Boqiy misralar

Zahiriddin Muhammad BOBUR

EY, KÖNGUL…

Kim körubdur, ey köngul, ahli jahondin yaxşiliğ,

Kimki, ondin yaxşi yöq, köz tutma ondin yaxşiliğ.

Gar zamonni nafʼy qilsam, ayb qilma, ey rafiq,

Körmadim hargiz, netoyin, bu zamondin yaxşiliğ.

Dilrabolardin yomonliq keldi mahzun köngluma,

Kelmadi jonimğa heç oromi jondin yaxşiliğ.

Ey köngul, çun yaxşidin kördung yamonliğ asru köp,

Emdi köz tutmoq ne, yaʼni har yamondin yaxşiliğ.

Bori elga yaxşiliğ qilğilki, mundin yaxşi yöq

Kim, degaylar dahr aro qoldi falondin yaxşiliğ.

Yaxşiliğ ahli jahonda istama Bobur kibi,

Kim körubdur, ey köngul, ahli jahondin yaxşiliğ.