Sharafli kasb sohibasi

Dilbar Abdullayeva yosh avlodga ilm-fan sirlarini puxta o'rgatayotgan sharafli kasb egalaridan.

Muallima Termiz shahridagi 12-umumta'lim maktabida geografiya fanidan saboq beradi. Yosh pedagoglar ta'lim jarayonida ilg'or pedagogik usullarni qo'llash bo'yicha uning tajribasidan unumli foydalanadi.

– Keyingi yillarda ta'lim tizimini tubdan takomillashtirishga qaratilgan islohotlar samarasida yoshlar zamon talablari asosida puxta bilim egallamoqda, — deydi Xalq ta'limi a'lochisi Dilbar Abdullayeva. — 23 avgust kuni davlatimiz rahbari raisligida xalq ta'limi tizimini rivojlantirish, pedagoglarning malakasi va jamiyatdagi nufuzini oshirish, yosh avlod ma'naviyatini yuksaltirish masalalariga bag'ishlab o'tkazilgan videoselektor yig'ilishida o'qituvchilarning maqomi va nufuzini oshirish, huquq va imtiyozlarini kengaytirishga alohida e'tibor qaratildi. Bunday yuksak e'tibor bizni ruhlantirish barobarida yanada izlanishga undamoqda.