ONAM DERMAN

JaK: — Manavi baqaloqqa qarang. Kindigini ko‘rsatib qiyshanglashini qarang... O‘tgan payshanba kuni avtobusda ko‘rib qoldim. Molday ichgan. Haydovchining radiosidan “Lazgi” jaranglab qolgan edi, baqaloqbegim begemotga o‘xshab lapanglab ketdilar-ey!.. Bo‘ldi kulgi! 

Esh: — Raqqos ekanlar-da?

JaK: — Raqqos bo‘lmay ketsin. Begemot!

Esh: — Boshiga do‘ppi qo‘ndirib olganiga o‘laymi! Ko‘rinib turibdi: soch-soqoli patakka o‘xshaydi, qorin deganing — bo‘g‘oz sigirniki. O‘l-a! Shuncha odamning oldida ishtoning tizzangga tushib ketsa nima qilasan!

JaK: — O‘zing ellikni urib qo‘ygan bo‘lsang. Xotin, bola-chaqang, mahalla-ko‘ying bordir, galvars! Ichibsan, pista qilibgina-a yotmaysanmi, uyingda! “Lazgi”niyam harom qildi, to‘nka!

Sher: — Bu mamlakatda ichib ham, ko‘chib ham bo‘lmaydi. 

Esh: — O‘-o‘v! Mamlakatga til tekkizma! Xo‘pmi? O‘zing kimsan? Bizdan nima yomonlik ko‘rding?.. Ayt!

JaK: — Ishi yurishmagan alamzadalardan bo‘lsa kerak. 

Sher: — Hammaning ishi menikiday yurishsin! 

Esh: — Unda nimaga “ichib ham, ko‘chib ham” deysan? Qaysi kovaklarda jannat qidirib yuribsan? 

JaK: — Gapir!

Sher: — Kim bo‘lardim. Odamman. Bashar farzandi, janob “prokuror”.   

Jak: — E-e, shAirga o‘xshaydimi bu – “bashar farzandi”. Og‘ziga o‘afur o‘ulom tupurganmi deyman. Bo‘ladigan gapdan gapiring, aka Sher!

Shon: — Tillaring shu darajada g‘arib, shu darajada qashshoqki, sal adabiyroq so‘z eshitsanglar, shaytonlab qolasilar!..

Esh: — Obbo! Bu kishim endi kim bo‘ldilar? Axtun-axtun! Otiga qaraganda —  irlandiyalik. Yo zanjimisiz, Shon aka? Ha-ha-a!

JaK: — Yo‘q. “Shon” — laqabi. 

Shon: — Birovga laqab ilishdan Xudo asrasin. Ismim. Ota-onam qo‘ygan. Zanji emas, panjiman. Beshinchi farzand.

JaK: — Qaysi muzofotda umrguzaronlik qiladilar, Shon aka?

Shon: — Bostonda.

JaK: — Vey, Esh! Qarasang-chi, o‘rtoq? Bu dono Jizzaxdagi Bo‘ston qishlog‘i bilan Amriqoning Boston shahrining farqiga bormasa... Mengina nima qilay? Ayt, nima qilay?..

Esh: — Hiringlama! “Chidagin, bolam-a, chidagin”. (Usmon Azim).

JaK: — Tilingni hakka cho‘qimasin sening!.. 

Shon: — Sirka masalasi chatoqroq, shekilli... Suv ko‘tarmaydi.

Esh: — Uzr! Peshin bo‘p qopti. Men ketdim! Jumaga kech qolaman... 

Sher: — O‘risning arog‘ini yaponning sakesiga aralashtirib ichsangu, Vladivostokning sho‘r balig‘ini gazak qilsang, tilingni hakka narida tursin, mushgir ham cho‘qiy olmaydi. Sirka deydi-ya!

JaK: — Ana, xolos. Uzr, o‘rtoq. Men seni Ach-chavotdan yozyapsan deb o‘ylabman. Vladi+Vostokda nima qilib yuribsan?

Sher: — Rizq-nasiba. Kranchiman. Konteyner tushiraman. Yuklayman. Kemalarga. 

JaK: — Ancha bo‘ldimi? Haligi... ketganingga. 

Sher: — Ikki yilu yetti oy. 11 kun, uch yarim soat. 

Jak: — Bechoragina. Kun sanab o‘tiribsanmi?

Sher: — O‘tiribmiz! Uch o‘g‘lon. 

JaK: — Qiyin ekan.

Sher: — Ish-ku pisand emas. Oyligi ham binoyigina. Sog‘inch yomon. Kecha do‘ppidekkina osh qildik. Devziradan. Ozginadan otdik. Jo‘r bo‘lib ashula ham aytdik. “Bu olamda ulug‘ zot kim desang, doim onam derman...”  Eshitganmisan?

Jak: — Hayotim ustuni sinmas,

Madadkorim onam derman.

Sher: — ...bir payt eshik qattiq taqillab qolsami. Ochsam, qo‘shni chol. Rang-quti uchgan.  Titrab-qaqshab turibdi. “Chego tak oryote?”deydi. “Ashula aytyapmiz, — dedim. — Kiring. Palov bor”. Ensasini qashlab turdi-da. Eshikni yopdi. So‘ng bir pasdan keyin bir shisha aroq ko‘tarib chiqdi. Yana oz-ozdan oldik. “Chol nima haqida ashula aytyapsizlar? Buncha mungli?” — deb so‘radi. Uchalamiz ham birdan yerga qaradik. Ko‘zlarimiz jiqqa yoshga to‘ldi. “Vatan haqida, — dedim men. — O‘zbekiston haqida!”

JaK: — Uzr, o‘rtoq! Bilmasdan... 

Sher: — Mayli. Qo‘yaver... Musofir bo‘lmasdan, musulmon bo‘lmas...  Shon bilan gurungimiz uzilib qoldi-ku. Endi Siz Amriqodan oling, Shon aka.

Shon: — Men bu yonda o‘qishdaman. Amriqoliklarga paxta ekishni o‘rgatyapman.

JaK: — Voy, tavbangdan keta-ay, Shon! Ismingga qarasam, irlandga o‘xshaysan, tilingga qarasam — o‘zbekka,...

Sher: — ...paxtangga qarasam — amriqolikka, yurtingga qarasam — yahudiyga...

JaK: — Kimsan o‘zi, Osh+Na? 

Shon: — Sabri yo‘qning — iymoni yo‘q. 

JaK: — Uh-h! Bunaqa aqlli gaplarni qaerdan olishadi, bular-a. Qancha kutaylik? Ayt-qo‘y-da: kimsan? Amri ma’rufning fursatimi hozir.

Sher: — Gap deganing Amriqoda dehqonchilik bo‘lsa kerak-da. 

Sevinch: — Yoo-om-mon maydalashdinglar-ey!

JaK: — Amriqolik mulla kamlik qiluvdi. Bunisi yaponiyalik otinoyiga o‘xshaydimi, Sher? Nikoh o‘qishni bilsang, o‘rtoq, ikkalasining boshginasini qovushtirib qo‘y. Iltimos!

Sher: — Bilmayman-da. Lekin boya aytdim-ku, xirgoyini qotiraman. “Yorima o‘xshaydi, ovozing saning!”

JaK: — Zo‘rsan-u! Konservatoriyani tugatganmisan? 

Sher: — Qaydam... 

Sevinch: — Yigitlar! Anavi video lavhani forumdan olib tashlanglar. Iltimos!

JaK:— Innankeyin-chi? 

Sevinch: — Hazrat Rumiy aytganlarki, birovning xatosini yashirishda kecha bo‘l. Gunohga botmaylik!   

Sher: — Kecha? “Gunohlardan eng og‘ir gunoh — kechasi ayolni yolg‘iz qoldirmoq”.

JaK: — Diqqat! Mamlakatimiz poytaxti Toshkentda kun endi qiyomga kelmoqda. Tungacha hali a-ancha bo-or!

Sevinch: — Bizda tong otay deb qoldi.

JaK: — Nima-a? Rostan ham hozir Japandamisiz?

Sevinch: — Yo‘q. San-Paulodaman. Soat — 04:45.

Shon: — Bizda sal ertaroq. Yana ikki soatu o‘n besh minutdan keyin madhiyamiz yangraydi.

JaK: — ...va siz “O, sa-ay” – “Qani ayt” deb o‘rningizdan turasiz...

Shon: — Adashdingiz, inim, adashdingiz! 

JaK: — Nega? A-qe-she-ing madhiyasi shunday boshlanmaydimi?

Shon: — Amerikani qo‘ying. O‘zimizning madhiyamiz: “Serquyosh, hur o‘lkam, elga baxt, najot” deb boshlanadi. Bobom hammamizning telefonimizga O‘zimizning Madhiyamizni gudok o‘rnida yozdirib qo‘ygan. Uch o‘g‘il, uch qiz, o‘n ikki nevara. Hammasiga! 

JaK: — Balli! Bobongga balli, oshna! Ey, o‘zbekning, O‘zbekistonning bobolari, bolalari! Shonning bobosidan ibrat olinglar, Shonning!

Shon: — Rahmat, JaK! Keling, do‘stlar, tanishaylik. Men –Shonazar Egamberdiev. Chiroqchilikman. 

JaK: — Voy-voy! o‘irt o‘zbekcha, qishloqcha ism ekan-ku. Qoyil, Shon!

Sher: — Qishloqcha ham emas. Qip-qizil jonqovulcha!

Shon: — Ajablanarlisi, inglizcha “Shon”ning ham, o‘zbekcha “ShoNazar”ning ham ma’nosi bir xil: Yaratganning marhamati.

JaK: — Hech ajablanarli joyi yo‘q. Sohibqiron bobomiz Ovrupaga qarab ot surganlarida lashkarlaridan birortasiga ingliz xonimlarning ko‘ngli sust ketgan bo‘lsa ketgandir-da. To‘g‘rimi, Sevinch! 

Sevinch: — Balki!.. San-Pauloda qaysi kafega kirsangiz, Umar Xayyomning ruboyilariga duch kelasiz. Devori to‘la she’r: “May ichsang, bir aqli dono bilan ich...”  Ispancha, inglizcha, frantsuzcha... 

Sher: — Yoniga o‘zbekchasini ham qo‘shib qo‘yish kerak. 

JaK: — Aslo! O‘zbek bo‘lsang, bo‘zadan ham, ko‘zadan ham qoch! Baqaloq  begimning holiga tushma. 

Shon: — Amerikada ham ko‘p bunaqa mayxonalar... Tanishmadik-ku?

JaK: — Men — Jamshid Keldiyorov.

Sher: — Men — Sherali Hamidov.

Sevinch: — Sevinch Samadova. She’r yozasizmi, Sherali?

JaK: — Braziliyaga Sizni qanday shamollar uchirdi, singiljon? Sahifangizda rasmingiz ham yo‘q ekan...

Sevinch: — O‘zbek jang san’ati. Jahon chempionati.

Sher: — Ha, ba’zan she’r mashq qilib turaman. O‘zingiz san’atshunosmisiz, Sevinch?

JaK: — Ob-bo, xudo bexabar-ey! Jang san’atiniyam bilmaydi-ya. Hazir bo‘l, Sher. Qizgina bir turtib, belingni sindirib qo‘ymasin, tag‘in!

Sevinch: — Qo‘ysangiz-a!.. Kecha oltin medal olishimizga bir bahyagina qoldi. 

Sher: — Qizg‘ana boshladilarmi, deyman, JaK aka?

JaK: — “Qilurman rashk o‘zimdan ham!..” Tabriklaymiz! Qutlaymiz, Sevinch! Kumushi ham teshib chiqmaydi. Kumushga ham yetganlar bor, yetmaganlar bor. Uyqungizning qochgani shundan ekan-da! Qaytishingizda o‘zimiz kutib olamiz!

Sevinch: — Rahmat! Lekin, oldin anavi videoni olib tashlang. Iltimos! Manglayiqora bir ichsa-ichibdi-da. 

JaK: —“Lazgi”ni harom qilgani-chi?

Sevinch: — Qo‘ysangiz-a! Ochig‘ini aytsam, o‘sha baqaloq — qarindoshimiz. Rassom. Polotnasi xalqaro ko‘rgazmada oltin medal olgan ekan. Yigirma yil jonini berib chizgan kartinasi! O‘shani “yuvgan”, manglayi qora...

JaK: — Tavba! Men biror betayin piyonistami, deb o‘ylabman. Uzr! Bu yoqda Siz kumush medalni ko‘z-ko‘z qilib turibsiz!.. Qoyil! Xo‘p, olib tashlaganim bo‘lsin!.. Faqat bir shart: Braziliyadan qaytishingizda aeroportga gul ko‘tarib chiqaman. Maylimi?

Sevinch: — Mayli-ku... Lekin, nesha etib shiqasiz! Yanimda shalim bilan kumush medal olgan nevaram bo‘ladi-ku... Gerakmeydi.

 

Jonqobil JUMA

 

So‘qirlar mashvarati

Yozning tongi. Burchmulla. Tevarak-atrofning nafis uyg‘onishi, quyoshning shafaq olayotgani, yastangan tog‘larning osmon qadar uyg‘unligi... Tabiat ayni shu pallada mo‘’jiza ko‘rsatsa, ne ajab. Burchmullada tongni bedor ottirgan kishigina ushbu mo‘’jizadan bahramand bo‘ladi. Ammo bu musaffo tongga kim, qanday nigoh tashlaydi?! 

Read more...

ADOLAT TAROZISINING SHAYINI TO‘G‘RIMI?

Falsafada shunday kategoriyalar bor: sabab va oqibat, zaruriyat va tasodif, mutlaqlik va nisbiylik... Bular zid tushunchalar bo‘lishi bilan birga, dialektik xarakterga ham ega, ya’ni biri ikkinchisini keltirib chiqaradi. Har bir oqibatning ma’lum sababi bo‘ladi yoki hech bir oqibat sababsiz bo‘lmaydi. Deylik, shikoyat yozib idorama-idora yuradigan odamni bir so‘z bilan “shikoyatchi” deymiz. Unga bu “maqom”ning berilishiga ma’lum sabablar bo‘ladi.

Read more...

Virtual “qarmoq”qa ilinib, dogda qolmang yoxud “Fullips” dardi

Yaqinda bir tanishim ijtimoiy tarmoqda reklama qilinayotgan “fullips” moslamasini sotib olmoqchi ekanini aytib qoldi. Bu matoh labni shishirib, kattalashtirar emish. Taajjub, bunday moslama unga nima uchun kerak bo‘ldi ekan, deb o‘ylab qoldim. O‘zining tabiiy husni binoyidek bo‘lsa, labni shishirishdan maqsad-muddao nima? Xo‘p, shunday qildi ham deylik, u holda sun’iy lab bilan oilasi, yaqinlari, ayniqsa, ota-onasining ko‘ziga qanday qaraydi? Uyat, or-nomus tuyg‘ulari shu taxlit yo‘qola bormaydimi? Buning ustiga sog‘lig‘iga ham salbiy ta’sir ko‘rsatishi tayin.

Read more...

Hushyor bo‘ling, yoki ayb ogohlantiruvchi belgidami?

Poytaxtimizning markaziy ko‘chalaridan birida borayotgandik. Mashina tormozining to‘satdan chiyillashi yon-atrofdagilarni hushyor torttirdi. Hamma xavotirlanib, o‘sha tomonga qaradi. Ko‘chani kesib o‘tayotgan balog‘at yoshidagi qiz yo‘lning o‘rtasida qotib turar, uning qarshisidagi mashina haydovchisining rangi oqarib, qizchani koyirdi. Shu atrofdagi ayrim yo‘lovchilar “sekinroq yursangiz bo‘lmaydimi, axir yo‘l chetida piyodalar o‘tish belgisi turibdi-ku”, deya kinoya qilishdi. “Bilaman, yo‘l belgisi o‘tish joyidan ikki metr berida o‘rnatilgan qizchaning to‘satdan yugurib chiqishini qayoqdan bilay?”, dedi u.

Read more...

Keling, kalyankashlik qilamiz! “Chatoqdan maktublar” turkumidan

Assalomu alaykum, Toshvoy! Maktubim e’tibordan chetda qolmaganiga xursand bo‘ldim. Gazetaning bir burchagida “Fuqarolardan tahririyatga kelgan xatlar doimiy e’tiborimizda...”, deb yozgan  ahdingga sodiq ekansan.

Read more...

HAYDOVCHIGA MILLIY G‘URUR KERAKMI?

Ma’lumki, haydovchi jamoat transportini boshqarib borar ekan, uning har bir xatti-harakati yo‘lovchilar nazarida bo‘ladi. Uning o‘zini tutishi, muomala madaniyati, kiyinishi, salondagi  saranjom-sarishtalik kishi ruhiyatiga ta’sir ko‘rsatadi. Binobarin,  haydovchining o‘z ona tilida emin-erkin gapira olishi juda muhim.

Read more...

Saytlar qachon jonlanadi?!

Axborot kommunikatsiya texnologiyalari taraqqiy etishi bilan hayotimizni qulayliklarga boyitish maqsadida taqdim etilayotgan tejamkor va ishonchli imkoniyatlardan biri “Elektron hukumat” tizimining joriy etilishidir. Ma’lumki, “Elektron hukumat” tizimi jahon amaliyotida o‘zining afzalliklarini namoyon etib ulgurgan. O‘zbekistonda ham keng miqyosda rivojlanib borayotgan mazkur tizim davlat hokimiyati organlari, biznes sohasi, ayniqsa, fuqarolarga turli davlat xizmatlarini ko‘rsatish bilan axborot xizmatini taqdim etadi. Bugun viloyat hokimliklari rasmiy veb-saytlari ana shu vazifani nechog‘li ado etishmoqda? Quyidagi mulohazalarimiz shu haqda.

Read more...

SEN – MENGA TEGMA, men – senga tegmayman

Vazirlar Mahkamasining yil yakunlari bo‘yicha bo‘lib o‘tgan majlisida davlatimiz rahbari har bir xonadonga kirib, kredit berish haqida tushuncha berishni taklif etgan edi. Buni qarangki, hafta o‘tar-o‘tmas bu amaliyotga joriy etilibdi. Dam olish kuni bo‘lishiga qaramasdan, uyga bankdan kredit olish bo‘yicha so‘rovnoma xati keldi. Unda 150 million so‘mgacha turli yo‘nalishda imtiyozli kredit berilishi haqida yozilgan. Hatto qishloqlarda ham bank xodimlarining ana shunday so‘rovnoma o‘tkazib yurganliklarini yaqinlarimizdan eshitib xursand bo‘ldik. Bunday imkoniyatdan ko‘pchilik foydalanish umidida yangi rejalar tuzmoqda. Agar bu yo‘nalishdagi ishlar shu zaylda davom etsa, bir-ikki yil ichida yurtimiz tadbirkorlar makoniga aylanib, tez orada rivojlangan davlatlar qatoriga qo‘shilsa, ajabmas.

Read more...

TEZ YORDAMMI... Bez yordam?!

Qadrdonim Tosh muharrir, omonmisan! Qadrdonim, desam, qadrimni oshiryapti deb o‘ylama. Bir ko‘rgan — tanish, ikki ko‘rgan bilish, deganlariday... Ishgayam olaman, debsan. Shunday paytda shirinroq gapiray dedim-da! Tag‘in tilyog‘lamalik qilyapti, deb o‘ylama!..

Read more...

Kitob o‘qib tushunmagan vazir yoxud CHATOQdan maktublar turkumidan

Assalomu alaykum, Bo‘sh muharrir do‘stim, mening shoh bitiklarimga gazetangning bir burchagidan bulbulning dumicha keladigan joy ajratibsan. Shuni ham ijaraga beramiz, deb iddao qilibsan. Bir-ikki kun chapaqay jahlim chiqib yurdi. Buning ustiga bo‘sh muharrirmasman, Tosh muharrirman, deb nimalargadir sha’ma ham qilibsan!

Read more...

CHIQINDILAR — TABIAT KUSHANDASI

Chiqindi to‘la yelim xalta ko‘targan ota-bola ortidan borar ekanman, uyining yonidagi kanalga yaqinlashganda ota farzandiga bir qarab oldi-da, qo‘lidagi chiqindini suvga uloqtirdi. Shu zahoti 7-8 yoshli o‘g‘il ham bu harakatni takrorladi.

Read more...

Chapani chapdan turganda

URUG'BOY

Kimdir chaqirib qoldi. Urug‘boy amak chiqdi. 

— Assalomalaykum.

— Vaalaykum. Keling!

— Men shu mahallaning etakrog‘ida turaman. Ismim — Zuhriddin. Bultur ikki kilo nok olgandim sizdan, bozorda. Mazza qildik. Ta’mi hali ham og‘zimizda. Shundan bir donagina novda bersangiz. Ulamoqchiman.

— Xo‘p, xo‘p, gap bo‘lishi  mumkinmas. Bir nafas kutib turasiz-da, jiyan, — dedi amak ochiq chehra bilan. So‘ng hovlisiga sho‘ng‘idi. U o‘sha nokdan nimjiliq ikki chiviq oldi-da, qaynoq suvga botirdi. Keyin tok yaprog‘iga o‘radi-da, olib chiqib berdi. Zuhriddin suyunganicha manziliga yo‘rtdi. Amak esa, uning ketidan beandisha xotinlar kabi burun jiyirdi: 

— Bunaqa nok qayda! Hiim, menda. Bozorga borishim bilan talanib ketadi, aytganimga sotaman. Bu nokdan boshqa odamda ham bo‘lsa bormi, bozorim sinadi. Narxi tushib ketadi. Buning farqiga ahmoqlargina yetmaydi. Men esam ahmoqmasman. 

 

Odam bo‘lsalar-da pastkashlar shaklan,

Mazmunan bamisli tosh tikan lagan.

 

MANGUSTA

Mangusta ovga chiqqandi, ko‘zlarida chaqnardi olov. Ro‘parasida paydo bo‘lgan Kapcha, uzunligi bir qulochcha keladigan Kapcha unga banogoh sapchib qoldi. Mangusta chap berdi, gardanidan g‘archcha tishladi. So‘ng uloqtirdi o‘zidan ancha nariga. To‘lg‘anmasin qancha, yer tishladi oxir qonga belangan Kapcha. 

To‘yingan Mangusta yotog‘iga shodon ketayotgandi, ko‘zi yo‘l yuzasida kulchalanib yotgan Ko‘lvorga tushdi. Tegindi unga, uyog‘iga o‘tib, buyog‘iga o‘tib tirnab ko‘rdi. Ko‘lvor indamadi, qimirlabgina qo‘ydi, xolos. Ma’yus tortgan Mangusta shundan keyingina, egilgan boshni qilich kesmas, deganlaridek, yo‘liga jimgina yo‘naldi. 

 

Tegmaganga tegmas, tantilar, mardlar,

Yitgay o‘z fe’lidan atvori ba’dlar.

 

ODIL BOBO VA G‘AFUR DAROZ

Odil bobo qaergadir ketayotgandi, o‘afur daroz yo‘liqib qoldi. 

Dedi u:

— It tinadi, qush tinadi, lekin senda tinim yo‘q. Yetar, yoshing ham qantar og‘ib qoldi. Bolalaring topamon, har birining tagida lochindek uchqur ulov. Oyoqni uzatib o‘tir! Poezddan kechga qolayotgan yo‘lovchidek yelish-yugurish endi senga uyat!

— O, birodari aziz, kuyunchaksan, bilaman. Lekin g‘ayrat meni yer tagiga olgan bo‘lsa, menda nima ayb? Tanim qurch, bilaklarimda kuch. Bunisi – bir. Ikkinchisi, biron ehtiyojimga picha mablag‘ kerak bo‘lib qoldi dey. O‘g‘limdan so‘radim dey. Bo‘lsa xo‘b, beradi. Bo‘lmasa-chi?! Xijolat chekadi, yo‘q deyishga til bormaydi, berarga, noiloj. Uning bu holatidan men ezilib ketmaymanmi?! Turgan gap, qattiq ezilaman, ha, shuning uchun ham o‘z aravamni o‘zim tortishga intilaman. Bolalarimga qaram bo‘lib qolishni o‘zimga ep ko‘rmayman. 

 

 G‘ururingni boshingdagi do‘ppi bil,

Do‘ppi nadur, tog‘dagi naqd cho‘qqi bil.

 

SHAYTONIY SIYMO

Bir oyoqli,  aylanma kresloda savlat to‘kib o‘tirgan To‘ra akam g‘ijinib qo‘ydilar, go‘shtdor aftga duvva ajin o‘rladi:

— Himm, xo‘sh, poraning, ixtiyoriy oluv-beruvning, ikki oradagi ko‘z ilg‘amas vositaning nimasi yomon?! Orada ikki tarafning rizoligi bo‘lsa bas-ku! Buning uchun tartarak chalish, ayyuhannos ko‘tarish shartmi?! A, mening gaplarimga ajablanib, yelka qisyapsizmi? Vo, anchagina sodda ko‘rinasiz. Sizdan ugina, bizdan bugina degan gapni eshitmaganmisiz? Bilasiz, temir uskuna zanglasa, tixirlik qiladi ishda. Moylansa bormi, shu zamonoq ravonlashadi. Ha, demishlarki, hushyor kishining oshig‘i doim olchi, oti doim yo‘rg‘a. Shivirlash singari past tovushda aytilgan gaplarim ohanglaridan betlariga tabassum yugurganlar ko‘z ochib-yumguncha bitirishar ish, chiqib ketishar so‘ng yegandek soyaki kishmish. Negaki, hushyor ular, hushyor. Ba’zilar-chi, to‘g‘rirog‘i, ba’zi amaldorlar-chi, eh, tfu, qovun tushirib qo‘yishadi-da, bay-baylab yurishadi. Men esa, ular ustidan silkinib-silkinib kulaman va deyman:

“O‘-o‘, miya qatig‘i achiganlar, echki, qo‘y u yoqda tursin, evini top, tuya yut, tuya! Lekin uning dumi ko‘rinmasin, hatto, ha! Gap ana shetta. Aslida porani yomon otliq qilganlar, qilayotganlar, shulardir. Ha, shular! La’nat shularga!!!”

 

Pora zarpechakdek, yoyilgan bir dard.

Shifodir unga mard, iymoni but mard.

 

Yamin QURBON

 

Buyuk ajdodlarimiz siymosini sog‘inganmiz

O‘zbek tarixiy filmlari deganda yodimizga nima keladi? Albatta, nari borganda “O‘tgan kunlar”, “Mehrobdan chayon” kabilarni eslaymiz. Bu filmlarni ongimizda tarixiy film deb qabul qilganmiz.

Read more...

PAQILDOQCHILAR PAYI QACHON QIRQILADI?

Do‘stlar bilan suhbatlashib borarkanmiz, to‘satdan “paq” etib nimadir yonginamizda chinakamiga portladi. Hali nima bo‘lganini to‘liq anglamasimizdan, uch-to‘rt o‘spirin qah-qah otib kulgancha o‘tib ketdi. Ularning ortidan bir qancha kishi dashnom berib qoldi. Bu holat sal nariroqda ham takrorlandi...

Read more...

SO‘ZNING SO‘ZDAN FARQI

Yillar o‘tgani sari tilimizga yangi so‘zlar kirib kelaveradi, ayrim so‘zlar esa iste’moldan chiqib qolaveradi. Shu sababli ham lug‘atimizda o‘zgarishlar bo‘ladi. Bu — tabiiy. Lekin ba’zan til xazinasida shunday hodisalar ham uchraydiki, ular ayrim shaxslarning zo‘rma-zo‘rakilik, boshqalardan ajralib turishni istashi evaziga yuzaga keladi. Afsuski, buni o‘ylab o‘tirmay o‘zlashtirib oluvchilar ham topiladi. Natijada, imloga ham, nutqqa ham, mantiqqa ham to‘g‘ri kelmaydigan “yangi” so‘zlar paydo bo‘ladi.

Read more...

Bir ILONCHA izidan

Odatda ilonlar chakalagu biyobonlarda, xarobalarda bo‘lardi. Ammo ko‘p qavatli uydan ilon chiqsa-chi? 

Kuzning iliq kunlarida Yashnobod tumanidagi ko‘p qavatli uylarning birida ana shunday holat ro‘y berdi.

Bu haqda bizga xabar qilgan Yashnobod tumani Fazogir mahallasi 48-uy 73-xonadonda yashovchi Ozoda Diyorova shunday deydi:

Read more...

MAYNA BO‘LAYOTGAN MAYNANDALAR

Qishlog‘imizda otarchilar ko‘p edi. Ularning deyarli hammasi nimani eshitsa, shuni kuylashardi. Masalan, “So‘rang” degan qo‘shiqdagi “Maysalarga zar sochib toshgan Zarafshondan so‘rang” degan satrlar “Toshkent, Zarafshondan so‘rang” deb kuylanardi. Yoki daryolar haqidagi qo‘shiqning “O‘z tilida nimalardir gapiradi” degan satrlari “Rus tilida nimalardir gapiradi”, deb kuylanishiga bir necha bor guvoh bo‘lganman. Otarchilar o‘z nomi bilan otarchi, ammo professional xonandalarimizning ham qo‘shiqlar matnlarini buzib kuylayotganiga nima deyish mumkin?!

Read more...

Befarqlik kulfat keltirmasin

Yong‘in xavfsizligi kunlari doirasida “O‘ztransgaz” aktsiyadorlik kompaniyasi ham zarur chora-tadbirlarni amalga oshirib kelmoqda.

Ma’lumki, qishning sovuq kunlarida tabiiy gazga bo‘lgan ehtiyoj har qachongidan ham yuqori bo‘ladi. Bunday paytlarda avvalo tabiiy gazdan xavfsiz va oqilona foydalanishga e’tiborni qaratish talab etiladi.

Read more...

Niqob ortidagi yovuzlik

Aholini, ayniqsa, yoshlarni turli zararli oqimlar ta’siridan asrash bo‘yicha ko‘rilayotgan chora-tadbirlar osoyishta va farovon turmushimizning muhim omili bo‘lib xizmat qilmoqda.

Read more...

  • So'ngi yangiliklar
  • Ko'p o'qilgan

Kelajak energiyasi va global iqlim ...

2017-09-20 07:30:32

BOYSUN MO‘JIZALARI

2017-09-20 07:38:36

«INTIZORLIK BILAN KUTAMIZ»

2017-09-20 07:28:18

AFSHONAGA SAFAR

2017-09-20 07:40:47

RASMIY SAYTLAR

REKLAMA

REKLAMA

 

 

 

 

 

 

Kalendar

September 2017
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

.