Oliy Majlis huzuridagi jamoat fondi

Oliy Majlis huzuridagi jamoat fondi

“OAVlarda millatlararo bag'rikenglik va

do'stlikni, tinchlik va barqarorlikni keng targ'ib etish”
mavzuida Davlat grantlari ajratish uchun tanlov

E'LON QILADI:

Tanlovga nodavlat notijorat tashkilotlari, ommaviy axborot vositalari va fuqarolik jamiyati boshqa institutlarining quyidagi maqsadlarni nazarda tutgan ijtimoiy aha­miyatga molik loyiha buyurtmanomalari qabul qilinadi:

— ajdodlar tomonidan to'plangan tarixiy, madaniy meroslarni asrab-avaylash, uning o'sib kelayotgan avlod tarbiyasida zarurligi borasidagi jamoatchilik tashabbuslarini qo'llab-quvvatlash;

— milliy va umuminsoniy qadriyatlarni yoshlar ongiga singdirishga, etnik madaniy an'analarni asrab-avaylashga, xalq ijodiyotini qo'llab-quvvatlashga ko'maklashish;

— O'zbekistonda yashab kelayotgan turli millat va elatlarning azaliy milliy an'analari, urf-odatlari, udumlarini saqlash borasida amalga oshirilayotgan tadbirlar haqida keng jamoatchilikni xabardor qilish;

— madaniy merosni saqlash, aholi o'rtasida madaniy merosga bo'lgan munosabatni yanada yuksaltirish, ularni kelajak avlodga bekamu ko'st yetkazish va madaniy merosga bo'lgan munosabatni shakllantirish borasida targ'ibot ishlarini kuchaytirish;

— mamlakat madaniy-tarixiy merosini ommalashtirishga, tarixiy sayyohlik qadamjolarni tanitishga, ularning faoliyatini targ'ib etishga qaratilgan OAV loyihalarini qo'llab-quvvatlash;

— milliy madaniy markazlar tomonidan mamlakatimizning erkin demokratik taraqqiyotini aks ettiruvchi turli xildagi to'plamlar, ijodiy ishlarni chop etishga, xalq ommasiga yetkazishda har tomonlama ko'maklashish;

— O'zbekistonning tinchlik va barqarorlikni, fuqarolar totuvligini ta'minlash sohasidagi yutuqlari, mamlakatdagi bag'rikenglik tamoyillari, tarixiy va madaniy meros, aholining urf-odatlari, qadriyatlari to'g'risida axborot, tahliliy materiallar va yangiliklarni milliy va xorijiy OAVda keng yoritish;

— jamiyatda millatlararo totuvlikni mustahkamlash, O'zbekistonda istiqomat qiluvchi turli millat va elatlar vakillarining o'ziga xos milliy an'analari, urf-odatlari va marosimlarini saqlash hamda rivojlantirish bo'yicha mamlakatimizda izchil amalga oshirilayotgan chora-tadbirlar to'g'risida xalqaro jamoatchilikni xabardor qilish;

— millatlararo do'stlik va hamjihatlik, birdamlikni yanada mustahkamlash, konfessiyalararo totuvlikni ta'minlashda fuqarolik jamiyati institutlarining roli va ahamiyatini kuchaytirish;

— milliy hunarmandchilik sohasida ustoz-murabbiylik an'analarini yanada rivojlantirish, keksa avlodning bilimi, tajribasi va mehnat salohiyatidan foydalanish, ularni hayotga tatbiq etishga ko'maklashish;

— turizmning tarixiy-ilmiy, ekologik, faol, gas­tronomik va boshqa turlarini xorijiy auditoriya o'rtasida ommalashtirish orqali O'zbekistonning sayyohlik hamda madaniy-tarixiy jozibadorligini kuchaytirish;

— turizmni rivojlantirishda muhim o'rin tutadigan yangi madaniy sayyohlik yo'nalishlarini tashkil etishga, ijtimoiy infratuzilmani rivojlantirishga, yangi ish o'rinlarini tashkil qilishga, innovatsion texnologiyalarni jalb etishga ko'maklashish.

Davlat granti tanlovida qatnashish uchun quyidagi hujjatlar taqdim etiladi:

1. Tashkilot rahbari tomonidan imzolangan va muhr bilan tasdiqlangan kuzatuv xati.

2. www.fundngo.uz veb-saytida joylashtirilgan shaklda to'ldirilgan davlat granti loyihasi uchun ariza.

3. Davlat ro'yxatidan o'tkazilgan Ustav (Nizomi) hamda guvohnomaning muhr bilan tasdiqlangan nusxasi.

4. Agar loyihani amalga oshirish litsenziyalanadigan faoliyatni talab qilsa, unda litsenziyaning nusxasi taqdim etiladi.

5. Manfaatdor davlat va yirik jamoat tashkilotlari bilan tuzilgan ijtimoiy sheriklik qo'shma rejalari ilova qilinishi mumkin.

Bitta loyiha uchun davlat granti miqdori – 30 million so'mgacha.

Hujjatlar 2019 yil  25 sentyabrgacha qabul qilinadi.

Hujjatlar “Oliy Majlis huzuridagi jamoat fondi” nomiga: 100163, Toshkent shahri, Islom Karimov ko'chasi, 43-uy manziliga “O'zbekiston poch­tasi” orqali muhrlangan konvertda (A4 formatda) yuborilishi shart.

Hujjatlar namunalari bilan Oliy Majlis

huzuridagi jamoat fondining www.fundngo.uz

rasmiy veb-saytida tanishish mumkin.

Ma'lumot uchun telefonlar:

71-239-26-76, 71-239-26-86.

Oliy Majlis huzuridagi jamoat fondi

“Jamiyatda yuksak ma'naviyatni va

qonun ustuvorligini ta'minlashga ko'maklashish”

mavzuida Davlat grantlari ajratish uchun tanlov

E'LON QILADI:

Tanlovga nodavlat notijorat tashkilotlari, ommaviy axborot vositalari va fuqarolik jamiyati boshqa institutlarining quyidagi maqsadlarni nazarda tutgan ijtimoiy aha­miyatga molik loyiha buyurtmanomalari qabul qilinadi:

— O'zbekiston Respublikasi Konstitutsiyasining asosiy qoidalari, tamoyillari va maqsadlarini ochib berishga, qonun me'yorlari haqida bilimlar targ'ibotiga qaratilgan maxsus nashrlar, maqolalarni tayyorlash va chop etish;

— aholi o'rtasida iste'molchilar huquqlarini himoya qilish to'g'risidagi qonun hujjatlarining mazmun-mohiyatini keng targ'ib qilishga, aholining huquqiy madaniyatini oshirishga ko'maklashish;

— davlat hokimiyati va boshqaruvi organlari faoliyatining ochiqligini ta'minlashda NNT faolligini oshirish, jamiyatda huquqiy madaniyatni shakllantirish, huquqiy ongni yuksaltirishga qaratilgan loyihalarni qo'llab-quvvatlash;

— qonunlarning insonlar hayotiga real ta'sir darajasi va aholi bilan muloqotning yangi usullarini, qonunlarning ijtimoiy munosabatlarni bevosita tartibga solishdagi roli va ahamiyatini yuksaltirishda ijtimoiy sheriklikning innovatsion usullarini joriy etish;

— sifatli ijtimoiy xizmatlar ko'rsatish ko'lamini kengaytirishga, aholining turmush darajasini yaxshilashga, mahallalar obodligini ta'minlashga ko'maklashish;

— aholining ma'naviy-axloqiy, psixologik bilimlarini oshirish, oilada ijtimoiy-ma'naviy muhitni sog'lomlashtirish, jamiyatda sog'lom ma'naviy muhitni ta'minlashni qo'llab-quvvatlash;

— keksa avlod vakillariga g'amxo'rlik ko'rsatish, har tomonlama qo'llab-quvvatlash, yoshi ulug' insonlarning jamiyatdagi o'rni va nufuzini oshirish, yoshlar tomonidan ularning hayotiy tajribalarini o'rganish, keksalarni hurmat qilishga, e'zozlash, g'amxo'rlik ko'rsatish tuyg'usini shakllantirishga ko'maklashish;

— nogironligi bo'lgan shaxslarning huquqlarini, erkinliklarini, qonuniy manfaatlarini amalga oshirishda teng sharoitlar yaratish, hayot sifatini yaxshilash, mehnat faoliyatiga moslashtirishga yordam ko'rsatish;

— yoshlarning xuquqlari, erkinliklari va qonuniy manfaatlarini himoya qilish, ularni milliy va umuminsoniy qadriyatlarga hurmat ruhida tarbiyalashga, fidoyilik tuyg'ularini qaror toptirishga ko'maklashish;

— ayollar, bolalarning huquqlari va qonuniy manfaatlarini ta'minlash, ijtimoiy-ma'naviy qo'llab-quvvatlashda davlat organlari bilan ijtimoiy sheriklikni kuchaytirish;

— voyaga yetmaganlar o'rtasida jinoyatchilikning oldini olish, ularning bo'sh vaqtlarini mazmunli o'tkazishga shart-sharoitlar yaratishga ko'maklashish;

— odam savdosi, noqonuniy mehnat migratsiyasidan jabr ko'rgan aholiga tizimli profilaktik tar­g'ibot, tashviqot va reabilitatsiya chora-tadbirlarini amalga oshirishda jamoatchilik nazoratini ta'minlash;

Davlat granti tanlovida ishtirok etish uchun quyidagi hujjatlar taqdim etiladi:

1. Tashkilot rahbari tomonidan imzolangan va muhr bilan tasdiqlangan kuzatuv xati.

2. www.fundngo.uz veb-saytida joylashtirilgan shaklda to'ldirilgan davlat granti loyihasi uchun ariza.

3. Davlat ro'yxatidan o'tkazilgan Ustav (Nizomi) hamda guvohnomaning muhr bilan tasdiqlangan nusxasi.

4. Agar loyihani amalga oshirish litsenziyalanadigan faoliyatni talab qilsa, unda litsenziyaning nusxasi taqdim etiladi.

5. Manfaatdor davlat va yirik jamoat tashkilotlari bilan tuzilgan ijtimoiy sheriklik qo'shma rejalari ilova qilinishi mumkin.

Bitta loyiha uchun davlat granti miqdori – 30 million so'mgacha.

Hujjatlar 2019 yil 25 sentyabrgacha qabul qilinadi.

Hujjatlar “Oliy Majlis huzuridagi jamoat fondi” nomiga: 100163, Toshkent shahri, Islom Karimov ko'chasi, 43-uy manziliga “O'zbekiston poch­tasi” orqali muhrlangan konvertda (A4 formatda) yuborilishi shart.

Hujjatlar namunalari bilan Oliy Majlis

huzuridagi jamoat fondining www.fundngo.uz

rasmiy veb-saytida tanishish mumkin.

Ma'lumot uchun telefonlar:

71-239-26-76, 71-239-26-86.

Yangiliklarni do'stlaringizga ulashing

Fikr bildirish

Email manzilingiz chop etilmaydi. Majburiy bandlar * bilan belgilangan

3 − one =