“Hayajon va sevinchimni tushuntirolmayman…”
“Eng yaxshi jurnalistik material uchun” (televidenie) yo'nalishida 1-o'rin g'olibi, “Madaniyat va ma'rifat” telekanali katta muharriri Yulduz FAYZIY:
— Oltin qalam milliy mukofoti har bir jurnalistning orzusi! Bu yil mazkur mukofotning 16-marta o'tkazilishi. Mening ham jurnalistikadagi faoliyatim boshlanganiga 16 yil bo'ldi. Ha, 15 yoshimdan buyon televideniedaman. Ochig'i, kutmagandim. Ayniqsa, 1-o'rin g'olibi deb ism-familiyam e'lon qilingandagi hayajonni, sevinchni tushintirib berish, yetkazish qiyin. Nomzodlar, g'oliblar orasida ancha yillik tajribaga ega jurnalistlar, ustozlar qatorida e'tirof etilish boshqacha bo'lar ekan…
Mana shunday yaxshi kunimda yaqinlarim, ayniqsa, onajonimning ham mana shu taqdirlash marosimida ishtirok etganliklari menga yanada qanot berdi. Shu o'rinda va'da berib aytamanki, mazkur e'tiborni, e'tirofni oqlash yo'lida yanada faolroq bo'lishga, yanada qattiqroq mehnat qilib, menga topshirilgan “Oltin qalam” bilan xalqimizga foydasi tegadigan, odamlarning dardini olib chiqadigan ishlar qilishga harakat qilaman.