Uzoq kutilgan vaksina

uni bir marta emlash yetarlimi?

Italiya sog'liqni saqlash vazirligi koronavirusga qarshi vaksina bepul tarqatilishini, uni birinchi navbatda xavf guruhiga kiruvchi odamlar olishini ma'lum qildi. Ma'lum bo'lishicha, vaksinaning bir dozasi tannarxi 2,5 yevroni tashkil qiladi.

Koronavirusga qarshi vaksina yaratish uchun tashkil etilgan Alyans (Inclusive Vaccine Alliance, IVA) tarkibiga kirgan Italiya, Fransiya, Germaniya va Niderlandiya vaksinani ishlab chiqayotgan «AstraZeneca» kompaniyasiga 300 million doza vaksina uchun 750 million yevro to'laydi. Shu tariqa Oksfordda joylashgan kompaniya yaratadigan AZD1222 deb nomlangan vaksinaning narxi 2,5 yevroni tashkil qiladi.

IVA ishtirokchilarining «AstraZeneca» bilan vaksina yetkazish bo'yicha shartnomani imzolashi 13 iyunda e'lon qilingan. Shartnomaga ko'ra, vaksina xaridorlarga 2020 yil oxirida taqdim qilinishi mumkin. Kompaniya­­dan va'da berilishicha, vaksina bilan emlash koronavirusga chalinishga olib kelmaydi, inson immun tizimi koronavirus chaqiruvchi kasallikka qarshi kurasha olishi uchun bir emlash yetarli bo'ladi.

Internet xabarlari asosida tayyorlandi.

Yangiliklarni do'stlaringizga ulashing

Fikr bildirish

Email manzilingiz chop etilmaydi. Majburiy bandlar * bilan belgilangan

eleven − six =