Алдаган кўраверади…

Ёлғон билан бошланган иш ростдан битмайди.

* * *

Алдаган кўраверади, алданган билаверади.

* * *

Ёлғонни ямламай ютадиганлар бир кун келиб, бир чимдим ҳақиқатга тиқилиб ўладилар.

* * *

Ширин ёлғонга ўрганган қулоқлар ростни нафақат аччиқ, балки душман деб билишади.

* * *

Жавоби қийин савол: ўнта одамдан тўққизтаси алдаб турса, ўнинчисига ишониш мумкинми?

 Шуҳрат РЎЗИЕВ,

журналист.