga chizgan naqshi bir umrga muhrlanadi va hayotning har jabhasida bo‘y ko‘rsataveradi. Maktab sari qo‘yilgan ilk qadamlar hayajonga to‘la bo‘ladi. Shu sababli birinchi o‘qituvchimizni doim eslaymiz, e’zozlaymiz. Qo‘llarimizdan ushlab sabr bilan o‘qishni o‘rgatgan, har qanday xarxashayu, bolalikning sho‘xliklarini o‘z o‘rnida qabul qilib, farzandidek ayagan ustozlarimizning hayotimizdagi o‘rni beqiyos, albatta.

Yosh bolaga nimanidir o‘rgatish, nimagadir qiziqtira olish juda mushkul. Endigina o‘yinchoqlaru turli o‘yinlar og‘ushidan chiqib kelgan bola, albatta, birdan intizomli, bilimli bo‘lib qolmaydi. Bu natijaga erishish uchun o‘qituvchidan katta mahorat talab etiladi. Unga o‘zining tilida gapirish, mehribonroq, shirinso‘zroq bo‘lish, bilmaganlarini sekin-astalik bilan tushuntirish uchun o‘qituvchiga anchagina matonat kerak bo‘ladi, albatta. Manzura opa ana shunday matonat egasi. Uning darsida bolalar o‘zlarini erkin, uylarida o‘tirgandek his qiladi. Darsda muloqot ingliz tilida olib boriladi.

— Chet tilini mukammal o‘rganishga ahd qilgan bolajonlarning ko‘zlaridagi ishonch menga shijoat bag‘ishlaydi, — deydi Manzura Begimova. — Davlatimiz tomonidan ingliz tili o‘qituvchilariga yaratilgan imkoniyatlarga, bildirilgan ishonchga munosib bo‘lishga harakat qilyapmiz.

Bugun yurtimizning chekka-chekka tumanlarida, qishloqlarida ham ta’lim muassasalari zamonaviy texnologiyalar bilan ta’mirlanib, o‘qish-o‘rganish uchun barcha sharoitlar yaratilgan. Manzura Begimova ham Koson tumanidagi 85-maktabda boshlang‘ich sinf­larga dars beradi. U 1993-1998 yillarda Sa­mar­­qand davlat chet tillar institutining ingliz filologiyasi fakultetida o‘qib, tumandagi Mirzo Ulug‘bek nomidagi litsey-internatga ishga qabul qilingan. Qobiliyatli, yosh mutaxassis tez orada yaxshi o‘qituvchi sifatida tanildi. Faoliyati davomida o‘zining faniga bo‘lgan qiziqishlari va izlanishlari tufayli ko‘plab fan olimpiadalariga o‘quvchilarini tayyorlab, yuqori natijaga erishdi.

Ustoz uchun o‘quvchilarining yuksak marralarni egallayotgani, olimpiadalarda zafar quchayotganini ko‘rish katta baxt. 2015-2016 o‘quv yilida uning o‘quvchisi Sevinch Hayitova “Mitti olimpiada”ning tuman bosqichida qatnashib, faxrli 1-o‘rinni egalladi.

Manzura Begimova nafaqat boshlang‘ich sinflar o‘qituvchisi, balki namunali trener sifatida ham hamkasblari orasida o‘z o‘rniga ega. O‘zbekiston davlat jahon tillari universitetining trener-o‘qituvchilar tayyorlash kursini namunali tamomlab, sertifikatga ega bo‘ldi. U ingliz tili trener-o‘qituvchisi sifatida 2013 yil aprel oyidan to hozirgi kunga qadar yosh mutaxassislarga “Boshlang‘ich sinflarda chet tillarni o‘qitish metodikasi”ni o‘rgatish yuzasidan trening kurslarini o‘tib kelmoqda. Uning kurslarini tuman ingliz tili o‘qituvchilari orziqib kutadi. U har mashg‘ulotda o‘quvchiga yanada samaraliroq, yanada sifatliroq dars o‘tishning yangicha metodlarini hamkasblariga o‘rgatishga harakat qiladi. O‘zi o‘rgangan, qo‘llab kelayotgan metodlarni boshqalarga ham ilinadi.

Yurtimizda hech bir mehnat, jonkuyarlik rag‘batsiz qolmaydi. Manzura Begimova o‘tgan o‘quv yilida qilgan sa’y-harakatlari va izlanishlari tufayli “Xalq ta’limi a’lochisi” ko‘krak nishoni bilan taqdirlandi.

Shukurki, mamlakatimizda mana shunday kamolotga yetaklovchi mehridaryo, intiluvchan ustozlar ko‘p. Demak, kelajak avlodning istiqboli porloq, ertasi charog‘on.

 Shohsanam KOMILOVA,

“Hurriyat” muxbiri

MA’NAVIY JASORAT IBRATI

 


Odatda, «jasorat» deganda biz Vatan himoyasi yo‘lida yoki turli ekstremistik qora kuchlarga qarshi kurashda favqulodda fidoyilik ko‘rsatganlarni tushunamiz. Yurtboshimiz asarlarida esa insoniy jasoratning yangi bir talqini yaratilgan. Bu ma’naviy jasorat masalasidir.

Read more...

YASHARAYOTGAN KO‘KOTA yoxud Narpay tumanida amalga oshirilayotgan savobli ishlar xususida

Ko‘kota ziyoratgohi tuman hududidan o‘tadigan Katta O‘zbek traktiga yaqin yerda joylashgan. Qishloq oralab  borar ekanmiz, ko‘chaning ikki tomonida oqlab-bo‘yalgan, darvozasi oldi anvoyi gul va rayhonlar qulf urib o‘sib turgan xonadonlar ko‘zga tashlanadi. Hammayoq saranjom-sarishta, ravon yo‘l bizni to‘ppa-to‘g‘ri Ko‘kota qadamjosiga olib bordi. Ulug‘vor masjid, uning yon-atrofida tiklangan imorat, yo‘lak, chiroyli shaklda barpo etilgan gul va maysazorlar, hali ohori ketmagan ayvon, o‘rindiqlar, tanga huzurbaxsh salqinlik beruvchi sarhovuz, yerga to‘shalgan bezakli plitalar, zamonaviy uslubda barpo etilgan devor hamda panjaralar, naqshinkor ustunlar bu yerda katta bunyodkorlik-obodonlashtirish ishlari amalga oshirilganidan darak beradi.

Read more...

Qiz bola — misoli oq qand

Momolarimizning shunday so‘zlari bo‘lardi – qiz bola misoli oqqand. Gard tegsa darrov bilinadi. O‘sha joyini qirsang, kemtik bo‘lib qoladi, yuvsang erib ketadi. Shuning uchun qog‘ozga o‘rabgina asrash kerak...

Read more...

  • So'ngi yangiliklar
  • Ko'p o'qilgan

Xotin-qizlar doimiy e’tiborda

2017-11-16 11:05:39

MOZIYDAN TARALGAN NUR

2017-11-16 11:14:51

Ma’naviy talqin

2017-11-16 09:33:36

AFSHONAGA SAFAR

2017-09-20 07:40:47

RASMIY SAYTLAR

REKLAMA

REKLAMA

 

 

 

 

 

 

Kalendar

November 2017
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30

.