Adabiyot — yuksak ma’naviyat asosi

Davlatimiz mustaqilligining 25 yilligi arafasida o‘zbek  xalqi fuqarolik jamiyati rivojining ma’naviy-ma’rifiy jabhalarida ulkan yutuqlarga erishdi: milliy o‘zligini angladi, mentaliteti jahon sari yuz tutdi, adabiyot va san’at ravnaq topdi. Millat va elatlar o‘z izzatini tikladi, yuksaldi. Ya’ni, adabiyot qalb-shuuri, ma’naviy boylikka aylandi.

Read more...

TURLI XALQLAR TILLARINI BILISH

o‘zaro munosabatlar poydevori

Bugun, dunyoda globallashuv jarayoni tobora chuqurlashib borayotgan bir davrda xorijiy tillarni bilish zamon talabiga aylanib bormoqda.

Ayni paytda dunyoda 197 ta tan olingan davlat bo‘lib, ularning 193 tasi Birlashgan millatlar tashkilotining a’zosi hisoblanadi. Mazkur mamlakatlarda turli xalqlar, millatlar va elatlar istiqomat qilib, ular bilan aloqaga kirishning yagona yo‘li bu ularning tili, madaniyati va urf-odatlarini bilishdir.

 Bir guruh tilchilar jahonda 3 mingga yaqin til mavjud deb hisoblasa, ba’zilari bu raqam 6 mingdan oshishini ta’kidlaydi. Buning asosiy sababi esa tillarning aniq va yaxlit bir tillar oilasidan tashqari ularning turli sheva va lahjalarga bo‘linganligidir. Masalan, ispan tilini olaylik. U jahondagi eng ko‘p lahjali tillardan biridir. 

Birinchisi, eng oddiy variant – ispan tili, u ko‘pgina mamlakatlarda davlat tili hisoblanadi.

Ikkinchisi qiyinroq varianti, ya’ni yana bir keng tarqalgan til – kastiliya tili, unda Ispaniya aholisining kattagina qismi so‘zlashadi. Shuningdek, bu til Kuba, Argentina, Chili va boshqa mamlakatlarda keng tarqalgan. 

Uchinchisi ispan tilining turli mintaqalarda tarqalgan boshqa lahjalari. 

Xuddi shunday holatni biz o‘z ona tilimizda ham ko‘rishimiz mumkin. Tarixga nazar tashlaydigan bo‘lsak, qadimdan Markaziy Osiyo va unga tutash bo‘lgan hududlarda yashovchi xalqlar turkiy tilda so‘zlashgan. O‘zbek, turkman, qirg‘iz, qozoq, uyg‘ur va hatto Turkiyadagi hozirgi turk tilining o‘zagi aynan qadimda Markaziy Osiyoda mavjud bo‘lgan turkiy tilga borib taqaladi. 

Dunyodagi tillar sonining ko‘payishi yoki kamayishi esa yuqorida ko‘rsatilganidek, turli lahja va shevalarning rivojlanib borishi va ularning har birini alohida til deb tan olishimiz bilan bog‘liq.

Ayni paytda eng keng tarqalgan til bu – ingliz tili bo‘lib, dunyoning 56 mamlakatida milliy darajada foydalaniladi. Ikkinchi o‘rinda esa frantsuz tilidir, undan 29 ta mamlakatda rasmiy darajada foydalaniladi. Arab tili esa eng ko‘p tarqalgan tillar orasida uchinchi o‘rinni egallab, undan rasmiy darajada 24 ta davlatda foydalaniladi.

Turli mamlakatlarning o‘zaro siyosiy, iqtisodiy yoki boshqa masalalarda muloqotga kirishishi ham ko‘pincha keng tarqalgan tillarda amalga oshiriladi. Shu munosabat bilan xalqaro tashkilotlar tomonidan tan olingan tillar bo‘lib, ular orqali xalqaro maydondagi muloqotlar amalga oshiriladi.  

Ingliz tili nafaqat Angliyaliklarning, balki AQSh, Irlandiya, Kanada, Malta, Avstraliya, Yangi Zenlandiya kabi mamlakatlar aholisining ham tili hisoblanadi. Mazkur tilga Osiyo va Afrikaning ayrim mamlakatlarida rasmiy davlat tili maqomi berilgan. 

Ingliz tilining jahonda keng qo‘llanilishini e’tiborga olgan holda mamlakatimizning umumta’lim maktablari, kasb-hunar kollejlari va oliy ta’lim muassasalarida bugungi kunda ingliz tilini o‘rganishga alohida e’tibor qaratilmoqda.

O‘zbekiston Respublikasi Prezidentining 2012 yil 10 dekabrdagi “Chet tillarni o‘rganish tizimini yanada takomillashtirish chora-tadbirlari to‘g‘risida”gi va Vazirlar Mahkamasining 2013 yil 8 maydagi “Uzluksiz ta’lim tizimining chet tillar bo‘yicha Davlat ta’lim standartlarini tasdiqlash to‘g‘risida”gi qarorlariga asosan, ta’lim sohasiga chet tillarini, jumladan, ingliz tilini uzluksiz o‘qitish bo‘yicha davlat ta’lim standarti joriy qilindi. O‘quv muassasalarining o‘qituvchilari muntazam ravishda malaka oshirish markazlarida bilim va ko‘nikmalarini oshirib kelishmoqda.

Chet tillarini o‘qitish masalasiga berilayotgan e’tiborning yana bir misoli sifatida Vazirlar Mahkamasining 2015 yil 25 martdagi “Umumta’lim muassasalari chet tili o‘qituvchilarining malakasini va kasbiy mahoratini oshirish bo‘yicha qo‘shimcha chora-tadbirlar to‘g‘risida”gi qarorini ta’kidlab o‘tishimiz mumkin. Mazkur qarorga ko‘ra chet tili o‘qituvchilarining kasbiy mahoratini oshirishning haftalik kurslari joriy qilinib, o‘qituvchilarning majburiy attestatsiya imtihonidan o‘tishining davriyligi belgilandi.

Chet tilining yanada puxta o‘zlashtirilishini ta’minlash maqsadida oliy o‘quv yurtlarida ayrim maxsus fanlarni, xususan, texnik va xalqaro mutaxassisliklar bo‘yicha o‘qitishni chet tillarda olib borish belgilandi.

E’tiborli jihatlardan yana biri shuki, davlatimiz rahbariyati tomonidan Xalq ta’limi vazirligi, Oliy va o‘rta maxsus ta’lim vazirligi va Moliya vazirligining chet tillar o‘qituvchilariga qonun hujjatlari bilan belgilangan rag‘batlantiriluvchi to‘lovlar va qo‘shimchalarni hisoblashda, ularning lavozim maoshlari tarkibiga kiritgan holda qishloq joylarda joylashgan ta’lim muassasalarida ularning tarif stavkalariga 30 foiz va boshqa ta’lim muassasalarida 15 foiz stavkalari miqdoridagi har oydagi qo‘shimchalar qo‘shib berishni belgilash to‘g‘risidagi taklifi qabul qilindi.

Bugungi kunda, televidenie, jumladan, mahalliy telekanallar orqali bolalar va o‘smirlarni xorijiy tillarga o‘rgatish bo‘yicha turli ko‘rsatuvlar efirga uzatilmoqda. Boshqa xalqlarning tarixi va madaniyati, jahon ilmi va texnikasiga bag‘ishlangan ilmiy-ommabop xorijiy badiiy hamda multiplikatsiyaviy filmlar o‘zbek tilidagi subtitr yordamida, muntazam ko‘rsatib borilmoqda.

Umuman olganda, mamlakatda chet tillarini, shu jumladan, ingliz tilini o‘rganishga juda ham katta e’tibor qaratilmoqda. Har bir o‘quvchi chet tilini bilish lozimligini o‘zida his etadi. Bu esa o‘z navbatida til o‘rganish nafaqat ta’lim tizimi, balki jamiyat hayoti uchun ham muhim omil ekanini ko‘rsatadi.

 

Shahlo MAHMUDOVA,

Sergeli sanoat kasb-hunar kolleji o‘qituvchisi

TUMANIMIZDA KITOB DO‘KONI TEZROQ OCHILSAYDI...

Gazeta va jurnallar hayotim mazmuniga aylanib qolgan. O‘quvchilik yillarimda uyimizga “Gulxan”, “Yoshlik”, “Saodat” jurnallari, “O‘zbekiston adabiyoti va san’ati” gazetasi muntazam kelib turar, ularning har bir sonini xuddi aziz insonimizni kutgandek intiqib kutardik.

Read more...

YULDUZLARDA AKSLANAR

Ulug‘bekning ziyosi

Buyuk vatandoshimiz, ilm-fan osmonining so‘nmas yulduzi Mirzo Ulug‘bek qurdirgan mashhur rasadxona to‘g‘risida manbalarda ma’lumotlar uchrasa-da, uning joylashgan o‘rni uzoq yillar kishilarga noma’lum bo‘lib kelgan. Faqat XX asrdagina zahmatkash olimlar mehnati bilan mazkur inshoot qayta kashf etildi.

Read more...

EZGULIKKA CHO‘ZILGAN QO‘LLAR

Bir bola ko‘chaning narigi tomoniga o‘tishga chog‘lanib turganini ko‘rdim. O‘quvchi ekan. Oldiga bordim-da: “Yur, birga o‘tamiz”, dedim. U salom berib, qo‘lini uzatdi. Bilsam...

Read more...

TIL BILGANGA DUNYO KENG

O‘qituvchi darsning mustahkamlash bosqichida o‘quvchilarni kichik guruhlarga ajratib, har bir guruhga topshiriq berib, ularni faollikka undayotgan paytda sinf eshigi ochildi. Kechikkan bir o‘quvchining uzr aytib, ruxsat so‘ragani eshitildi. Muallim darsning eng muhim jarayonida bo‘lgani, fikri bo‘lingani va nihoyat o‘quvchining mas’uliyatsizligini o‘ylab uzrni inobatga olmadi. Unga guruh rahbariga uchrashib, tushuntirish xati yozib kelishini aytdi.

Read more...

MUSIQA QALBDA MEHR UYG‘OTADI

Bugun mamlakatimizda boshqa sohalar qatorida, san’atimiz ravnaqiga ham katta e’tibor  qaratilmoqda. Mustaqillik yillarida qad rostlagan yuzlab musiqa va san’at maktablari barkamol avlodni kamolga yetishi uchun zamin bo‘lmoqda. Davlatimiz rahbarining "Bolalar musiqa va san’at maktablarining moddiy-texnik bazasini mustahkamlash va ularning faoliyatini yanada yaxshilash bo‘yicha 2009-2014 yillarga mo‘ljallangan davlat dasturi to‘g‘risida"gi qarorning qabul qilinishi madaniy hayotimizda chinakam yangilanishlarni boshlab berdi.

Read more...

MILLATGA EHTIROM

ayolga ehtiromdan boshlanadi

Axborot texnologiyalarining bugungi rivoji shu darajaga yetdiki, endilikda olamni kaftingda turgandek kuzatishing mumkin. Xulosa shunday — olam suvda qalqib turgan  olma holatida.

N otinch mintaqalarda ahvol nihoyatda tanglashib, vaziyat chigallashib boryapti. Vaziyatni xolisona baholash o‘rniga jazava va manfaatlar taloshi ustuvorlik qilyapti. Odamlar talvasada. Qochqinlar – biron daqiqa farzandini xotirjam bag‘riga bosib, orom olishni istagan onalar, kelajagi kafolatsiz xotin-qizlar, yoshlarning tang ahvolda qolganini ko‘rib, vahming keladi. O‘yga tolasan. Axir, ular ham haq-huquqlariga ega insonlar-ku! Nega ularning huquqi, insonlik sha’ni poymol etilmoqda. Dunyoga haq-huquq haqida jar solayotgan og‘zi polvonlar qaerga qarayapti? Shular haqida fikr yuritar ekansan, beixtiyor Yaratganga shukrona keltirasan. Yurtimizda fuqarolarga, ayniqsa, biz ayollarga bo‘lgan etibordan behad mamnun bo‘lasan. Mamlakatimiz bosh Qomusi – Konstitutsiyamizda belgilangan huquqlarimiz kafolati amalda o‘z tasdig‘ini topmoqda.

Yurtboshimizning 8 mart — Xalqaro xotin-qizlar kuni munosabati bilan O‘zbekiston xotin-qizlariga yo‘llagan bayram tabrigida ayollarning jamiyatdagi o‘rniga yuksak baho berilganiga olam ahli guvoh bo‘ldi. Opa-singillarimizning mehnat va turmush sharoitlarini yanada yaxshilash, oila, onalik va bolalikni himoya qilish, farzandlarimiz, ayniqsa, qiz bolalarning zamonaviy bilim va kasb-hunar, ilm-fan cho‘qqilarini egallab, hayotda munosib o‘rin olishlari uchun boshlagan ishlarimizni izchil davom ettirishimiz kerakligi alohida uqtirildi. Bu so‘zlar ko‘nglimizni tog‘dek ko‘tardi, yanada faol, mas’uliyatli bo‘lishga undadi.

Darhaqiqat, ayol — millat kelajagi, hayot davomchisi. Xotin-qizlar e’zozlangan, qadrlangan yurtning buguni va ertasi tinch, farovon bo‘ladi. Ayol mehnati bilan jamiyat to‘laqonli rivojlanadi, taraqqiy etadi. Shuning uchun mamlakatimizda xotin-qizlarga alohida g‘amxo‘rlik ko‘rsatilib, ularning og‘irini yengil qilishga tobora katta e’tibor qaratilmoqda. Konstitutsiyamizning 18-moddasida O‘zbekiston Respublikasi fuqarolari jinsi, millati, diniy e’tiqodidan qat’i nazar teng huquqli ekani, 46-moddasida esa erkak va ayollarning teng huquqliligi, 117-moddasida esa saylash va saylanish huquqlari kafolatlangan.

Mamlakatimizda mustaqillikning dastlabki yillaridanoq xotin-qizlarning huquq va erkinliklarini himoya qilishga qaratilgan qator xalqaro Shartnoma va Konventsiyalarni ratifikatsiya qilingan. Jumladan, davlatimiz BMTning «Xotin-qizlar kamsitilishining barcha shakllariga barham berish to‘g‘risida»gi Konventsiyasiga qo‘shilgan. Umuman olganda, mamlakatimiz taraqqiyotining o‘tgan yillari davomida ayollarning huquq va manfaatlarini himoya qilishga qaratilgan 80 dan ortiq qonun hujjatlari kuchga kirdi, xalqaro hujjatlar ratifikatsiya qilindi. Xotin-qizlarning yurtimiz siyosiy-ijtimoiy, iqtisodiy va madaniy hayotidagi faol ishtirokini ta’minlash, ma’naviy saviyasini yuksaltirish davlatimiz siyosatining muhim yo‘nalishlaridan biri hisoblanadi.

Prezidentimiz tashabbuslari bilan Zulfiya nomidagi Davlat mukofotining ta’sis etilishi ham, mamlakatimiz xotin-qizlarining ezgu intilishlarini ro‘yobga chiqarish borasida yaratilayotgan keng imkoniyatlarning bir ko‘rinishidir. Zukko qizlarimiz, fozila ayollarimiz esa fan, san’at, madaniyat va sportda yuqori marralarni zabt etib kelayotganligi va ularning bu yutuqlaridan har birimiz faxr-iftixor tuyamiz. Xususan, raqamlarga murojaat qiladigan bo‘lsak, O‘zbekiston aholisining 51 foizi, ishchi kuchining 45 foizini ayollar tashkil etadi. Oliy Majlis Qonun palatasidagi 150 nafar deputatlarning 24 nafari ayollardir. Oliy ta’lim muassasalarida ayol professor-o‘qituvchilar jami 9511 nafar, ulardan fan doktorlari 234, dotsentlar 1282, fan nomzodlari 1804 tani tashkil etadi. Sog‘liqni saqlash tizimidagi ayollarimiz 326370 nafar bo‘lib, 52,7 foizdan iborat. Ularning 38 mingga yaqini oliy ma’lumotli, 288312 nafari o‘rta ma’lumotlidir. Respublikada jami 6 nafar akademik, 514 nafar fan doktori, 4780 nafar fan nomzodi bo‘lgan ayollar bor. Tadbirkorlik sub’ektlari 278450 tani tashkil etadi va ularning 119811 nafari ayollardir. 1997 yildan buyon 14 nafar faol va ibratli ayollarimizga «O‘zbekiston qahramoni» unvoni berildi. O‘zbekistonda bugun 1 million 4 ming 916 nafar xotin-qizlar sport bilan muntazam shug‘ullanib kelmoqda. 2013-2015 yillar davomida 487 ta xalqaro musobaqalarda ishtirok etgan 5369 ta sportchining 1955 nafari qizlar va qo‘lga kiritilgan 1886 ta medallarning 516 tasi qizlarga tegishlidir. Bunday ro‘yxatni uzoq davom ettirish mumkin.

Joriy yilimizda ham aynan xotin-qizlar masalasi muhim ustuvorlik kasb etadi. Jumladan, «Sog‘lom ona va bola yili» Davlat dasturida ham oila institutini mustahkamlash, ayollarning jamiyat hayotidagi roli va nufuzini yuksaltirish, ularning qobiliyat va imkoniyatlarini ro‘yobga chiqarish, xotin-qizlarni, xususan, qishloq joylarida ish bilan ta’minlash, oilaviy biznes va kasanachilikni rivojlantirish, ayollarga kredit ajratish orqali ularni tadbirkorlik faoliyatiga keng jalb etish kabi ustuvor vazifalarga alohida o‘rin berilgani xotin-qizlarni ijtimoiy himoya qilish, har bir ayol o‘zi ishlayotgan sohaga mehr berib, uning rivoji uchun sidqidildan ishlashi, bir so‘z bilan aytganda, Vatan taraqqiyotiga munosib hissa qo‘shishi uchun keng yo‘l ochadi.

Xulosa qilib aytganda, erkin fuqarolik jamiyatini barpo etish, fuqarolarning huquq va erkinliklarini ta’minlash islohotlarining uzviy qismi sifatida xotin-qizlarning davlat va jamiyat qurilishidagi ishtiroki va uning siyosiy-huquqiy asoslarini yaratish mustaqil davlatimiz ichki siyosatining ustuvor yo‘nalishlaridan biri sifatida alohida e’tirof etilmoqda. Mazkur masaladagi chora-tadbirlarning uzviy qismi sifatida fuqarolik jamiyati institutlari, nodavlat, notijorat tashkilotlari faoliyati va davlat boshqaruvi organlarida ayollarning keng ishtirok etishini kafolatlaydigan huquqiy asoslar yaratilib kelinmoqda. Zero, jamiyatimizda siyosiy faol huquqiy bilimga ega, zamon bilan hamnafas, yurtimiz ravnaqiga kamarbasta ayollar safining kun sayin kengayib borayotgani esa porloq kelajagimizning muhim garovidir.

Ayol – ijodkor, ayol – har ishda madadkor. Hayotni hayotga, avlodni avlodga ulovchi ayol. Ayol – oilaning, jamiyatning ishonchi, tayanchidir.

Muharram DADAXO‘JAYEVA,

Oliy Majlis Qonunchilik palatasidagi O‘zbekiston «Adolat» SDP fraktsiyasi a’zosi

EZGU ORZU

Yaxshi kitob o‘qiyotganimda o‘zimga ma’qul kelgan va kelmagan joylarining tagiga chizib, hoshiyasiga har xil belgilar qo‘ymasam ko‘nglim ko‘lchimaydi. Bu jurnalistning “kasb kasali” bilan bog‘liq bo‘lsa kerak. Tesha tegmagan gap, nozik o‘xshatish, dilni charaqlatib yuboradigan mag‘zi to‘q fikr, falsafa, yangi fakt va raqamlar... Gazetachi do‘ppisi tor kelganda suyanadigan tap-tayyor iqtibos, “xomashyo”, zevar shu-da! Taniqli yozuvchi Erkin A’zamning asosan, istiqlol yillari matbuotda chop etilgan tarhi toza publitsistik asarlari jamlangan “Ertalabki xayollar” kitobini mutolaa qilishim jarayonida ham shunday bo‘ldi.

Read more...

KOMEDIYAGA JIDDIY NAZAR

Hozirgi o‘zbek kino olamida qaynona-kelin muammosi, ro‘zg‘or tashvishlari,  oilaviy hayot manzarasi asosiy mavzuga aylanib qolgan. Ko‘pchilik, yana shu mavzumi, maishiy kinolar jonga tegdi, deb nolishadi, gohida.

Read more...

BARKAMOL AVLOD TARBIYASI

Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish, ko‘p jihatdan huquqiy ta’lim-tarbiyani yanada takomillashtirishni taqozo etadi. Binobarin, zamonaviy madaniyat, iqtisodiyot, fan, texnika va texnologiyalarning yutuqlari asosida mukammal huquqiy ta’limni  shakllantirish jamiyat taraqqiyotining  muhim shartidir.

Read more...

USTOZ

Dunyoda necha ming so‘z borligini bilasizmi? Ularni qatorlarga terganingizda ko‘nglingizga o‘rnashib, jonu jahoningizni yoritadigan chiroq so‘zlarni-chi? Qoqilsangiz qo‘lini tutguvchi, ikkilansangiz, dalda bo‘lguvchi, parvozga shaylansangiz, qanot berguvchi — U! 

Read more...

EL ARDOG‘I

Yurtdoshlarimiz, ayniqsa ayollarimizda ijtimoiy-siyosiy va ma’naviy-axloqiy faollik tuyg‘usi yildan-yilga sezilarli darajada oshib borayotir. Komil farzand ibratli oilada, ma’naviyati boy ayol — ona bag‘rida kamol topadi. Ayol oila tinchligi, baxtiyorligi posbonidir. 

Read more...

BARKAMOL AVLOD — VATAN ISTIQBOLI

Mamlakatimiz mustaqilligini mustahkamlash, barqaror taraqqiyotimizni ta’minlash davlatimizning yoshlarga oid samarali siyosati bilan bog‘liq. Shu bois mamlakatimizda mustaqillikning ilk davrlaridanoq yoshlarni har tomonlama qo‘llab-quvvatlashning  huquqiy asoslari mustahkamlandi. «O‘zbekiston Respublikasida yoshlarga oid davlat siyosatining asoslari to‘g‘risida»gi O‘zbekiston Respublikasi Qonunida Davlat xalq manfaatlarini ko‘zlab, respublika yoshlarining ijtimoiy hamda ma’naviy kamol topishi uchun shart-sharoit yaratib berishga qaratilgan yoshlarga oid siyosatni ishlab chiqadi va uni amalga oshiradi, deb belgilangan.

Read more...

NAVOIY XATTOTLARI

"Xattotlik qadim Sharq san’atining behad kamol topgan turlaridan biri hisoblanadi. O‘rta Osiyo xattotlik san’atining esa boy tarixi bor. XIV — XV asrlarda o‘lkamiz kitobatchiligining ravnaqi beqiyos bo‘ldi. Bu davrlarda dunyoda kitob chop etadigan bosmaxonalar yo‘q edi. Shuning uchun ham, ayniqsa, Sharqda xattotlik san’atiga qiziqish hamda xattotlarga ehtiyoj nihoyatda katta bo‘lgan.

Read more...

CHIN ISTE’DOD TARBIYASI YO‘LIDA

Hayot — bu rangin qo‘shiq. Uning har bir ohangida ajib bir go‘zallik yashaydi. Dunyo dunyo bo‘lib yaralibdiki, shubhasiz, musiqa kishilar hayotining ajralmas bir bo‘lagi sifatida shakllanib kelmoqda.

Read more...

IJOD SURURI

“Jurnalistika olamiga ilk qadam qo‘yilayotgan paytda “Ustoz-shogird” tamoyili shu darajada muhim ahamiyat kasb etadiki, bu keyinchalik inson taqdirini belgilab berishi mumkin”. 

Read more...

BUGUNGI O‘QUVCHI — YURTNING ERTANGI TAYANCHI

Farzandi maktabni bitirayotgan ota-ona qalbidan qanday his-tuyg‘ular kechishini bu holatni boshidan o‘tkazganlar yaxshi biladi. Kechagina "otajon" yoki "onajon" deya bo‘yniga osilib, erkalanib yurgan, bugun esa bo‘y-basti o‘zi bilan tenglashib qolganini ko‘rish qanday quvonchli bo‘lsa, uning kelajagi haqidagi xayollar shunchalik totli va hayajonlidir.

Read more...

NAVOIYNI TUSHUNISH

Hazrat Alisher Navoiyning asarlarini o‘qir ekansiz, butun insoniyat, alalxusus, Sharq olami, vatanimiz, xalqimiz, dinimiz, madaniyat, adabiyot, san’atimiz, urf odatlarimiz bilan bog‘liq atamalar, so‘zlar, tarixiy va afsonaviy siymolarning ismlari, ular boshidan kechirgan voqealarga ishoralar, jug‘rofik va etnik nomlar, koinot va zamin, nabotot va hayvonot, qo‘yingki, har ikki dunyo va xayolot olamidagi jonli va jonsiz xilqatlar, ko‘ngilning nozik kechinmalari, ruhning tinimsiz izlanishlari ifodasi bo‘lib kelgan so‘zlar, ta’riflar, tashbehlar, ramzu timsollar har sahifa, har baytda uchraydi.

Tushumda la’liyu ruxsoridur, uyg‘otmang mani, gar xud,

Masiho birla Yusuf boshim uzra yetsalar nogah.

Read more...

OFTOBGA INTILIB

Bundan yigirma — o‘ttiz yillar muqaddam faqat poytaxtdagi Chorsu bozorida kitob sotilgan ekan. Shunda ham kerakli kitoblarni topish muammo, ularni olish uchun kunlab, haftalab kutishga to‘g‘ri kelgani haqida katta avlod hozirgacha eslab yurishadi.

Read more...

  • So'ngi yangiliklar
  • Ko'p o'qilgan

Xotin-qizlar doimiy e’tiborda

2017-11-16 11:05:39

MOZIYDAN TARALGAN NUR

2017-11-16 11:14:51

Ma’naviy talqin

2017-11-16 09:33:36

AFSHONAGA SAFAR

2017-09-20 07:40:47

RASMIY SAYTLAR

REKLAMA

REKLAMA

 

 

 

 

 

 

Kalendar

November 2017
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30

.