Metro eşiklari qaysi tomondan oçiladi?

Metro — juda qulay va tezkor transport vositasi. Közlagan manzilingizga öz vaqtida, xavfsiz yetib borasiz. Uning xizmatidan poytaxtimizda köpçilik foydalanadi. Men ham har kuni erta tongdan yangi yerusti metrosining 2-bekatiga çiqaman. Bu yer ham boşqa bekatlar singari toza, ozoda va şinam. Bahri dilingiz oçiladi. Ammo…

Xabaringiz bölsa, Toşkent met­ropolitenida poyezd kirib kelgan bekat va keyingi bekat nomi oldindan eʼlon qilib boriladi. Xuddi şuningdek, yangi qurilgan yerusti met­ro yönalişida ham. Poyezdga çiqişingiz bilanoq: “Ikkinçi bekat. Iltimos, yoş bolali, nogiron va qariya­larga joy bering. Ke­yingi bekat “Döstlik-2”, degan çiroyli talaffuzda yang­ragan eʼlon quloğingizga xuş yoqadi. Yon atrof­ni tomoşa qilişga ulgurib-ulgurmay keyingi bekatga yetib kelasiz va yana eʼlon yang­raydi. Faqat bu gal sal köngilni xira qiladigan darajada: “Döstlik-2” bekati. Eşiklar un tomondan oçiladi…”. Nogahon “Qiziq, “un tomon” degani nima ekan-a, şunaqa taraf ham bormikan?” degan öy keladi xayolingizga. Ah-ha, topdim, deysiz, “öng tomondan” deyişmoqçi.

Darhaqiqat, şunday: “un tomon” “öng tomon”ning şevadagi talaffuzi, buzilgan şakli. Bu — xato. Xatoni esa töğrilaş kerak. Balkim, yuqoridagi holni “arzimagan holat”   sifatida baholaydiganlar ham topilar. Ammo menimça, ona tilimiz bilan boğliq har qanday jihatga, u kattami, kiçikmi, jiddiy eʼtibor qaratiş zarur. Negaki, bu özligimiz timsoli bölgan ona tilimiz istiqboliga, millatimiz kelajagiga daxldor masaladir.

Nasiba ABDULLAYEVA,

Alişer Navoiy nomidagi

Özbek tili va adabiyoti universiteti

akademik litseyi öquvçisi