Shogirdlik ham saodat
“Hurriyat” gazetasining 2026 yil 15 apreldagi sonida chop etilgan “Ustozlik saodati” sarlavhali maqolani mutolaa qilar ekanman, qalbi ilm va ziyo bilan yo'g'rilgan insonning ibratli hayot yo'li ko'z oldimda gavdalandi. Muallif ona shahrim Gulistonga borib, taniqli tilshunos olim Jumanazar Abdullayevning yubileyiga bag'ishlangan ushbu ocherkni mahorat bilan qalamga olgan. Maqolani o'qib, juda ta'sirlandim.
Haqiqiy ustozlik saodati nafaqat ilmiy unvonlarda, balki shogirdlar qalbiga yo'l topa olish va el-yurt mehrini qozonishda ekan. Jumanazar Abdullayevning hayot yo'li men uchun fidoyilik va kamtarlik timsolidir. Ocherkda olimning, ayniqsa, quyidagi xislatlari meni maftun etdi:
Ilmga baxshida umr: olim Sirdaryo ilmiy muhitini rivojlantirishga ulkan hissa qo'shib kelmoqda va ko'p yillardan buyon Guliston davlat universitetida samarali mehnat qilmoqda.
Chin insoniylik: u nafaqat kuchli tilshunos, balki mahalla-ko'yda hamma bilan birdek samimiy suhbatlashadigan, bolajon va ochiq ko'ngil insondir.
Mehribon ustoz: u shogirdlariga faqat bilim berib qolmay, ularning shaxs sifatida shakllanishiga ham otalarcha g'amxo'rlik qilib keladi.
Ibratli oila boshlig'i: turmush o'rtog'i Roziya opa bilan besh farzandni kamolga yetkazib, oilada chinakam baxt va ahillik muhitini yaratgan.
Ha, hech bir mubolag'asiz, ushbu ocherk menga haqiqiy ziyoli inson qanday bo'lishi kerakligini yana bir bor anglatdi. Jumanazar Abdullayev kabi fidoyi zotlar bor ekan, yurtimizning ilmiy va ma'naviy salohiyati yanada yuksalaveradi.
Ustozimizga uzoq umr va sihat-salomatlik tilagan holda, ularning ilm yo'lidagi izlanishlari biz, yoshlar uchun doimo ibrat maktabi bo'lib xizmat qilishiga shubha yo'q. Zero, olimning boy ilmiy merosi va sermazmun hayot yo'li kelajak avlodlar uchun bebaho ma'naviy xazina bo'lib qoladi. Qolaversa, shunday ustozlarga shogird bo'lmoqning o'zi ham katta saodatdir.
Shohsanam YuSUPOVA,
O'zbekiston jurnalistika va ommaviy
kommunikatsiyalar universiteti talabasi.