Yong'in xavfsizligi qoidalarini bilasizmi?
Aynan shu savol bilan kimgadir murojaat qilinsa, “Ha, bilaman” degan javobni eshitamiz. Ammo uni kundalik hayotga tatbiq etish yoki yong'in bo'lmasligi uchun barcha ham bir xil yong'in xavfsizligi qoidalarga rioya qilish kerakligiga ahamiyat beravermaydi. Afsuski, mana shu e'tiborsizligimiz tufayli “tilsiz yov” ulkan talafotlarga, fojialarga olib kelishi mumkin.
Shunday ekan, yong'inning oldini olishga doir o'tkazilayotgan tadbirlarda faol bo'ling, bunday tadbirlarning maqsad va vazifalari to'g'risida farzandlaringizga ham tushuntirish berib boring. Yong'inning paydo bo'lish sabablari, favqulodda vaziyatlarda qay holatlarda harakatlanish, o't o'chirish uskunalaridan to'g'ri foydalanish, yong'in sodir bo'lganda dastlab nimalarga e'tibor qaratish zarurligi haqidagi barcha bilishi kerak.
Ogoh bo'lish lozimki, yong'inning oldini olish uchun quyidagi qoidalarga rioya qilish shart:
* Yonuvchi narsa va suyuqliklar olovdan va isitish asboblaridan uzoqda saqlanishi kerak;
* Nosoz elektr asboblaridan foydalanish aslo mumkin emas;
* Bir nechta elektr asboblarini bir rozetkaga bir vaqtda ulamang;
* Gugurt – o'yinchoq emas! Buni doimo farzandlaringizga uqtiring;
* Yong'in sodir bo'lib qolsa, uydan tez chiqishga xalaqit bermasligi uchun zina maydonchalari, balkon ortiqcha buyumlardan xoli bo'lishi kerak;
* Transport vositalarida ham yong'in xavfsizligi qoidalariga amal qiling;
Unutmang, yong'in xavfsizligi qoidalarini buzganlik uchun javobgarlik bor!
Davron RAJABOV,
Sergeli tumani Favqulodda vaziyatlar bo'limi profilaktika va nazorat bo'linmasi katta inspektori, kapitan.