Yangi Özbekiston meʼmori

Ey, yurtimga ravnaq izlab, dunyoga böylab,

Xalq işida kuyib-yongan Prezidentim!

Keça-kunduz özni emas, bizlarni öylab,

Halovatdan tamom tongan Prezidentim!

 

Bilaman, siz balandparvoz gapni suymaysiz,

Tilyoğlama kimsalarga yöq Sizda toqat,

Lek xalqona jaydari gap ayta olsak gar,

Çin dildan tan olasiz, bu — Sizning zör xislat!

 

Mana öşa xalqona, çin jaydari fikr:

Garçi olamda davlat köp, köp atangan xalq,

Lek hayotga teran boqib, söng etsak zikr,

Qayerda bor bizning xalqday bek atalgan xalq?

 

Yaʼni Sohibqiron bobom berganday saboq,

Biz amiri Turkistonmiz, mulki Turonmiz.

Siz aytganday, keng dunyoni ilm-la olmoq

Orzusida yongan nasli Özbekistonmiz!

 

Yana bir haq gapni aytgum siğmay jahonga:

Yangi Renessans ğoyasin bergan axir, Siz!

Biz bunyodkor bölsak yangi Özbekistonga,

Ey, Yurtboşim,

Siz uning Boş meʼmoridirsiz!

 

“Elni rozi qiliş” degan öy bilan Siz

Jo böldingiz yuraklarning tub-tubiga.

Izdoşlar ham erişmoqda har lahza, har kez

Mehnatsevar xalqimizning roziligiga.

 

Sizning,

Bizning kuç-qudratga kim şubha qilsa,

Kelsin, kezsin, yurtimizning

Har yoğin körsin.

Kim bu dunyo möʼjizasin körmoqçi bölsa,

Körsin megapolis şahar Toşkentim körkin!

 

Yöq! Birgina Toşkent emas,

Butun yurt ötdi

Tom maʼnoda tadbirkorlik harakatiga.

Siz boş bölgaç, bu ham bor gap,

Aylanib ketdi

Özbekiston bunyodkorlik mamlakatiga!

 

Sirmas, alğov-dalğovlardan

Bezovta dunyo,

Tahlikada yaşayotir jumlai olam.

Faqat tört-beş davlat tinç, bu —

Lof emas aslo,

Ular içra bor bizning hur

Özbekiston ham!

 

Qandoq edik

Siz yurtga boş bölişdan avval?

Asli töğrimas öz yurtin loyga belamoq,

Lekin gapni bukmay, fikrim

Bildirsam dangal,

Qoğozda iş zör edi-yu,

Amalda — çatoq…

 

Çorak asr vaʼdalarga işondik, göyo

Erta-indin “Zör!” böladi işlar gurkurab.

Öşa çoğlar ham mustaqil bölsak-da, ammo

Yaşar edik zuğumlardan qörqib, xavfsirab.

 

Şukur, şukur! Ming-ming şukur

Baxtimiz kulib,

Tarqab ketdi dillardagi qayğu, ğam-alam,

Yaʼni öşa qörquv va xavf butkul daf bölib,

Yangi Özbekiston olğa taşladi qadam.

 

Bölib uluğ karvon uçun munosib sarbon,

Elni olğa yetaklaysiz heç olmasdan tin.

“Buyuk yurtni birgalikda qurajakmiz!” — deb

Yuraklarga qadadingiz işonç uruğin.

 

Qanday mardlik, “Xalq davlatgamas, davlat xalq uçun

Xizmat qilsin!” — deganingiz böldi zör ğoya.

Muammolar borasida yeçildi tugun,

Yaʼni endi davlat bizni qilar himoya.

 

Ne baxt, bugun, dillar obod,

Tan-jon soğ esa,

Bizga havas qilar butun

Jumlai jahon!

Siz aytganday, yakdil bölsak,

Xudo xohlasa,

Yangi Özbekiston –

Nurli yoruğ koşonamizni

Birga quramiz!

Ziyovuddin MANSUR