Poyezdlar qatnovi tiklandi
Joriy yilning 13 may kuni Prezident Şavkat Mirziyoyev rahbarligida ötkazilgan videoselektor yiğilişida “yaşil” va “sariq” hududlarda sanitariya-gigiyena talablariga qatʼiy amal qilgan holda xizmat körsatiş turlariga bosqiçma-bosqiç ruxsat beriş mumkinligi belgilangandi.
Respublika maxsus komissiyasi tomonidan karantin davrida mahalliy yönalişlarda temir yöl va avia qatnovlarini yölga qöyişning vaqtinçalik tartibi tasdiqlandi. Şunga muvofiq, 2020 yil 18 maydan boşlab, Toşkent şahridan Navoiy, Buxoro, Qarşi şaharlariga “Afrosiyob” tezyurar poyezdlari hamda Farğona vodiysiga yölovçi poyezdlar qatnovi qayta yölga qöyildi.
Temir yöl vokzali hududi hamda temir yöl transportida barça yölovçilar bir martalik himoya niqoblari va qölqoplarda bölişlari, temir yöl vokzallarida ijtimoiy masofani saqlaşlari hamda yönaltiruvçi maxsus tasmalar böylab harakatlanişlari şart.
Poyezdlarga elektron çiptalar onlayn tarzda sotilmoqda.
Temir yöl vokzallarining ikkinçi ötkaziş punktida, yaʼni kiriş qismida yölovçilarning tana haroratini ölçovçi maxsus uskunalar örnatilgan.
Şunday qilib, 18 may kuni “Afrosiyob” tezyurar poyezdlari Buxoro va Qarşi şaharlariga jönab ketdi. Şu bilan birga poytaxtimizning Janubiy vokzalidan Farğona vodiysiga yölovçi poyezdi qatnovi ham yölga qöyilib, birinçi qatnov amalga oşirildi.
ÖzA.