Ichimizdagi sir bizning asirimiz

Inson kulishi ila tarbiyasini, kulgan narsasi ila saviyasini ko'rsatadi.

* * *

Oyning kechaga sabr qilishi uni oydinlatur, gulning tikonga sabr qilishi uni xushbo'ylantirur.

Jaloliddin Rumiy.

Inson toki o'zini mayda gap, o'chakish, janjal, shikoyat, norozilik, ohu-vohdan ozod qilmas ekan, u hech qachon pastlik tabiatidan xalos bo'lolmaydi.

* * *

Men ko'p yurtni kezdim va olam ahvoliga qaradim. Unda hayronlik kaftini iyagiga tiragandan va pushaymonlik barmog'ini tishlagandan boshqani ko'rmadim.

Abu Ali ibn Sino.

Agar oqil odam nodonlar gurungiga tushib qolsa, izzat-ikrom kutmasin, agar ular bema'ni gapi bilan oqilni yengsa, buning ajablanadigan joyi yo'q, zero yoqutni tosh sindiradi.

Abulqosim Zamaxshariy.

Ichimizdagi sir bizning asirimiz, oshkor etsak biz uning asiriga aylanamiz.

Ali ibn Abu Tolib.