Adliya vaziri shunday dedi

Ma'lumki, shu yilning 12 mart kuni O'zbekiston Respub­likasi Oliy Majlis Senatining navbatdagi yalpi majlisi bo'lib o'tdi. Majlisda adliya vaziri R. Davletovning 2020 yilda huquqiy targ'ibot va ma'rifat sohasida amalga oshirilgan ishlar yuzasidan axboroti eshitildi.

Jumladan, u quyidagilarni ayt­di:

1 Gb mobil internet (o'zimizning pulga hisob­laganda. Tah.) Hindistonda 950 so'm, Isroil – 1200 so'm, Qirg'izis­ton – 2200 so'm, Italiya – 4500 so'm, Ukraina – 4900 so'm, Qozog'iston – 4900-5000 so'm bo'lsa, O'zbekistonda (54-o'rin) 16 000 so'mni tashkil qiladi;

* * *

2016 – 2019 yillar oralig'ida Respublikamizda chop etilgan kitob va broshyuralar birligi qariyb 600 taga, adadi esa 7 mln. nusxaga kamaygan, gazeta va jurnallarning yillik tiraji shu muddatda qariyb 2 baravarga qisqargan. Bu holat sohaning rentabelligi pasayishiga va asta-sekin so'nib borishiga olib keladi;

* * *

So'nggi to'rt yilda “O'zbekiston pochtasi” AJ tomonidan matbuot tarqatish hajmi 3 barobarga kamayib, uning matbuot tarqatishdagi ulushi 13 foizni tashkil etmoqda. Pochta aloqasi yetkazib berish uchastkalari soni esa 4800 tadan 3571 taga, qishloq joylarda 2893 tadan 2062 taga kamaygan;

bosma, elektron gazeta va jurnallarni, kitob­larni aholining iste'mol savatchasi tarkibiga kiritish masalasini ko'rib chiqish lozim;

* * *

2020 yil davomida is gazidan zaharlanish bilan bog'liq jami 52 ta holat sodir bo'ldi: 39 nafar fuqaro jabrlangan, 61 kishi vafot etgan. Aholi orasida tushuntirish ishlari (etarlicha. Tahr.) olib borilganida bunday achinarli holatlar kamaygan bo'lardi.

Adliya vazirligining “Minjust.uz” saytidan olindi.