Tanlovga hujjatlar qabul qilish davom etmoqda

O'zbekiston Jurnalistlar uyushmasi, O'zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, Kinematografiya agentligi, Badiiy akademiya, O'zbekiston Milliy teleradiokompaniyasi, Respublika “Tasviriy oyna” ijodiy uyushmasi hamda Yozuvchilar uyushmasi mamlakatimiz mustaqilligining o'ttiz bir yilligiga bag'ishlangan “Eng ulug', eng aziz” an'anaviy respublika ko'rik-tanloviga hujjatlarni qabul qilish jarayoni davom etmoqda.

“Yangi O'zbekistonda el aziz, inson aziz” shiori ostida o'tkazilayotgan ushbu tanlovga topshirilgan materiallar bo'yicha quyidagi yo'nalishlarda g'olib va sov­rindorlar aniqlanadi:

— bosma OAV xodimlarining jurnalistik ishlari;

— televidenie va radio ijodkorlarining materiallari;

— internet-jurnalistika;

— jurnalistlar tomonidan nashr etilgan publitsistik mavzudagi kitoblar;

— yozuvchi va shoirlarning badiiy asarlari;

— tasviriy san'at, foto asarlari va dizayn ishlari;

— kino san'ati asarlari.

Eslatma: hujjatlar info@jurnalistlar.uz elektron pochtasi orqali ham qabul qilinadi.

Tanlovga taqdim etilgan ijodiy ishlarga quyidagi hujjatlar ilova qilinishi lozim:

— muallif va uning professional faoliyati to'g'risida qisqacha ma'lumot;

— muallifning pasport nusxasi;

— muallifning manzili va bog'lanish telefonlari.

Tanlovga 2021 yilning 1 avgustidan 2022 yilning 1 avgustigacha bo'lgan davrda e'lon qilingan materiallar — asarlar joriy yilning 22 avgus­tigacha qabul qilinadi.

Tanlov g'oliblari Vatanimiz mustaqilligining o'ttiz bir yillik bayrami arafasida mukofotlanadilar va ularning ro'yxati matbuotda e'lon qilinadi.

Ijodiy ishlar “Eng ulug', eng aziz” tanloviga deb ko'rsatilgan holda o'z ijodiy yo'nalishlari bo'yicha quyidagi manzilga yuborilishi lozim:

1. O'zbekiston Jurnalistlar uyushmasi, 100011. Toshkent shahri, Navoiy ko'chasi, 30-uy. Tel.: (90) 990 35 80, (33) 855 10 13, (71) 244 62 89.
2. O'zbekiston “Tasviriy oyna” uyushmasi, 100011. Toshkent shahri, Navoiy ko'chasi, 30-uy. Tel.: 71- 244-11-64.
3. O'zbekiston Yozuvchilar uyushmasi, 100066, Toshkent shahri, Bunyodkor ko'chasi, Adiblar xiyoboni. Tel.: 71–231-83-49.
4. O'zbekiston Respublikasi Kinematografiya agentligi, 100115, Toshkent shahri,Chilonzor ko'chasi, 1-“A” uy. Tel.: 71-277-81-49.