“Mening armiyam – mening faxrim!”
O'zbekiston Jurnalistlar uyushmasi tomonidan O'zbekiston Yozuvchilar uyushmasi va bir qator hamkor tashkilotlar bilan birgalikda Qurolli Kuchlarimiz tashkil etilganining o'ttiz to'rt yilligi hamda Vatan himoyachilari kuni munosabati bilan “Mening armiyam – mening faxrim!” respublika tanlovi o'tkazilishi e'lon qilinadi.
Tanlovga “Milliy armiya – Ona yurt qalqoni, tinchligimiz posboni!” degan bosh g'oyani o'zida mujassam etgan jurnalistik materiallar, yozuvchi va shoirlarning asarlari qabul qilinadi.
“Mening armiyam – mening faxrim!” tanlovi quyidagi nominatsiyalar bo'yicha o'tkaziladi:
- OAV vakillarining jurnalistik materiallari bo'yicha; (bu yo'nalishda bosma OAV, internet nashrlari va telekanallar jurnalistlari ishtirok etishlari mumkin)
- Yozuvchi va shoirlarning badiiy asarlari bo'yicha.
Eslatma: hujjatlar elektron tartibda qabul qilinadi.
Ijodiy ishlarga quyidagi hujjatlar ilova qilinishi lozim:
– muallif va uning professional faoliyati to'g'risida qisqacha ma'lumot;
– muallifning pasport (ID karta) nusxasi;
– muallifning manzili va bog'lanish telefonlari.
Tanlovga 2025 yilning 20 yanvaridan 2026 yilning 3 yanvarigacha bo'lgan davrda e'lon qilingan materiallar – asarlar 2026 yilning 5 yanvarigacha qabul qilinadi.
Tanlov g'oliblari O'zbekiston Respublikasi Qurolli Kuchlari tashkil etilganining o'ttiz to'rt yilligi hamda Vatan himoyachilari kuni bayrami arafasida mukofotlanadilar va ularning ro'yxati matbuotda e'lon qilinadi.
Ijodiy ishlar “Mening armiyam – mening faxrim!” tanloviga deb ko'rsatilgan holda quyidagi elektron manzillarga yuborilishi lozim:
O'zbekiston Jurnalistlar uyushmasi, 100011. Toshkent shahri, Navoiy ko'chasi, 30-uy. Tel: 71 244-64-62
(+998 99 466-10-25 raqamdagi telegram manzil)
O'zbekiston Yozuvchilar uyushmasi, 100066, Toshkent shahri,
Bunyodkor ko'chasi, Adiblar xiyoboni. Tel.: 71 231-24-46
(+998 99 090-06-74 raqamdagi telegram manzil)
Tashkiliy qo'mita