OQSOQOL VA UNING MASLAHATCHILARINI SAYLASHDA FUQAROLAR HUQUQI

Tarixdan ma’lumki, yurtimizda jamoa bo‘lib yashashning sinalgan shakli mahalladir. Mahallada istiqomat qiluvchi odamlar faqat qo‘ni-qo‘shnichilik rishtalari bilangina emas, balki ichki tartib-qoida, ma’naviy-axloqiy normalar, urf-odatlar, an’analar, umumiy manfaatlar va majburiyatlar bilan ham bog‘liqdirlar. 

Read more...

ELEKTR TA’MINOTI: EHTIYOJ VA IMKONIYATLAR

Bugungi zamon kishisi hech bir ehtiyojidan cheklanishni istamaydi. Hozirgidek texnika taraqqiyotiga erishilgan, globallashgan davr esa ehtiyoj va talabni oshirgani-oshirgan. Mana, masalan, turmushimizning biror daqiqasini elektr energiyasiz tasavvur etib bo‘lmaydi. Har qancha rivojlangan bo‘lmasin, texnologiyalar busiz deyarli keraksiz matohga aylanib qoladi. Lekin shahar sharoitida ayrim hollarda, qishloqlarda esa tez-tez elektr tarmog‘idan uzilishlar bo‘lib turishi yaxshi ma’lum. Xo‘sh, bunga sabab nima? Elektr ta’minotidagi bunday uzilishlarni bartaraf etish uchun soha mutasaddilari tomonidan qanday tadbirlar belgilangan? Bu savollar ayni paytda hammani qiziqtiradi. Ularga javob olish maqsadida “O‘zbekenergo” aktsiyadorlik jamiyati axborot xizmatiga quyidagi savollar bilan murojaat qildik.

Read more...

MEHR VA G‘AMXO‘RLIK IFODASI

yosh oilalar mustahkamligi yo‘lida

Konstitutsiyamizning 63-moddasida “Oila jamiyatning asosiy bo‘g‘inidir hamda jamiyat va davlat muhofazasida bo‘lish huquqiga ega” deya qayd etilgan. Binobarin, o‘tgan yillar mobaynida mamlakatimizda yosh oilalarni har jihatdan qo‘llab-quvvatlash davlatimiz siyosatining ustuvor yo‘nalishlaridan biriga aylandi.

Read more...

BOG‘DORCHILIKNING BIZ BILMAGAN SIRLARI

Yurtimizda bog‘u-rog‘lar, uzumzorlar ko‘p. Bog‘larimizning sarxil, shirindan-shakar mevalari esa dunyoga mashhur. Buning sababi, mamlakatimizda yetishtirilgan meva-sabzavotlarning bebaho xususiyatlari, ya’ni tarkibida salomatlik uchun g‘oyat foydali mikroelementlar, turli biologik moddalarning borligidir. 

Read more...

TAFAKKUR VA TABIATDAGI UYG‘ONISH UYG‘UNLIGI

Ko‘klam... Safar qarib, janub quyoshining taftli nurlaridan bahramand bo‘layotgan Qashqadaryodan poytaxtga qaytdim. Tabiatning behisob ro‘shnoligidan dashtu dalalarga, qir-adirlarga jon kirgan. Yo‘l bo‘yi ko‘m-ko‘k maysalar, qiyg‘os gullagan dov-daraxtlarga boqib zavqlanaman. Tabiatda ajib bir uyg‘onish oni...

Read more...

VATAN BU – ONA DEMAK

Men asli Navoiy viloyati Qiziltepa tumanida tug‘ilganman. Ammo taqdirning izmi bilan Buxoro shahridagi yuridik kollejida tahsil oldim. Kollejni tamomlab, ishga kirgan kezlarim edi. Bir tumandosh kursdoshimning nikoh to‘yi bo‘ladigan, xabarchilikka, qishloqchasiga aytganda, to‘y «kayvoni»ligiga saylandim. Shahardan tashqariga chiqib ko‘rmagan bir o‘rtog‘imni o‘sha to‘yga aytsam, «To‘y qaerda bo‘ladi?» deb qoldi.

Read more...

SAODAT DOVONI

Buvijon, yaqinda bizlar ham poezdda Toshkentga, undan «Afrosiyob» da Samarqandu Qarshi, Buxoro kabi shaharlarga sayohatga chiqamiz-a? Dovon yo‘li bitsa, olib borib tomosha qildiraman, — deb va’da qilgandingiz.

Read more...

YOSH AVLOD SALOMATLIGINI TA’MINLASHNING MUHIM OMILI

Mamlakatimizda yosh avlodni har tomonlama sog‘lom va barkamol qilib tarbiyalash borasida keng ko‘lamli sa’y-harakatlar amalga oshirilmoqda. Yoshlarning sport bilan muntazam shug‘ullanishlari uchun yaratilgan barcha shart-sharoitlar o‘zining ijobiy samaralarini berayapti. 

Read more...

UCH XONADON, UCH MANZARA

Uni hamma taniydi. Hatto ko‘pgina xorijiy mamlakatlarda asarlari tarjimasini qiziqib o‘qishadi. Ekran orqali ko‘rganda, yig‘ilishlarda so‘zga chiqqanida odamlar uning ana shu obro‘-e’tiboriga yarashiqligidan yayrashardi, havas qilishardi.

Uning uyiga bordim. Ko‘p qavatli binoning oddiy kvartirasi. Ostonadan o‘tib, atrofga razm solaman. Ozoda, orasta. Kiyim ilgichu oyoq kiyim qo‘yadigan jihozlar ham juda oddiy. Lekin o‘z o‘rniga qo‘yilgan. Menga avval u kishining rafiqalari, keyin o‘zlari peshvoz chiqishdi. Ularning samimiy iltifot va takalluflaridan xijolatda edim. Ichkarida boshqa katta-kichik mehmonlar ham bor ekan. Lekin mezbon hammamizga birdek muomala qilar, dilxush mehmonnavozlikni o‘rniga qo‘yardi. Shu dam shiringina bolakay (nabirasi bo‘lsa kerak) buvasiga nimanidir shivirlab ketdi. Bir piyola choy ustida yana atrofga qarayman. Bu yerdagi jihozlar ham, uning ichidagi idishlar ham boshqa yuzlab xonadonlardagi kabi oddiy, lekin juda saranjom edi. Xonada birorta ortiqcha buyum ko‘zga tashlanmaydi. Qandildan tortib darpardagacha hammasi el qatori. Stol atrofidagi muomala, munosabat esa juda samimiy, dilga xush yoqadi. Shu bois xonadondagi hamma narsa: eski jihozlar ham, oddiy shisha qandil ham, yuvilaverganidan rangi uniqqan darparda ham, hammasi go‘zal ko‘rinadi.

Biroz suhbatdan so‘ng kitob bahonasida qo‘shni xonaga kirdik. Bu yerda ham ikki yumshoq o‘rindiqni hisobga olmaganda ortiqcha hech narsa yo‘q. Faqat kitoblar. Javonlarga tartib bilan, chiroyli qilib terilgani uchun xonada o‘ziga xos fayz hukmron. Ularga nazar tashlaymiz. Jahon klassiklariyu shu kunlarda o‘zbek adabiyotiga dadil kirib kelayotgan yosh yozuvchilarning ilk to‘plamlarigacha bor. Qizig‘i shundaki, qahramonimiz zarur kitoblarni hech qiynalmasdan tez topardi. Gap orasida u yoki bu kitobning mohiyatini gapirib o‘tardi. Bu allomaning necha mingdan ortiq kitoblarni deyarli o‘qib o‘rganganidan, ma’naviy barkamolligi shu kitoblar tufayli ekanligidan dalolat berardi. Faqat asarlarning o‘zigina emas, mualliflari haqida ham yo‘lakay fikr aytib o‘tardi. Xoh badiiy, xoh iqtisodiy, xoh siyosiy kitob bo‘lsin, qay biri oldida to‘xtasangiz, shu zahoti qisqa va tushunarli qilib gapirib berardi. Biz zarur kitoblarni olib, xonadan chiqdik. Stol atrofida yana bir piyoladan choy ichildi. Avval oldinroq kelgan mehmonlar ketishga taraddudlanishdi. Shu payt allomaning yana bir ibratomuz fazilatlariga qoyil qoldik. U kishi ham, rafiqalari ham mehmon o‘zlaridan qariyb ikki-uch barobar yosh bo‘lishidan, oddiy xizmat yumushi bilan kelganidan qat’i nazar, chiqib kuzatib qo‘yishardi. Keyin suhbatni davom ettirdik. Yana qo‘ng‘iroq chalindi. Mezbon uzr so‘rab, o‘zlari borib mehmonni iltifot bilan kutib oldilar. Dastxatlarini olib men ham ketishga taraddudlandim. Alloma hozir kelgan kishiga o‘tirib turing, ishorasini qilib, kuzatishga turdilar. Shunda: "O‘tiravering, ovora bo‘lmang, uyingizda keldi-ketdi ko‘p ekan, hammalarini kutib olib, yana birma-bir kuzatib qo‘ysangiz, charchab qolasiz", desam, kuldilar.

— Ie, qizim, odam bor joyga odam keladi. Bundan sira charchamayman. Aksincha, zavqlanaman. Uyimizga ikki kun odam kelmay qolsa, o‘zimizni qo‘yarga joy topolmay qolamiz, — dedilar eshikkacha kuzatib. Tashqariga chiqar ekanman, shuncha mulozamat, iltifot, samimiyat, kitobga mehr, ma’naviy boylik anchagacha ko‘z oldimdan ketmadi. Kitobning kuch-qudratiga yana tahsinlar aytib, yo‘lda davom etdim.

Borishim zarur bo‘lgan ikkinchi xonadon egalari bilan ham ko‘pdan tanishman. Ish yuzasidan bir necha marta muloqotda bo‘lganman. Muomalali, madaniyatli ziyolilardan. Lekin xonadonlarida birinchi bo‘lishim. Eshikni ochgan o‘n to‘rt-o‘n besh yoshlardagi qiz tanimadi chog‘i, "Sizga kim kerak?" degandek tikilib turardi. Men unga ish bilan kelganimni aytgach, ichkaridan onasini chaqirdi. U hamon eshikni yarim ochgan holda ro‘paramda, men esa ostonada, tashqarida turardim.

— Ha, kim ekan? — onasining erinibgina aytgan so‘zlari yaqqol eshitildi. So‘ng ko‘rib:

— Voy, bu yoqqa kiring desang bo‘lmaydimi, — deb qizini koyigan bo‘ldi. Keyin menga qarab, "Tanimagan-da, bola narsa, qani, kiring ichkariga, marhamat", — deya iltifot ko‘rsatdi.

Ichkariga kirdim. Atrof juda qimmatbaho jihozlarga to‘la bo‘lgani uchun hammayoq yarqirab turardi. Mehmonxonaga kirdik. Hammayoq orasta, baland jihozlar ichidagi turli servizlar o‘rnida bezatilgan. Xonadon bekasi qiziga choy keltirishni buyurdi. Shoshib turganimni aytdim. Bir necha kun avval kitob izlayotganimni aytganimda, bizda bor, deganini eslatdim.

— Hozir-hozir, — deb ichkari uyga kirib ketdi. Oradan ancha vaqt o‘tgach: — Kelib o‘zingiz qarang-chi, topolmayapman, — deb chaqirdi. Kirishga majbur bo‘ldim. U oynavand kitob javonlari oldida turardi.

— Voy, bo‘-o‘. Bu kitoblarni qachon yig‘ib ulgurgansiz?

— Hali bu hammasi emas. Ko‘rayapsiz-ku, sig‘magan. Qanchasi, ana pastda turibdi. Yaqinda narigi xonaga ham jovon olamiz. Yaxshisi, yo‘q, importniysini kutayapmiz.

Men izlagan kitobni qidirib javonga yaqinlashdim. Endi qo‘limni uzatib, olmoqchi bo‘lgandim:

— Voy, aylanay, ularga tegmang. Bu javonlarga umuman qo‘l tekkizmaymiz. Amakingiz urishadilar. To‘g‘ri-da, ushlansa, dog‘ bo‘lib qoladi, — dedi. — Anavi yerdagilarning orasini qarang-chi.

Kitoblar javonlarga, rangiga qarab tartib bilan terilgan. Shuning uchun turfa mavzulardagi kitoblar aralash. Izlagan narsani topish amrimahol edi. Anchadan beri ochilmagani ko‘rinib turibdi.

— Alfavit bo‘yicha joylashtirilganda topish oson bo‘lardi, avtorlari bo‘yicha.

— Avtorlarini kim bilibdi, deysiz. Amakingiz qaerda chiroyli muqovali kitob ko‘rsalar, olib keladilar. To‘plab-to‘plab, mana bir uy qildik.

— Kim ko‘proq o‘qiydi bularni?

— Voy, shuncha kitobni o‘qib bo‘ladimi? O‘qiladiganlarining bir nechtasini amakingiz ajratib qo‘yganlar. Bularga tegmaymiz. Menda vaqt yo‘q, o‘zingiz bilasiz. Hammasi noyob kitoblar. Qo‘l ko‘p tegsa, dog‘ bo‘lmasin deymiz-da. Bir kun kerak bo‘lar. Hozir kitob ham boylik bo‘lib qoldi.

Xullas, izlagan kitobimiz topilmadi. Ketishga shaylandim. Shu payt boyagi qiz onasiga "choy olib kelaymi" deb ma’noli qarab tikilib turgandi.

-— Yo‘q, choyni qo‘yaqol. Shoshib turgan ekanlar. Keyin, bafurja kelganlarida mehmon bo‘ladilar, — dedi onasi.

Men tashqariga chiqdim. "Kitob ham boylik" degan gap qulog‘im ostida jaranglaydi. Yo‘lda ketarkanman, kitob faqat o‘qilsagina katta boylik, ma’naviy boylik, degim kelardi.

Uchinchi xonadon sohiblari ham harqalay yarim shaharga taniqli. So‘rab borsangiz, "ikki qavatli uchastkaning egasimi yoki ikkita mashinasi borlarmi?" deyishadi. Chindan ham, bu atrofda uning dang‘illama imorati oldiga tushadigani yo‘q ekan. Eshik qo‘ng‘irog‘ini bosdim. Ichkaridan:

— Kiravering, eshik ochiq, — degan ovoz keldi.

— Mumkinmi? — deb ichkariladim. Gulzor o‘rtasida shiyponda o‘rta yashar ayol, kim kerak, degandek hayratomuz tikilib o‘tirardi. Yaxshi hamki, ichkaridan dugonam — kelini chiqib qoldi. To‘yiga kelolmagandim.

— Eh-he, bu nima, yur, men senga ichkarini ko‘rsatay, — dedi mening atrofga qarayotganimni sezgan dugonam. Xonama-xona yura boshladik.

— Mana bu Ruminiya xonamiz, — dedi u. Shu zayl har bir xona o‘ziga hos jihozlangan. Aytaylik, bir xonada Ruminiya jihozlari bo‘lsa, darpardalaridan tortib, yerga to‘shalgan gilamgacha shu mamlakatniki. Ikkinchi xonada Olmoniyaga mansub bo‘lgan jihoz, darparda, devordagi suratlar kishini zavqlantiradi. Hatto eshik oldidagi yumshoq shippaklar ham o‘sha davlatnikiga tegishli. Xonalarni aylangunimizcha ancha vaqt o‘tdi.

— Kitoblarni ko‘rsatmading-ku. Ish kabinetlaring qaerda?

— O‘zim ham avvaliga hayron bo‘ldim. Bu xonadonda umuman kitob o‘qishmaydi. Ishonasanmi? Shuning uchunmikin, dunyoqarashlariga umuman ko‘nikolmayapman.

Dugonam hasratga o‘tdi. Bu xonadonda hamma narsa pul va boylik bilan o‘lchanishi, samimiyat, insoniylik, mehmondo‘stlik ikkinchi o‘rinda turishini gapirdi. Yaqinda o‘z stipendiyasidan ikkita kitob sotib olgani uchun qaynotasi rosa janjal qilganini aytib, ko‘ziga yosh oldi. Lekin erini yaxshi ko‘rib qolgani, xonadondagi bu voqealardan bexabarligidan koyindi. Keyin yelpinib o‘tirgan qaynonasi tomonga qarab ko‘zlarini jovdiratib nimanidir so‘ramoqchi edi. Darrov tushundim.

— Yo‘q, dugonajon, ovora bo‘lib dasturxon yozma. Shoshib turibman. O‘qishga bormaganing uchun sog‘lig‘ingni so‘rab kelgan edim.

Men ana shunday keng hovlida havo yetishmayotgandek xayrlashib tashqariga shoshildim. Ko‘chaga chiqib yengil nafas oldim. Lekin qulog‘imda "kiravering, eshik ochiq" degan so‘zu, ko‘z oldimda dugonamning iltijo bilan javdirab qarashi turardi.

Muqaddas ABDUSAMATOVA

ULUG‘LIKKA MUNOSIB AYOL

Ayolning qudrati — uning mavjudligida. U hamma yerda bor va har bir zarrada aks etadi. U quyosh yanglig‘ mehr nurlarini atrofga sochganda borliq yasharib, yashnab ketadi. Latif va zarif hislarini qalbiga sig‘dirolmay xayol surganida olam tin oladi.

“Qisasi Rabg‘uziy” asarida keltirilishicha, Odam tuproqdan yaratilib, unga ruh berilib Yaratganning do‘sti, habibi deya butun olamga ovoza qilinibdi. So‘ngra afsonaviy Buroq otiga mindirilib, 18 ming olam sayr qildirilibdi. Qancha-qancha mo‘’jizalaru tilsimotlar ko‘rsatilganda ham Odamni zerikish tark etmabdi. Shunda uni uyqu holiga solib, chap qovurg‘asidan Ayol yaratilibdi. Dunyodagi jamiki yaratilmishlar unga o‘zlaridagi eng yaxshi jihatlarni tuhfa aylabdilar. Masalan, sabo o‘zining mayinligini uning sochlariga taqdim etsa, tun o‘zining qora rangini uning qosh-kipriklariga ulashibdi, ufq o‘zining qizg‘ish ranglari bilan uning yonoqlarini bezatibdi. Quyosh o‘zining taftini uning yuragiga jo aylabdi. Uni Havvo deya nomlabdilar.

Read more...

BAXMALNING DILKUSHO, JONFIZOOLMALARI

O‘ylab qolasan kishi, bo‘yqizlarning yuzini olmalarga mengzashlarida asos bormikan? Ularning sershiraligini asal qandga o‘xshatishlarida-chi? Yoki bo‘lmasa, hazrat Alisher Navoiyning “Olmani sundi nigorim...” deb boshlanuvchi tuyuqlarining yaratilishi-chi? Muqimiy bobomizning “Sayohatnoma”sida mevazorlarning jannat bog‘lari bilan tenglashtirilishi-chi? Bunaqa tashbehlarni sanayversak, vaqt degan tushunchaga sig‘armikan?.. Shular haqida o‘ylarkanman, avvalo, buni yaratgan bog‘bonlarga bosh egaman!

Gap — gap, lekin hayot daraxti yashaydi, deydi donolar. Ziroatchilikning noyob turlari dasturxonimizni bezaguncha, ular o‘zlarida qanchadan-qancha tarixlarni boshdan kechirganlar. Shoh va shoir bobomiz Mirzo Boburning asarlarini o‘qisangiz ul zoti muborak Vatan sog‘inchini mevalar orqali izhor etganini sezasiz. Bu bejiz emas, yetilgan mahsulot o‘sha joyning tuprog‘ini, havosini, suvini, quyoshini namoyon etadi. Shuning uchun shoir Vatanining “qovuni birla uzumining hajrida” ko‘z yosh to‘kadi. Bizni shu zaminni ko‘z qorachig‘iday asrashga chaqiradi...

Shular haqida yozyapman-u, ko‘z o‘ngimda baxmal olmalari jonlandi...

Gap shundaki, jannatmonand yurtimizning bu navli olmalarini keyingi olma pishig‘iga qadar saqlash mumkin. Og‘izda bolday erishi, ekologik toza, turli vitaminlarga boyligini aytmaysizmi! Endi ularni yangi navlar bilan boyitishimiz kerak.

Mamlakatimiz rahbarining 2013 yil 13 martidagi respublikada uzumchilik va bog‘dorchilikni yanada rivojlantirish dasturi to‘g‘risidagi qarori baxmalliklarga qo‘llanma bo‘layapti. Ixtisoslashgan fermer xo‘jaliklari va shu sohaga aloqador tashkilotlar tashkil etilib, keng ko‘lamda ishlar olib borilmoqda. Ilg‘or texnologik tajribalar, ekinlarni tomchilatib sug‘orish o‘z samarasini bermoqda. Bu borada intensiv, tez hosilga kiruvchi mevali daraxtlar ekilishiga alohida e’tibor qaratilayapti.

— Intensiv bog‘lar bizning tog‘oldi zonalarimizga juda mos kelayapti, — deyishdi bog‘bonlar. —Ularni o‘g‘itlash, kesish, sug‘orish shakl berish va mevasini terib olish qulay. Baxmal sharoiti juda mo‘’tadil, quyosh nuri yaxshi tushadi. Barvaqt ekilgan daraxtlar mevaga kirdi...

 

Tumanda intensiv bog‘lar yil sayin kengaymoqda. Ular xalqimiz dasturxonining yanada to‘kin bo‘lishiga xizmat qiladi. Intensiv bog‘larning hosildorligi yuqori, mevalarining sifati yaxshi ekanligini baxmalliklar kun sayin sezishayapti. Ularni saqlash, yilning hamma faslida shaharliklar dasturxoniga yetkazib berish uchun sovutkich qurilmasi ishlab turibdi.

Bugungi kunda bozorlarimizni obod qilib turgan sarxil mevalarni ko‘rib quvonasiz. Hozirgina uzilganday... Ularni tanovul qilsangiz, tanangiz yayraydi, bilagingizga kuch yuguradi. Shunday paytlarda mevalarimizning ramzga aylanib ketayotgani bejiz emasligini o‘ylaysiz... Dashnobod anori, Forish uzumi, Uchqora mayizi, Mirzacho‘l qirqmasi... Bularning birinchilari qatori Baxmal olmasi... Nomi reklamalardan tushmayotgan Baxmal olmasining ertasi yanada porloq ekanini his qilsa bo‘ladi. Shunisi e’tiborliki, yangidan qilayotgan mevali daraxtlarning hammasi iqlim sharoitiga mos, jahonning turli burchaklaridan keltirilib tayyorlangan ko‘chatlar hisobiga ko‘paymoqda. Ularning ekilganlari qat’iy agrotexnika asosida parvarish qilinmoqda. Ekiladiganlari uchun maydonlar talab darajasida tayyorlanmoqda. Tumanda hozir 4,5 ming gektar bog‘ va tok maydonlarida dehqonchilik qilinib, yuqori hosil olinayotgani bu sohaning naqadar ravnaq topayotganini ko‘rsatib turibdi. Tumandagi Oyqor qishlog‘ida agrofirma tashkil etildi. U 8 gektar maydonga pakana bo‘yli olma ko‘chatlari ekib yil sayin hosildorlikni oshirib bormoqda. Baxmallik tadbirkor fermerlar faqat olma emas, mevaning boshqa turlarini ham yetishtirib dasturxonimizni serob qilishga astoydil kirishganlar.

Biz Baxmal tumanidagi qishloqlarda bo‘lganimizda olma yetishtirish har bir xonadon uchun katta faxr va iftixor tuyg‘ulari bilan oshufta ekanini yaqqol sezdik. “Sangzor” xo‘jaligining Qora qishlog‘ida yashovchi Juman ota Nurimovni bunga misol qilsa bo‘ladi. Butun umrini bog‘dorchilikni rivojlantirishga baxshida etgan otaxon o‘g‘li Kamoljonga dehqon fermer xo‘jaligini topshirib qarilik gashtini surayapti. Yo‘q, yillar davomida orttirilgan boy tajribasini yoshlarga o‘rgatib, bog‘bonlar safini kengaytirayapti. O‘tgan yili fermerlar 20 gektar maydonda yuqori hosil yetishtirib, shartnoma talablarini muvaffaqiyatli bajardilar. Ayni damlarda erishilgan yutuqlarni mustahkamlash uchun bahorgi ishlarni qizitib yuborgan.

— Fermer xo‘jaligida o‘ndan oshiqroq olma navlari yetishtiriladi, — deydi Kamoljon Nurimov. — Biz pakana, tez hosil beradigan, intensiv navlar bilan bir qatorda erta yetishtiriladigan xo‘raki navlarni ham ko‘paytirayapmiz. Xabaringiz bor, bir paytlar may oyining oxirlarida yetiladigan janoqi navli olmalarimiz ko‘p bo‘lar edi. Keyingi yillarda ana shu navlarni yetishtirishga e’tibor berayapmiz. Olimlar va mutaxassislar bilan aloqa bog‘lab unutilayotgan navlarni ko‘paytirishga harakat qilayapmiz.

Muzbuloq qishlog‘ida bo‘lganimizda oqsoqol Sulton Esonov olmazor barpo etib, uning nomini “Do‘stlik” deb ataganini eshitib xursand bo‘ldik. Farzandi Iskandar fermer xo‘jaligiga rahbarlik qiladilar. Bu bog‘da yetishtirilgan mevalar o‘zining uzoq saqlanishi, shaharliklar dasturxonini qishin-yozin mevalar bilan serob qilishini aytganida, Yurtboshimizning bozorlarni bezayotgan mevalar haqida gapirgan so‘zlarini esladik. Ha, bog‘bonlarning mehnati samarasini ko‘rish uchun faqat bog‘larga emas, bozorlarga ham borishimiz kerak. Odamlarning qanday yashayotganini bilmoqchi bo‘lsang, bozorga bor, deb bekorga aytilmagan...

— Dunyo dehqonlari olma yetishtirishni bizdan o‘rgansin, — deydi qishloq fuqarosi, olim Safarali Rustamov. Ularda Oyqortog‘ning buloqlaridan oqib kelayotgan malhamlarni olish mumkin. Toza ekologiyaning rangini shu mevalarda ko‘rsa bo‘ladi.

To‘g‘ri aytdingiz Safarali aka! Tabiat – tabiat, lekin dehqonlarimizning ham xizmatini unutmasligimiz kerak. Ular bugun bahorning saxovatidan foydalanib yurtdoshlarimiz dasturxoniga munosib noz ne’matlar hozirlashayapti. Vatanga bo‘lgan muhabbatini mehnatlari bilan izhor etish niyatidalar.

 

Pardaboy TOJIBOYEV

OLAM GULLARGA TO‘LSIN

Toshkent viloyati O‘rta Chirchiq tumandagi "Oq ota" qishloq fuqarolar yig‘ini "Mustaqillik" mahallasida istiqomat qiluvchi Tohir ota va Matluba ayalar oilasiga kattayu kichikning havasi keladi. Chunki bu ibratli oilada totuvlik, hamjihatlik, eng muhimi, mehnatsevarlik mujassamdir.

Halol mehnat esa, shubhasiz, insonni oliy baxt va saodatga yetaklaydi.

Oila sohibi Tohir Abdurahmonov qariyb 44 yil temir yo‘l sohasida ishlab, e’zoz va e’tibor topgan mehnat faxriysidir. Shunday oilada tarbiyalanib, kamol topgan Qahramon Abdurahmonov otasidagi mehnatsevarlik, onasidagi kamtarinlikni hayoti mobaynida qo‘llab, kam bo‘lmayotir.

Tomorqasidagi maydonda gul ko‘chatlari, shuningdek, pomidor, turli karam, baqlajon, bulg‘or qalampiri va boshqa bir necha xil servitamin mahsulotlar ko‘chatlari yetishtirib, olingan mo‘maygina daromadlarni yaxshi kunlariga ishlatmoqdalar. Hozirda Gollandiyadan keltirilgan ushbu urug‘lardan yetishtirilgan 15 mingdan ziyod va 20 turdan ortiq ko‘chatlar baravj rivojlanmoqda. Ayniqsa, gullarning petunya, shafran, verbinya, katarangus, salviya va boshqa bir necha turlari juda xaridorgirdir. Yetishtirilayotgan ko‘chatlar esa Toshkent shahrining va Toshkent viloyatining tumanlari, xususan, tumanimizning barcha hududlariga bir necha yillardan buyon yetkazib berilmoqda.

Gulchilar xonadoniga kirib borar ekanmiz, saranjom-sarishtalik, tozalik va ozodalikdan bahri dilimiz ochildi. Chunki rango-rang, turfa gullar ochilib, fayzli hovliga yanada ko‘rk bag‘ishlardi.

Oilaning fayzu farishtalari bo‘lgan otaxon, onaxonlar esa izzatu ehtiromlarda shunday saodatli kunlar, e’zozli onlar, guldek chiroyli shodiyonalar uchun Yaratganga beadad shukronalar keltirib, qutlug‘ duolarga qo‘l ochardilar.

Shunday piru-badavlat, fayzu farishtali, qutu barokatli, baxtli va saodatli oilalarga havas qilmay bo‘ladimi?

— 45 yildan buyon gulchilik bilan shug‘ullanib kelayotgan Abdurahmonovlar xonadoni hududimizdagi eng ibratli oilalardan sanaladi. Tomorqachilik bilan shug‘ullanayotgan bu kabi oilalar esa hududimizda ko‘plab topiladi, — deydi qishloq fuqarolar yig‘ini raisi Bahriddin Karimov biz bilan bo‘lgan suhbat chog‘ida.

Ha, azizlar, "mehnatdan kelsa boylik, turmush bo‘lar chiroylik", deydilar.

Mehr, oqibatli, oliy ma’lumotli, turli kasb egalari bo‘lgan 4 nafar farzand, qo‘li gul shifokor kelinlar, 8 nafar nevaralar ardog‘ida baxtli keksalik zavqini surayotgan ushbu gulchilar oilasi sohibu sohibalarining qo‘llarida gul, yuzlarida nur, qalblarida esa bahoriy surur jo‘sh urmoqda.

Zero, gullar iforli, yashash totli, hayot esa gullar kabi go‘zaldir.

 

Ravshan MIRZAQULOV

AYOLGA BAXT BERGAN MAMLAKAT

Bugun mamlakatimizda ayollarning jamiyatda tutgan o‘rni va haq-huquqlari haqida faxr va iftixor bilan juda ko‘p misollarga, fakt va dalillarga tayangan holda uzoq gapirish mumkin. Darhaqiqat, mustaqillikka erishgan ilk yillarimizdanoq, xotin-qizlarga bo‘lgan yuksak darajadagi e’tibor va e’tirof davlat siyosati darjasiga olib chiqilgani endilikda o‘zining yuqori samaralarini ko‘rsatmoqda. Biz mamlakatimiz taraqqiyotini, jamiyatimiz rivojini ayollarsiz, ularning faol ishtirokisiz tasavvur eta olmaymiz. Shu bois yurtimizda ayol huquqi, erkinligi, tengligi eng oliy, muqaddas qadriyat darajasiga ko‘tarildi.

Read more...

ENG ULUG‘ DA’VAT

Inson vaqt o‘tgan sayin ayrim uzoq va yaqin xorijda yuz berayotgan voqialarni kuzatar ekan, dunyoning ishlariga nisbatan sinchkov bo‘lib qoladi. Bunday kuzatuvlar har birimizni kunda, kerak bo‘lsa, har soat, har daqiqada ogoh bo‘lib yashashga undaydi. Buni ayniqsa, tinchlikni eng muqaddas va totli tuyg‘u deb biladigan odam yaxshi biladi.

Read more...

SHOVOTNING CHINAKAM PURFAYZLIGI DAVRI

1

Obod va fayziyob Shovot kanali bo‘ylab qadam tashlab, tonglarning barakoti hamda shafoatini jonu dilingizda, butun jismingizda his etasiz. Shu aziz Vatan, undagi tinchlik va osoyishtalik, ahilligu og‘zibirlik baxsh etgani uchun yaratganning o‘ziga shukronalar aytasiz. Kelgusi obodlik, farovonlik kunlarini tasavvur etib, orzu umidlar ulg‘ayadi, ishonch komillik kasb etadi, ko‘nglingizda.

Read more...

TUB TARKIBIY O‘ZGARISHLAR

Mustaqil mamlakatimizning barcha hududlarida bo‘lgani kabi Ellikqal’a tumanida ham sanoatni diversifikatsiya qilish, agrar sho‘’bada bozor munosabatlarini takomillashtirish, iqtisodiyotda kichik biznes va xususiy mulk ulushini oshirishga keng yo‘l ochmoqda.

Read more...

QIZLAR TARBIYASI

Oilada qiz farzandning dunyoga kelishining o‘ziyoq ota-onani nozikta’blikka, muloyimlikka unday boshlaydi. Ma’naviyatli, iboli-hayoli, irodali, saranjom-sarishta bo‘lish qizi uchun eng kerakli fazilatlar ekanini anglagan ota-onaning o‘zi bu borada o‘rnak bo‘lishga intilgan.

Read more...

O‘QIYDIGAN ZAMON KELDI...

Mehmon deganlari o‘zbekning xonadoniga xohlagan paytda kelaveradi. Ish mahali... Qo‘l telefonim jiringladi, ko‘tarsam, katta amakimning ovozi: “Hoy, jiyan, men Toshkentdaman. “Ippodrom” degan joyda turibman. Meni olib ketasanmi?”

Read more...

IZLAGAN IMKON TOPMOQDA


Milliy matbuot markazida O‘zbekiston Respublikasi Mehnat va aholini ijtimoiy muhofaza qilish vazirligi tomonidan  “Mehnat va aholini ijtimoiy  muhofaza qilish, ish bilan ta’minlash va mehnat muhofazasi borasida amalga oshirilgan ishlar” mavzuida matbuot anjumani o‘tkazildi. Unda vazirlik va uning hududiy bo‘limlari tomonidan 2015 yilda amalga oshirilgan ishlar muhokama qilinib, 2016 yilgi rejalar xususida so‘z bordi.

Read more...

TINCHLIK BOR JOYDA BARAKA BO‘LADI

Bir kun janjal bo‘lgan uydan qirq kun baraka ketadi, degan hikmat bor. Bugun dunyoning ayrim mamlakatlarida saqlanib qolayotgan murakkab siyosiy va ijtimoiy vaziyatga nigoh tashlaganda, yuqoridagi hikmatning bejiz aytilmaganini anglaysiz. Afg‘oniston, Yaqin Sharq va Afrika davlatlaridagi notinchlik va qurolli to‘qnashuvlar bizni doimo ogohlikka va hushyorlikka chorlashi zarur. Bir lahza fursatni boy berish, loqaydlik ham kelajakda og‘ir oqibatlarga olib kelishi hech gap emas.

Read more...

  • So'ngi yangiliklar
  • Ko'p o'qilgan

Qiz bola — elning yuzi

2017-08-02 11:11:46

SHARAFLI UMR BEKATLARI Asil RASHIDOV ...

2017-08-16 13:28:25

Dunyo darakchilar nigohida

2017-08-16 13:24:37

Tabarruk qadamjolar

2017-08-02 11:17:38

RASMIY SAYTLAR

REKLAMA

REKLAMA

 

 

 

 

 

 

Kalendar

August 2017
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

.