Çöllar kiyganda atlas

Munira RAMAZONOVA

Muallif haqida:

Munira RAMAZONOVA —1985 yili Kogon şahrida tuğilgan.

2003 yili Buxoro şahri Alişer Navoiy nomidagi 4-maktabni tugatgandan keyin K.Behzod nomidagi Milliy Rassomlik va dizayn institutining sanʼatşunoslik fakulteti bakalavr va magistratura bosqiçida tahsil olgan.

“Dorilomon kunlar şukuhi”, “Mening jonim Marjonim” nomli badiiy-publitsistik va şeʼriy kitoblari naşr etilgan.

Özbekiston Yozuvçilar uyuşmasi aʼzosi.

QIŞLOĞIM

Bepoyon quçoği gözal qişloğim,

Qozoq daştlariga tutaş sahrosi.

Suyançim, tayançim, ardoqli boğim,

Dunyoda bormikan sendan aʼlosi?

 

Yoşligim köksingda olib, bexatar,

Daryo-yu azimga çorlagan nursan.

Ummonga aylangin, deysan har safar,

Serşovqin Toşkentdan qoşingga kelsam.

 

Har tong Buxoroga bergaysan salom,

Hazrat Naqşbandga tutaş yöllaring.

Seni qöllab turar Mir Kulol bobom,

Seni yorlaqaydi Yetti Pirlarim.

 

Ona köksidagi gödak kabi şod,

Yayrayman, bağringga boş qöygan çoğim.

Yaşnayver, yayrayver, bölaver obod,

Mehr sarçaşmasi — ona qişloğim.

 

YETTI PIRIM QÖLLASA

Maqsad sari şoşgayman,

Daryo kabi şoşgayman.

Çöqqilardan oşgayman,

Yetti pirim qöllasa.

 

Ğirotim uçmoqqa şay,

Yölga gullar töşalgay,

Orzularim uşalgay,

Yetti pirim qöllasa.

 

Yaqin kelolmas ğanim,

But bölgay dasturxonim,

Nurga tölar har onim,

Yetti pirim qöllasa.

 

Çöllar kiyganda atlas,

Yulduzlar qilgay havas,

Osmonlar ham bölgay past —

Yetti pirim qöllasa.

 

Ilmda ham, işda ham,

Bahorda ham, qişda ham,

Yaratgaymiz tuşda ham —

Yetti pirim qöllasa.

 

Doğ tuşirmay şaʼnimga,

Nur berib har onimga.

Bel bölgum Vatanimga.

Yetti pirim qöllasa.

 

Minoralar çertar tor,

Tödaköl aytar alyor,

Ölkamdan yaşnar bahor —

Yetti pirim qöllasa.

 

Boğlardan ketmas köklam,

Köçalar obod, körkam.

Muzaffar yana ölkam,

Yetti pirim qöllasa.

 

Körmoqda butun dunyo

Özbekiston asrini.

Qurmoqdamiz uçinçi

Renessansning qasrini.

 

BUXORO MINORALARI

Körgan ne-ne yomğirlarni,

Körgan ne-ne qorlarni,

Çöğ purkagan havolarda,

Qatra suvga zorlarni.

Yelkalari çöqqilardek

Tegib turar osmonga.

O, ularning matonati

Tengdir buyuk dostonga.

 

Vatansevar qöriqçidek

Keça-kunduz bedordir.

Ular uluğ bobolarim

Dahosidan yodgordir.

 

Qança boqmay, tikilmayin,

Sira töymas közlarim.

Qaddin kerib turar göyo

Bobolarim özlari.

Panoh bölmiş qança-qança,

Amirlarga, xonlarga.

Bu zaminni bezab ketgan

Ne-ne uluğ jonlarga.

 

Buxoroning körki ular,

Yer yuziga sayqaldir.

Ular aziz bobolarim

Şavkatiga haykaldir.

 

Bir-biridan salobatli,

Bir-biridan muhtaşam.

Yeru kökda bunday mumtoz

Obidalar kamdan-kam.

 

Şul boisdan hali-hanuz

Maftun etar jahonni.

Jahon ahli tugatolmas,

Öqib bunday dostonni.

 

Guvoh bölgan ular qança

Qirğinlarga, ğovlarga,

Kökragini qalqon qilgan

Qonxör, yovuz yovlarga.

 

Ular qança yovuzlarning

Rejalarin puç qilgan.

Muqannayu sarbadorlar

Bilagiga kuç bergan.

 

Ibn Sino, Rudakiylar

Minoralarga boqqanlar.

Buxoriylar dunyoga ilm

Maşʼalini yoqqanlar.

 

Ehhe, qança bosqinçilar

Bilmadi öz haddini.

Hatto qattol Frunze ham

Bukolmadi qaddini.

 

Buxoroga bormay qaçon

Şoşilaman salomga.

Şoşilaman, köhna Ark-u

Minorayu Kalonga.

 

Qadim kentning faxri ular,

Yurtim iftixorlari.

Buxoroning minorasi —

Buxoro bayroqlari!

IFTIXOR

Al-Buxoriy ajdodim,

Muqaddasdir tuproğim.

Fitrat — mangu faryodim,

Dilda “Çöli Iroğim”.

 

Xalq ijodi — termalar,

Laparlardan zavq oldim.

Sözga çeçan xalqimning

Ijodidan lol qoldim.

 

Alpomiş, Göröğlini

Yod aytgan bobolarim.

Quloğimda jaranglar,

Dömbira, navolarim.

 

“Devonu luğotit turk”

Koşğariydan merosdir.

Har bitta söz, ibora

Turkiy tilimga xosdir.

 

Ajdodlardan qolgandir

Bilga Hoqon dostoni.

Şundan mangu sölmagay

Adabiyot böstoni.

 

Navoiyning gulşani

Ijodga bermoqda zeb.

Bobur, Maşrab, Muqimiy

Nido çekdi elim deb.

 

Şeʼrlarida dunyoning

Tamadduni bölgan jam.

Bobolarim ortidan

Dadil borgaymiz biz ham.

 

Nurga tölsin kelajak,

Ilmli bölsin har kim.

Öz öçmas merosingdan,

Omon böl, ona xalqim.

Yangiliklarni döstlaringizga ulaşing

Fikr bildirish

Email manzilingiz chop etilmaydi. Majburiy bandlar * bilan belgilangan