Gazeta

Sultonmurod OLIM,

Özbekiston Jurnalistlar

uyuşmasi aʼzosi

                               GAZETA

Bolalikning kitoblari yopilmas,

Bolaligin unutganlar topilmas.

Bolalikdan söylab bersam men sizga,

Taʼna-daşnom yoğdirmassiz siz bizga.

Uç keçani uxlolmasdan ötkardim.

Uni endi sizga qanday yetkardim?

Biri – otam rubob olib bergan kun,

Tongga qadar bedorlikda ötdi tun.

Ön uçimda çiqdi yozgan maqolam,

Mendek uxlay olmadi heç bu olam.

Yana bir tun uxlamadim, qaytmayman,

Farzandlardan uyalaman – aytmayman.

Ellik beş yil böldi, mana, tinim – yöq,

Gazetasiz ötgan biror kunim – yöq.

Gazeta bu elning aytar sözidir,

Ham olamga boqar ötkir közidir.

Internetga işonmanglar, tezkordir,

Yuzing-közing, demas, juda bezkordir.

Fikr bor-u, köpinça bir dalil – yöq,

Xabar aytar, ongni oçar tahlil – yöq.

Gazetasiz yaşagan el ğör bölar,

Gazetasiz qolgan közlar kör bölar.

Yuzdan oşib, ötganimda, orzum – şul,

Gazetaning bosilmayin qolgan ul,

(Ustingizdan kulsa-kulsin ming-minglar),

Qoğozidan kafan qilib, köminglar.

16.09.2022.