OAV vakillari “Navoiy” erkin iqtisodiy zonasida
Navoiy viloyatidagi iqtisodiyotni erkinlashtirish hududida “Navoiy” erkin iqtisodiy zona (EIZ) da qurilish materiallari ishlab chiqarish, sanoat korxonalar faoliyati va ushbu yo'nalishdagi investitsiya loyihalari” mavzusida press-tur, ya'ni ijodiy sayohat tashkil etildi.
Press-tur doirasida jurnalistlar korxonadagi ishlab chiqarish jarayonlari, eksport yo'nalishidagi ishlar bilan yaqindan tanishdilar.
Ta'kidlash joizki, o'tgan yilda Navoiy viloyati bo'yicha jami 2 655,2 milliard so'mlik qurilish materiallari ishlab chiqarilgan, o'tgan yilga nisbatan o'sish sur'ati 110,7 foizni tashkil etgan.
Shuningdek, qurilish materiallari ishlab chiqarish korxonalari tomonidan 43,8 million AQSh dollarilik mahsulotlar eksport qilingan bo'lib, reja 122 foizga bajarilgan.
Aytish joizki, viloyatdagi 33 ta qurilish materiallari sanoati korxonalari o'z mahsulotlarini eksport qilgan bo'lsa, bu asosan, “Qizilqumsement” AJ, “Green Line Profil” QK MChJ, “National plast” MChJ, “Triumf Gornyak” MChJ kabi yirik korxonalar hissasiga to'g'ri keladi.
Korxonalar sement, alyumin va PVX profillar, oxak, sun'iy tosh, gips, quruq qurilish aralashmasi, bentonit, marmar plitalar, sheben, keramik plitalar va granit singari mahsulotlarni eksport qilishgan.
Press-tur doirasida mutasaddi rahbarlar 2020-2022 yillarda umumiy qiymati 5 114,7 milliard so'mlik 78 ta loyiha amalga oshirilishi hamda ikki ming yetti yuzga yaqin yangi ish o'rinlari yaratilishini aytib o'tishdi.
Shunday qilib, OAV vakillari “Navoiy” erkin iqtisodiy zonasi hududidagi 10 ga yaqin korxonalar faoliyati bilan yaqindan tanishdi.
Otabek ASLONOV,
O'zbekiston Jurnalistlari ijodiy
uyushmasi Navoiy viloyati bo'limi raisi