Biz aslida nimadan g'ururlanishimiz kerak?
Sherzodxon QUDRATXO'JA,
O'zbekiston Jurnalistika va ommaviy kommunikatsiyalar
universiteti rektori, professor:
O'zbek jurnalistlarida bir odat bor: xorijiy mehmonlarga, odatda, bir turdagi savollarni beradilar: O'zbekiston sizga yoqdimi? Nima yoqdi? O'zbekistonning qaysi jihatlarini kashf qildingiz? Bular odatiy savollarga aylangan.
O'zbeklar xorijliklardan javob olganda bizning palovimizni, boshqa ovqatlarimizni maqtashini, mevalarimiz, umuman, mehmondo'stligimizni maqtashini kutamiz. Hammasi o'z yo'liga: dasturxon ham, qo'y so'yib mehmonni kutishimiz ham. Bu bilan XXI asrda dunyoni o'zgartirib bo'lmaydi. AQSh yo Italiyaga borib kelgach, ularning pissasini eslamaymiz-ku. U yerdagi jamiyat rivoji, qonunlarning ustuvorligini e'tirof qilamiz. O'zlari ham shu bilan maqtanadilar. Koreyada bo'lganimda, kichik bir shaharchadan 8 nafar Nobel sovrindori chiqqanidan xabar topdim. Bu esa maqtanishga arzigulik. Yoshlar qadriyatlarimiz, tariximiz bilan g'ururlanishsin va dunyoga ilm-fanda yangi marralarni taqdim etishsinki, biz bundan g'ururlanib yuraylik.
* * *
Jadidlar bugungi jamiyatimizni ko'rganda, ular hayratlanishardi. Ular bizning to'ylarimizni ko'rib, bizning qilayotgan xarajatlarimizni ko'rib, biz ular yuz yil avval aytib ketgan xatolarni takrorlayotganimizni ko'rib, ular aytardi: “Bizning o'zbek millati shakllanish jarayonida davom etyapti, hali yakunlangani yo'q. Ular aytardi: tezroq biz millat bo'laylik, tezroq biz o'zligimizni anglaylik!..”
* * *
O'zbeklarning dengizi yo'q. Turkiyani quchoqlab turuvchi to'rtta dengiz bor. Bosfor va Dardanell bo'g'ozining bo'lishi yoki Lamanshi borligi, yoki Misrdagi eng muhim Suvaysh kanali ushbu mamlakatlar xalqini boqib turadi o'sha yerdan o'tadigan trafik. Afsuski, O'zbekistonda bu yo'q. Bizning aqlimiz — bizning dengizimiz bo'lishi kerak!
Muallifning
telegram kanalidan olindi.