Ўзбек ва тожик

Азал тожик ва ўзбек,

Аҳил-иноқ бир кўздек.

Бир дин ҳам диёнати,

Биродар-туғишгандек.

Ўзбек ва тожик асли –

Ака-ука – бир насли.

Қиз берган бир-бирига,

Йўқ ҳеч бир бегонаси.

Меҳмондўст, кўнгли очиқ,

Қўл ювсанг, тутар сочиқ.

Меҳр бериб ўзгача –

“Хуш омадед” дер тожик.

Ўзбек тутиб намак-нон,

Кўрсатар кенг сўрини.

Меҳмонга садқа-жони,

Сўяр қўйнинг зўрини.

Тўй, маърака ҳам ошда

Кўпкари-ю курашда,

Қўшиқ айтиш, ўйинда,

Доим олди ўринда.

Жомий ҳамда Навоий,

Ҳар икки элнинг фахри.

Суйиб тингланар бирдай

Шерали, Жўрабеги.

Азал тожик ва ўзбек,

Аҳил-иноқ, бир кўздек.

Бир дин ҳам диёнати,

Биродар-туғишгандек.

Холмўмин ЁДГОРОВ