Китоблар тақдимоти
Ўзбекистон Журналистлар уюшмаси Қорақалпоғистон бўлими томонидан Республика ахборот-ресурс марказида А.Турекееванинг “Журналистика — менинг ҳаётимда” ва Тўрткўл тумани телевидениеси раҳбари М.Машариповнинг “Қорақалпоғим” номли китоблари тақдимоти ўтказилди.
Тадбирда журналист П.Хожамуратова “Журналистика — менинг ҳаётимда” китоби ҳақида фикр-мулоҳазаларини билдирди. Бу китобда журналистнинг жамиятда тутган ўрни, унинг фуқаролик позицияси хусусида сўз юритилган.
М.Машариповнинг “Қорақалпоғим” эссеси ҳақида журналист Ж.Ўтениязов китобхонларга кенгроқ маълумот берди. Китобда халқлар дўстлиги, Ватанга садоқат, туғилган ерга муҳаббат, юрт ўғлонлари ва қизларининг ғайрат-шижоати тараннум этилган.
Тақдимот маросими сўнггида китобхонлар ўзларини қизиқтирган саволларга батафсил жавоб олди. Энг яхши савол эгаларига китоблар совға қилинди.
Ўзбекистон
Журналистлар уюшмаси
Ахборот хизмати