Ikkinçi Jahon uruşi qatnaşçilarini rağbatlantiriş töğrisida Prezident farmoni

Özbekiston Respublikasi Prezidentining

F A R M O N I

IKKINÇI JAHON URUŞI QATNAŞÇILARINI

RAĞBATLANTIRIŞ TÖĞRISIDA

Mamlakatimizda 9 may umumxalq bayrami – Xotira va Qadrlaş kuni ötkazilişi, şuningdek, Ikkinçi jahon uruşida halok bölganlar xotirasini abadiylaştiriş, bugun ham saflarimizda turib Vatanimizning obrö-eʼtiborini yuksaltirişga, yoşlarni maʼnaviy-axloqiy jihatdan tarbiyalaşga hissa qöşayotgan faxriylarni eʼzozlaş hamda faşizm ustidan qozonilgan ğalabaning 76 yilligi nişonlanişi munosabati bilan uruş qatnaşçilari va nogironlarini moddiy rağbatlantiriş maqsadida:

1. Ikkinçi jahon uruşi qatnaşçilari va nogironlariga

12 000 000 (ön ikki million) söm miqdorida bir martalik pul mukofoti belgilansin.

2. Mazkur Farmonni bajariş bilan boğliq bölgan sarf-xarajatlar Özbekiston Respublikasining respublika byudjeti mablağlari hisobidan amalga oşirilsin.
3. Mudofaa vazirligi, Içki işlar vazirligi, Davlat xavfsizlik xizmati, Moliya vazirligi, Mahalla va oilani qöllab-quvvatlaş vazirligi Ikkinçi jahon uruşi qatnaşçilari va nogironlariga uşbu pul mukofotining tantanali topşirilişini taʼminlasin.
4. Qoraqalpoğiston Respublikasi Vazirlar Kengaşi, viloyatlar va Toşkent şahar hokimliklari Mudofaa vazirligi, Içki işlar vazirligi, Madaniyat vazirligi, Mahalla va oilani qöllab-quvvatlaş vazirligi, Respublika Maʼnaviyat va maʼrifat markazi, Özbekiston Yozuvçilar uyuşmasi bilan birgalikda karantin qoidalariga rioya qilgan holda Vatanimiz ozodligi va şon-şarafi himoyaçilariga bağişlangan maxsus uçraşuvlar va madaniy-maʼrifiy keçalarni ötkazsin.
5. Mazkur Farmonning ijrosini nazorat qiliş Özbekiston Respublikasining Boş vaziri A.N.Aripov zimmasiga yuklansin.

        Özbekiston Respublikasi Prezidenti                                 Ş. MIRZIYOYEV

Toşkent şahri,

2021 yil 20 aprel