Jamoatchilik nazoratining kuchi
Toshkent shahrida yangi qurilishlarni amalga oshirayotgan mahalda ko'p daraxtlar nobud bo'lgani ommaviy axborot vositalari orqali qattiq tanqid qilinganidan xabaringiz — bor. Mana, jamoatchilik fikrining hayotga ta'sirini ko'ring. Sergeli tumanidagi Quruvchi mavzesida Turkiya bilan hamkorlikda yangi isitish markazi bunyod etishga kirishildi. U ishga tushirilsa, shu atrofdagi ko'pqavatli uylarni issiq suv bilan ta'minlaydi. Ammo bunga mo'ljallangan hududda ko'pyillik daraxtlar mavjud edi.
May oyi bo'lishi, ya'ni havolar isib ketganiga qaramasdan, shu daraxtlar kechki salqinda zamonaviy texnologiya asosida tomirlariyu tuprog'i bilan birga ko'chirib olinib, shahar hokimiyati belgilagan yangi joylarga o'tqazilyapti.
Bo'lar ekan-ku!
S. OLIMOV